ಮುಂಬೈ: ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಬಾರ್ಡರ್-ಗವಾಸ್ಕರ್ ಟ್ರೋಫಿಗೆ ದಿನಗಣನೆ ಶುರುವಾಗಿದೆ. ಆದ್ರೆ ಟೂರ್ನಿಯಲ ಇತಿಹಾಸದಲ್ಲೇ ಆಸೀಸ್ಗೆ ಹೋಲಿಸಿದರೆ ಭಾರತ ತಂಡ ಕೊಂಚ ಮೇಲುಗೈ ಸಾಧಿಸಿದೆ.
ಹೌದು, 1996-97ರಿಂದ 2018ರವರೆಗೆ ಭಾರತ ಮತ್ತು ಆಸ್ಟ್ರೇಲಿಯಾ ತಂಡಗಳು 14 ಸರಣಿಗಳನ್ನಾಡಿವೆ. ಅದರಲ್ಲಿ ಭಾರತ 8 ಹಾಗೂ ಆಸ್ಟ್ರೇಲಿಯಾ 5 ಸರಣಿ ಗೆದ್ದಿದೆ. 8 ಬಾರಿ ಭಾರತದಲ್ಲಿ ನಡೆದಿರುವ ಸರಣಿಯಲ್ಲಿ ಭಾರತ ತಂಡ 6 ಬಾರಿ ಹಾಗೂ ಆಸ್ಟ್ರೇಲಿಯಾ 2 ಬಾರಿ ಗೆಲುವು ಸಾಧಿಸಿದೆ. ಆಸ್ಟ್ರೇಲಿಯಾದಲ್ಲಿ ನಡೆದಿರುವ 6 ಸರಣಿಯಲ್ಲಿ ಆಸೀಸ್ 4 ಹಾಗೂ ಭಾರತ ಒಮ್ಮೆ ಜಯ ಸಾಧಿಸಿದೆ. ಒಂದು ಬಾರಿ ಡ್ರಾನಲ್ಲಿ ಅಂತ್ಯಗೊಂಡಿದೆ.
ಇನ್ನು ಸರಣಿ ಶ್ರೇಷ್ಠ ಪ್ರಶಸ್ತಿಗಳನ್ನು ಪಡೆದಿರುವುದರಿಲ್ಲಿ ಭಾರತೀಯರೇ ಮುಂದಿದ್ದಾರೆ. 14 ಸರಣಿಗಳಲ್ಲಿ ಭಾರತೀಯರು 10 ಬಾರಿ ಹಾಗೂ ಆಸ್ಟ್ರೇಲಿಯಾ ತಂಡದ ಆಟಗಾರರು ಕೇವಲ 4 ಬಾರಿ ಈ ಪ್ರಶಸ್ತಿ ತಮ್ಮದಾಗಿಸಿಕೊಂಡಿದ್ದಾರೆ.
- 1996-97- ನಯನ್ ಮೋಂಗಿಯಾ(ಭಾರತ)
- 1997-98- ಸಚಿನ್ ತಂಡೂಲ್ಕರ್(ಭಾರತ)
- 1999-00-ಸಚಿನ್ ತೆಂಡೂಲ್ಕರ್(ಭಾರತ)
- 2000-01- ಹರ್ಭಜನ್ ಸಿಂಗ್(ಭಾರತ)
- 2003-04- ರಾಹುಲ್ ದ್ರಾವಿಡ್(ಭಾರತ)
- 2004-05- ಡೇವಿಡ್ ಮಾರ್ಟಿನ್(ಆಸ್ಟ್ರೇಲಿಯಾ)
- 2007-08-ಬ್ರೆಟ್ ಲೀ(ಆಸ್ಟ್ರೇಲಿಯಾ)
- 2008-09- ಇಶಾಂತ್ ಶರ್ಮಾ(ಭಾರತ)
- 2010-11-ಸಚಿನ್ ತೆಂಡೂಲ್ಕರ್(ಭಾರತ)
- 2011-12- ಮೈಕಲ್ ಕ್ಲಾರ್ಕ್(ಆಸ್ಟ್ರೇಲಿಯಾ)
- 2012-13- ರವಿಂದ್ರನ್ ಅಶ್ವಿನ್(ಭಾರತ)
- 2014-15- ಸ್ಟಿವ್ ಸ್ಮಿತ್(ಆಸ್ಟ್ರೇಲಿಯಾ)
- 2016-17- ರವೀಂದ್ರ ಜಡೇಜ(ಭಾರತ)
- 2018-19- ಚೇತೇಶ್ವರ್ ಪೂಜಾರ(ಭಾರತ)
