ಮುಂಬೈ: ಟೀಂ ಇಂಡಿಯಾ ಕ್ರಿಕೆಟ್ನ ನೂತನ ಕೋಚ್ ಆಗಿ ಹಾಲಿ ತರಬೇತುದಾರ ರವಿಶಾಸ್ತ್ರಿ ಆಯ್ಕೆಗೊಂಡಿದ್ದು, 2012ರ ಐಸಿಸಿ ಟಿ-20 ವಿಶ್ವಕಪ್ವರೆಗೂ ಅವರೇ ತಂಡದ ಗುರುವಾಗಿ ಕಾರ್ಯನಿರ್ವಹಿಸಲಿದ್ದಾರೆ. ಇದರ ಮಧ್ಯೆ ಮಹತ್ವದ ವಿಚಾರವೊಂದು ಹೊರಬಿದ್ದಿದೆ.
ಆಗಸ್ಟ್ 16ರಂದು ನಡೆದಿದ್ದ ಸಂದರ್ಶನದಲ್ಲಿ ಕಪಿಲ್ ದೇವ್ ನೇತೃತ್ವದ ಕ್ರಿಕೆಟ್ ಸಲಹಾ ಸಮಿತಿ (ಸಿಎಸಿ) ಹೊಸ ಕೋಚ್ ಹೆಸರನ್ನು ಅಧಿಕೃತವಾಗಿ ರವಿಶಾಸ್ತ್ರಿ ಹೆಸರು ಘೋಷಣೆ ಮಾಡಿತ್ತು. ಸಂದರ್ಶನದಲ್ಲಿ ನ್ಯೂಜಿಲ್ಯಾಂಡ್ನ ಮಾಜಿ ಕೋಚ್ ಮೈಕ್ ಹೆಸ್ಸನ್, ರವಿಶಾಸ್ತ್ರಿ ಹಿಂದಿಕ್ಕಿ ಸಂದರ್ಶನಕಾರರ ಗಮನ ಸಹ ಸೆಳೆದಿದ್ದರು. ಆದರೂ ಕ್ರಿಕೆಟ್ ಸಲಹಾ ಸಮಿತಿ ಹಾಲಿ ಕೋಚ್ ಶಾಸ್ತ್ರಿಗೆ ಮಣೆ ಹಾಕಿತು.
2012ರಿಂದ 2018ರವರೆಗೆ ನ್ಯೂಜಿಲ್ಯಾಂಡ್ ತಂಡದ ಕೋಚ್ ಆಗಿ ಕಾರ್ಯನಿರ್ವಹಿಸಿರುವ ಮೈಕ್ ಹೆಸ್ಸನ್, ತಂಡವನ್ನ ಅತ್ಯದ್ಭುತವಾಗಿ ಕಟ್ಟಿದ್ದಾರೆ. ಇವರ ಕೋಚ್ ಆದ ಸಮಯದಲ್ಲೇ ಕಿವೀಸ್ ತಂಡ ಅತ್ಯದ್ಬುತ ಪ್ರದರ್ಶನ ನೀಡಿದ್ದು,2015ರಲ್ಲಿ ಮೊದಲ ಬಾರಿಗೆ ತಂಡ ಏಕದಿನ ವಿಶ್ವಕಪ್ ಫೈನಲ್ ಪ್ರವೇಶ ಪಡೆದುಕೊಂಡಿದೆ. ಜತೆಗೆ ಅವರ ಕಟ್ಟಿದ ತಂಡವೇ 2019ರ ಏಕದಿನ ವಿಶ್ವಕಪ್ ಫೈನಲ್ಗೂ ಪ್ರವೇಶ ಪಡೆದುಕೊಂಡಿದೆ. ಆದರೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹೆಸ್ಸನ್ ಹೆಚ್ಚು ಕ್ರಿಕೆಟ್ ಆಡದೇ ಇರುವುದು ಅವರಿಗೆ ಮುಳುವಾಯಿತು ಎಂದು ತಿಳಿದು ಬಂದಿದೆ. 2018ರಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ಕೋಚ್ ಆಗಿದ್ದ ಹೆಸ್ಸನ್ ಆ ಹುದ್ದೆ ಸಹ ತೊರೆದಿದ್ದಾರೆ.
ಇನ್ನು ತಂಡದ ಕೋಚ್ ಆಗಿ ಆಯ್ಕೆ ಮಾಡುವುದಕ್ಕೂ ಮುನ್ನ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಜತೆ ಮಾತನಾಡಿದಾಗ ಮತ್ತೊಂದು ಅವಧಿಗೆ ಶಾಸ್ತ್ರಿಗೆ ಚಾನ್ಸ್ ನೀಡುವಂತೆ ಮನವಿ ಮಾಡಿಕೊಂಡಿದ್ದಾರೆ ಎನ್ನುವ ಮಾಹಿತಿ ಸಹ ಲಭ್ಯವಾಗಿದೆ. ಇನ್ನು ಶಾಸ್ತ್ರಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ 80 ಟೆಸ್ಟ್ ಪಂದ್ಯ ಹಾಗೂ 150 ಏಕದಿನ ಪಂದ್ಯಗಳನ್ನಾಡಿರುವುದು ಕೂಡ ಅವರ ಕೈ ಹಿಡಿದಿದೆ ಎಂದು ತಿಳಿದು ಬಂದಿದೆ.
