ಆಂಟಿಗುವಾ: ವಿಂಡೀಸ್ ನಾಯಕ ಕಿರನ್ ಪೊಲಾರ್ಡ್ ಶ್ರೀಲಂಕಾ ವಿರುದ್ಧದ ಮೊದಲ ಟಿ-20 ಪಂದ್ಯದಲ್ಲಿ ಒಂದೇ ಓವರ್ನ 6 ಎಸೆತಗಳಲ್ಲಿ ಆರು ಸಿಕ್ಸರ್ ಸಿಡಿಸಿ ವಿಶ್ವದಾಖಲೆ ಸರಿಗಟ್ಟಿದ್ದಾರೆ.
ಪೊಲಾರ್ಡ್, ಲಂಕಾ ಸ್ಪಿನ್ನರ್ ಧನಂಜಯ ಬೌಲಿಂಗ್ನಲ್ಲಿ ಈ ಸಾಧನೆ ಮಾಡಿದ್ದಾರೆ. ಒಂದೇ ಓವರ್ನಲ್ಲಿ 6 ಸಿಕ್ಸರ್ ಬಾರಿಸಿದ ವಿಶ್ವದ ಎಂಟನೇ ಆಟಗಾರ ಎನಿಸಿಕೊಂಡರು. ದಿಗ್ಗಜ ಸರ್ ಗ್ಯಾರಿ ಸೋಬರ್ಸ್ ನಂತರ ಪೊಲಾರ್ಡ್ ಈ ದಾಖಲೆ ಬರೆದ ವಿಂಡೀಸ್ನ ಎರಡನೇ ಬ್ಯಾಟ್ಸ್ಮನ್ ಆದರು. 1968ರಲ್ಲಿ ಸೋಬರ್ಸ್ ಈ ಸಾಧನೆ ಮಾಡಿದ ಮೊದಲ ಆಟಗಾರನಾಗಿ ಹೊರಹೊಮ್ಮಿದ್ದರು. ಬಳಿಕ ಪ್ರಸ್ತುತ ಟೀಂ ಇಂಡಿಯಾದ ಮುಖ್ಯ ಕೋಚ್ ರವಿಶಾಸ್ತ್ರಿ 1985ರಲ್ಲಿ ಬರೋಡಾದ ಎಡಗೈ ಸ್ಪಿನ್ನರ್ ತಿಲಕ್ ರಾಜ್ ಎಸೆದ ಓವರ್ನ ಆರೂ ಎಸೆತಗಳನ್ನು ಸಿಕ್ಸರ್ಗೆ ಅಟ್ಟಿದ್ದರು.
-
Absolute scenes 🤯@KieronPollard55 becomes the first @windiescricket player to hit six straight sixes in a T20I!#WIvSL pic.twitter.com/nrtmJHGcip
— ICC (@ICC) March 4, 2021 " class="align-text-top noRightClick twitterSection" data="
">Absolute scenes 🤯@KieronPollard55 becomes the first @windiescricket player to hit six straight sixes in a T20I!#WIvSL pic.twitter.com/nrtmJHGcip
— ICC (@ICC) March 4, 2021Absolute scenes 🤯@KieronPollard55 becomes the first @windiescricket player to hit six straight sixes in a T20I!#WIvSL pic.twitter.com/nrtmJHGcip
— ICC (@ICC) March 4, 2021
2007ರಲ್ಲಿ ನಡೆದ ಟಿ-20 ವಿಶ್ವಕಪ್ನಲ್ಲಿ ಭಾರತ ತಂಡದ ಆಲ್ರೌಂಡರ್ ಯುವರಾಜ್ ಸಿಂಗ್ ಇಂಗ್ಲೆಂಡ್‌ನ ಸ್ಟುವರ್ಟ್ ಬ್ರಾಡ್‌ ಓವರ್ನಲ್ಲಿ 6 ಸಿಕ್ಸರ್ ಬಾರಿಸಿದ್ದರು. ಇದು ಟಿ-20 ಅಂತಾರಾಷ್ಟ್ರೀಯ ಪಂದ್ಯದಲ್ಲಿನ ಮೊದಲ ವಿಶ್ವದಾಖಲೆ ಆಗಿದೆ. ಇದೀಗ ಯುವಿ ದಾಖಲೆಯನ್ನು ಪೊಲಾರ್ಡ್ ಸರಿಗಟ್ಟಿದ್ದಾರೆ.
11 ಎಸೆತಗಳಲ್ಲಿ 38 ರನ್ ಗಳಿಸಿ ಪೊಲಾರ್ಡ್ ಔಟಾದರು. ಧನಂಜಯ ಎಸೆದ ಪಂದ್ಯದ ಆರನೇ ಓವರ್ನಲ್ಲಿ ಮೊದಲ ಎಸೆತ ಲಾಂಗ್ - ಓವರ್‌ಗೆ, ಎರಡನೇ ಎಸೆತದಲ್ಲಿ ಅವರನ್ನು ಸೈಟ್‌ಸ್ಕ್ರೀನ್‌ನತ್ತ ಬಾರಿಸಿದರು. ಬಳಿಕ ಆಫ್-ಸ್ಟಂಪ್ ಹೊರಗೆ ಬಿದ್ದ ಬೌಲ್ನ್ನು ಪೊಲಾರ್ಡ್ ಲಾಂಗ್-ಆಫ್ ಮೇಲೆ ಸಿಕ್ಸರ್ಗೆ ಅಟ್ಟಿದರು. ನಾಲ್ಕನೇ ಚೆಂಡನ್ನು ಡೀಪ್ ಮಿಡ್-ವಿಕೆಟ್ನತ್ತ ಬಾರಿಸಿದರೆ, 5ನೇ ಎಸೆತವನ್ನು ಬೌಲರ್‌ನ ತಲೆಯ ಮೇಲೆ ಹೊಡೆದರು. ಹೀಗೆ ಸಿಕ್ಸರ್ ಸುರಿಮಳೆಯಿಂದ ದನಂಜಯ ಸುಸ್ತಾದರೆ, ತವರಿನ ಪ್ರೇಕ್ಷಕರೆದರು ಪೊಲಾರ್ಡ್ ಅಬ್ಬರಿಸಿದರು.
