ನವದೆಹಲಿ: ಕೋವಿಡ್ 19 ಭೀತಿಯಿಂದ ಐಸಿಸಿ 2020ರ ಟಿ-20 ವಿಶ್ವಕಪ್ ಕೂಟವನ್ನು ಮುಂದೂಡಿದೆ. ಇದೇ ಸಂದರ್ಭದಲ್ಲಿ 2023 ರ 50 ಓವರ್ಗಳ ವಿಶ್ವಕಪ್ ಅಕ್ಟೋಬರ್- ನವೆಂಬರ್ನಲ್ಲಿ ಭಾರತದಲ್ಲಿ ನಡೆಯಲಿದೆ ಎಂದು ಘೋಷಣೆ ಮಾಡಿದೆ.
ಸದ್ಯದ ಮಾಹಿತಿ ಪ್ರಕಾರ 2021ರ ಟಿ-20 ವಿಶ್ವಕಪ್ನ ಆತಿಥ್ಯವನ್ನು ಭಾರತ ವಹಿಸಿಕೊಳ್ಳಲಿದೆ. ಆದರೆ, 2020ರ ಆವೃತ್ತಿಯನ್ನು ಆಸ್ಟ್ರೇಲಿಯಾ ನಡೆಸಲು ಸಾಧ್ಯವಾಗದ ಕಾರಣ , ಅವರು 2021ರ ವಿಶ್ವಕಪ್ ಆತಿಥ್ಯ ತಮಗೆ ನೀಡಿ 2022ರ ಆತಿಥ್ಯವನ್ನು ಭಾರತಕ್ಕೆ ನೀಡುವಂತೆ ಐಸಿಸಿಗೆ ಮನವಿ ಮಾಡಿಕೊಂಡಿದ್ದಾರೆ.
ಐಸಿಸಿ 2021 ಮತ್ತು 2022ರ ಟಿ-20 ವಿಶ್ವಕಪ್ ಆಥಿತ್ಯ ವಹಿಸುವ ಸ್ಥಳವನ್ನು ಇನ್ನು ಘೋಷಣೆ ಮಾಡಿಲ್ಲ. ಕಾರಣ ಮುಂದಿನ ವರ್ಷದ ವಿಶ್ವಕಪ್ ಹಕ್ಕು ಹೊಂದಿರುವ ಭಾರತ ಆಸ್ಟ್ರೇಲಿಯಾಕ್ಕೆ ಹಸ್ತಾಂತರಿಸುತ್ತದೆಯೇ ಎಂಬುದರ ಬಗ್ಗೆ ಇನ್ನು ನಿರ್ಧಾರ ತೆಗೆದುಕೊಂಡಿಲ್ಲ ಎಂದು ಐಸಿಸಿ ಸದಸ್ಯರೊಬ್ಬರು ಹೇಳಿದ್ದಾರೆ.
![BCCI](https://etvbharatimages.akamaized.net/etvbharat/prod-images/bcci_2107newsroom_1595307444_258.jpg)
"ಟಿ20 ವಿಶ್ವಕಪ್ಗಳ ಸ್ಥಳವನ್ನು ಗೊತ್ತು ಮಾಡದಿರುವುದು ಮತ್ತು 2023ರ ವಿಶ್ವಕಪ್ ಟೂರ್ನಿಯನ್ನು ಕೆಲವು ತಿಂಗಳು ಮುಂದೂಡಿರುವ ಕಾರಣ 2021ರ ಆತಿಥ್ಯ ಆಸ್ಟ್ರೇಲಿಯಾಕ್ಕೆ ಹೋದರೆ ಮತ್ತು ಭಾರತ 2023ರ ಆತಿಥ್ಯವನ್ನು ಭಾರತ ವಹಿಸಿದರೆ ಬ್ರಾಡ್ಕಾಸ್ಟರ್ಗಳಿಗೆ ಉಸಿರಾಡಲು ಜಾಗಮಾಡಿಕೊಟ್ಟಂತಾಗುತ್ತದೆ. ಅಲ್ಲದೇ 2022ರ ಟಿ -20 ಹಾಗೂ 2023ರ ಏಕದಿನ ವಿಶ್ವಕಪ್ಗಳನ್ನು 6 ತಿಂಗಳಲ್ಲಿ ಭಾರತದಲ್ಲಿ ಆಯೋಜಿಸುವುದು ಕಷ್ಟ ಸಾಧ್ಯವಾಗುತ್ತದೆ" ಎಂದು ಅವರು ವಿವರಿಸಿದ್ದಾರೆ.
ಈ ಬಗ್ಗೆ ಬಿಸಿಸಿಐ ಅಧಿಕಾರಿಯೊಬ್ಬರನ್ನು ಸಂಪರ್ಕಿಸಿದಾಗ, ಇದು ಭಾರತೀಯ ಮಂಡಳಿ ಮತ್ತು ಕ್ರಿಕೆಟ್ ಆಸ್ಟ್ರೇಲಿಯಾ ಎರಡೂ ಒಗ್ಗಟ್ಟಿನಿಂದ ತೆಗೆದುಕೊಳ್ಳುವ ನಿರ್ಧಾರ ಎಂದು ಸ್ಪಷ್ಟಪಡಿಸಿದ್ದಾರೆ.
" ಬಿಸಿಸಿಐ ಮತ್ತು ಸಿಎ ಬಹಳ ಬಲವಾದ ಸಂಬಂಧ ಹೊಂದಿವೆ ಮತ್ತು ಈ ವಿಷಯದಲ್ಲಿ ಯಾವುದೇ ನಿರ್ಧಾರವನ್ನು ಪರಸ್ಪರ ನಂಬಿಕೆಯನ್ನು ಇಟ್ಟುಕೊಂಡು ಎರಡು ಮಂಡಳಿಗಳ ನಡುವಿನ ಚರ್ಚೆಯ ನಂತರ ಅಂತಿಮ ನಿರ್ಧಾರ ತೆಗೆದುಕೊಳ್ಳಲಾಗುತ್ತದೆ " ಎಂದು ಅವರು ಮಾಧ್ಯಮಕ್ಕೆ ತಿಳಿಸಿದ್ದಾರೆ.