ದುಬೈ: ಇಂಡಿಯನ್ ಪ್ರೀಮಿಯರ್ ಲೀಗ್ ಇತಿಹಾಸದಲ್ಲೇ ಮಹೇಂದ್ರ ಸಿಂಗ್ ಧೋನಿ ನೇತೃತ್ವದ ಚೆನ್ನೈ ಸೂಪರ್ ಕಿಂಗ್ಸ್ 13ನೇ ಆವೃತ್ತಿಯಲ್ಲಿ ಹೀನಾಯ ಪ್ರದರ್ಶನ ನೀಡಿದ್ದು, ಇದೇ ಮೊದಲ ಬಾರಿಗೆ ನಾಕೌಟ್ ಹಂತದಿಂದ ಹೊರಬಿದ್ದಿದೆ.
ಧೋನಿ ನೇತೃತ್ವದಲ್ಲಿ ಆಡಿರುವ ಸಿಎಸ್ಕೆ ತಂಡ 11 ಪಂದ್ಯಗಳ ಪೈಕಿ ಕೇವಲ 3ರಲ್ಲಿ ಗೆಲುವು ಸಾಧಿಸಿ, ಅಂಕ ಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲಿದೆ. ಬ್ಯಾಟಿಂಗ್ ಹಾಗೂ ಬೌಲಿಂಗ್ನಲ್ಲಿ ಧೋನಿ ಪಡೆ ಸಂಪೂರ್ಣವಾಗಿ ಮಂಕಾಗಿದ್ದು, ಧೋನಿ ಖುದ್ದಾಗಿ ರನ್ಗಳಿಕೆ ಮಾಡುವಲ್ಲಿ ಸಂಪೂರ್ಣವಾಗಿ ವಿಫಲರಾಗಿದ್ದಾರೆ.
ಐಪಿಎಲ್ನಿಂದಲೂ ಧೋನಿ ನಿವೃತ್ತಿ ಪಡೆದುಕೊಳ್ತಾರಾ...? ಟ್ವೀಟರ್ನಲ್ಲಿ ಇಂತಹದ್ದೊಂದು ಚರ್ಚೆ!
ನಿನ್ನೆ ಮುಂಬೈ ವಿರುದ್ಧ ನಡೆದ ಪಂದ್ಯದಲ್ಲಿ 6 ಓವರ್ಗಳಲ್ಲಿ 5ವಿಕೆಟ್ ಕಳೆದುಕೊಂಡು ಕೇವಲ 24ರನ್ಗಳಿಕೆ ಮಾಡಿದ್ದು, ಐಪಿಎಲ್ ಇತಿಹಾಸದಲ್ಲೇ ಕಳಪೆ ಬ್ಯಾಟಿಂಗ್ ಪ್ರದರ್ಶನ ನೀಡಿದೆ. ಇನ್ನು ಸಿಎಸ್ಕೆ ತಂಡಕ್ಕೆ ಕೇವಲ ಮೂರು ಪಂದ್ಯಗಳು ಬಾಕಿ ಉಳಿದಿದ್ದು, ಅವುಗಳಲ್ಲಿ ಧೋನಿ ಆಡುವವರೇ ಎಂಬ ಪ್ರಶ್ನೆ ಉದ್ಭವವಾಗಿದೆ.
ಧೋನಿ ಉತ್ತರ ಇಲ್ಲಿದೆ!
ಮುಂದಿನ ವರ್ಷದ ಐಪಿಎಲ್ಗೆ ನಾವು ಸ್ಪಷ್ಟವಾದ ಚಿತ್ರ ಹೊಂದಿರಬೇಕು. ಕ್ರಿಕೆಟರ್ಸ್ ಪ್ರತಿಭೆ ಪ್ರದರ್ಶಿಸಲು ನಾವು ಅವಕಾಶ ನೀಡಬೇಕು ಎಂದು ಹೇಳಿದ್ದಾರೆ. ಇದೇ ವೇಳೆ ಉಳಿದಿರುವ ಮೂರು ಪಂದ್ಯಗಳಲ್ಲಿ ಕನಿಷ್ಠ ಒಂದು ವಿಶೇಷ ಇನ್ನಿಂಗ್ಸ್ ನೋಡಲು ಸಿಗುವುದೇ ಎಂದು ನಿರೂಪಕ ಸೈಮನ್ ಡೌಲ್ ಕೇಳಿರುವ ಪ್ರಶ್ನೆಗೆ ನಗುಮುಖದಿಂದಲೇ ಉತ್ತರಿಸಿದ ಧೋನಿ, ಕ್ಯಾಪ್ಟನ್ ಓಡಿಹೋಗಲು ಸಾಧ್ಯವಿಲ್ಲ. ಮುಂದಿನ ಎಲ್ಲ ಪಂದ್ಯಗಳಲ್ಲೂ ಆಡುತ್ತೇನೆ ಎಂದು ಹೇಳಿದ್ದಾರೆ.
