ಪುಣೆ: ಪ್ರೊ ಕಬಡ್ಡಿ ಲೀಗ್ನ ಆರಂಭದಿಂದಲೂ ಅದ್ಭುತ ಪ್ರದರ್ಶನ ತೋರುತ್ತಿರುವ ದಬಾಂಗ್ ಡೆಲ್ಲಿ ತನ್ನ ಗೆಲುವಿನ ಓಟವನ್ನು ಮುಂದುವರಿಸಿದೆ.
ಶ್ರೀ ಛತ್ರಪತಿ ಶಿವಾಜಿ ಕ್ರೀಡಾಂಗಣದಲ್ಲಿ ನಡೆದ 94ನೇ ಪಂದ್ಯದಲ್ಲಿ ದಬಾಂಗ್ ಡೆಲ್ಲಿ 37-29 ರಿಂದ ತೆಲುಗು ಟೈಟನ್ಸ್ ತಂಡವನ್ನು ಮಣಿಸಿ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲೇ ಮುಂದುವರಿದಿದೆ.
ಆರಂಭದಲ್ಲಿ ಹಿನ್ನಡೆ ಅನುಭವಿಸಿದರೂ ತನ್ನ ಚಾಣಾಕ್ಷ ಆಟದ ಮೂಲಕ ತೆಲುಗು ಟೈಟನ್ಸ್ ತಂಡವನ್ನು 2 ಬಾರಿ ಆಲೌಟ್ ಮಾಡಿದ್ರು. ನವೀನ್ ಕುಮಾರ್ 12, ವಿನಯ್ 6, ಅನಿಲ್ ಕುಮಾರ್ ,ಚಂದ್ರನ್ ರಂಜಿತ್, ರವೀಂದ್ರ ಪಹಲ್ ತಲಾ 4 ಅಂಕ ಪಡೆದು ಗೆಲುವಿನ ರೂವಾರಿಯಾದರು.
ತೆಲುಗು ಟೈಟನ್ಸ್ ಪರ ಸಿದ್ಧಾರ್ಥ್ ದೇಸಾಯಿ 12, ರಾಕೇಶ್ ಗೌಡ 5, ಫರಾದ್ 4 ಅಬೋಝರ್ 3 ಅಂಕ ಪಡೆದು ಉತ್ತಮ ಪೈಪೋಟಿ ನೀಡಿದ್ರು.
ಇದಕ್ಕೂ ಮುನ್ನ ನಡೆದ ಪಂದ್ಯದಲ್ಲಿ ಯುಪಿ ಯೋಧ 38-32 ರಲ್ಲಿ ಜೈಪುರ್ ಪಿಂಕ್ ಪ್ಯಾಂಥರ್ಸ್ ವಿರುದ್ಧ ಭರ್ಜರಿ ಜಯ ಸಾಧಿಸಿತು. ಶ್ರೀಕಾಂತ್ ಜಾಧವ್ 9, ರಿಷಾಂಕ್ ದೇವಾಡಿಗ 8, ಸುರೇಂದರ್ ಗಿಲ್7 ಅಂಕ ಪಡೆದು ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.
ಪ್ಯಾಂಥರ್ಸ್ ಪರ ದೀಪಕ್ ನಿವಾಸ್ ಹೂಡ 13 ಅಂಕ ಪಡೆದರೂ ತಂಡವನ್ನು ಗೆಲ್ಲಿಸಲಾಗಲಿಲ್ಲ. ಮತ್ತೋರ್ವ ಸ್ಟಾರ್ ರೈಡರ್ ಸುಶಿಲ್ ವೈಫಲ್ಯ ತಂಡದ ಸೋಲಿಗೆ ಕಾರಣವಾಯಿತು.