ಇದನ್ನೂ ಓದಿ: ರೋಡ್ ಸೇಫ್ಟಿ ವರ್ಲ್ಡ್ ಸಿರೀಸ್ 2021: ನಾಳೆಯಿಂದ ಕ್ರಿಕೆಟ್ ಹಬ್ಬ, ಮತ್ತೆ ಬ್ಯಾಟ್ ಬೀಸಲಿದ್ದಾರೆ ಸಚಿನ್, ಸೆಹ್ವಾಗ್!
ಹ್ಯಾಟ್ರಿಕ್ ವಿಕೆಟ್:
ದನಂಜಯ ಇದಕ್ಕೂ ಮುನ್ನ ಎಸೆದ ಓವರ್ನಲ್ಲಿ ಹ್ಯಾಟ್ರಿಕ್ ವಿಕೆಟ್ ಕಬಳಿಸಿದ್ದರು. ಆದರೆ, ಅವರ ಸಂಭ್ರಮವನ್ನು ಪೊಲಾರ್ಡ್ ಕೆಲ ಸಮಯದಲ್ಲೇ ಕಿತ್ತುಕೊಂಡರು. ಆರಂಭಿಕ ಆಟಗಾರ ಎವಿನ್ ಲೂಯಿಸ್, ಗೇಲ್ ಮತ್ತು ವಿಕೆಟ್‌ಕೀಪರ್-ಬ್ಯಾಟ್ಸ್ಮನ್ ನಿಕೋಲಸ್ ಪೂರನ್ ಅವರ ವಿಕೆಟ್ ಪಡೆದು ದನಂಜಯ ಹ್ಯಾಟ್ರಿಕ್ ಸಾಧಿಸಿದ್ದರು. ಹ್ಯಾಟ್ರಿಕ್ ಹಿನ್ನೆಲೆ ಅದುವರೆಗೂ ವಿಕೆಟ್ ನಷ್ಟವಿಲ್ಲದೇ 52 ರನ್ ಗಳಿಸಿದ್ದ ವಿಂಡೀಸ್, ಏಕಾಏಕಿ ಸಂಕಷ್ಟಕ್ಕೆ ಸಿಲುಕುವ ಭೀತಿಗೊಳಗಾಗಿತ್ತು.
ಮೂರನೇ ಆಟಗಾರ:
ಪೊಲಾರ್ಡ್ ಅವರು, ಯುವರಾಜ್ ಮತ್ತು ದಕ್ಷಿಣ ಆಫ್ರಿಕಾದ ಹರ್ಷೆಲ್ ಗಿಬ್ಸ್ ಬಳಿಕ ಅಂತಾರಾಷ್ಟ್ರೀಯ ಪಂದ್ಯವೊಂದರಲ್ಲಿ ಈ ಸಾಧನೆ ಮಾಡಿದ ಬ್ಯಾಟ್ಸ್‌ಮನ್‌ಗಳ ಸಾಲಿಗೆ ಸೇರಿಕೊಂಡರು. 2007ರ ಏಕದಿನ ವಿಶ್ವಕಪ್ನಲ್ಲಿ ನೆದರ್‌ಲ್ಯಾಂಡ್ಸ್ ವಿರುದ್ಧ ಗಿಬ್ಸ್ ಈ ದಾಖಲೆ ಬರೆದಿದ್ದರು.
ಇದನ್ನೂ ಓದಿ: ಕೊಹ್ಲಿ ಪಡೆಯ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಕನಸಿಗೆ ತಡೆಯೊಡ್ಡುವುದೇ ಇಂಗ್ಲೆಂಡ್ ?
ಪೊಲಾರ್ಡ್ ಅಬ್ಬರದಿಂದ ವಿಂಡೀಸ್ 132 ರನ್ಗಳ ಗುರಿಯನ್ನು 6 ವಿಕೆಟ್ ಕಳೆದುಕೊಂಡು ತಲುಪಿತು. ಇದಕ್ಕೂ ಮುನ್ನ ಮೊದಲು ಬ್ಯಾಟಿಂಗ್ ಮಾಡಿದ್ದ ಶ್ರೀಲಂಕಾ 9 ವಿಕೆಟ್ ನಷ್ಟಕ್ಕೆ ಕೇವಲ 131 ರನ್ ಗಳಿಸಿತ್ತು. ಈ ಗೆಲುವಿನಿಂದ ಕೆರಿಬಿಯನ್ನರು 3 ಪಂದ್ಯಗಳ ಸರಣಿಯಲ್ಲಿ 1-0 ಅಂತರದ ಮುನ್ನಡೆ ಸಾಧಿಸಿದಂತಾಗಿದೆ.
