ಚೆನ್ನೈ: 14ನೇ ಆವೃತ್ತಿ ಇಂಡಿಯನ್ ಪ್ರೀಮಿಯರ್ ಲೀಗ್ಗಾಗಿ ನಿನ್ನೆ ಚೆನ್ನೈನಲ್ಲಿ ನಡೆದ ಹರಾಜು ಪ್ರಕ್ರಿಯೆಯಲ್ಲಿ ಟೀಂ ಇಂಡಿಯಾ ವೇಗಿ ಉಮೇಶ್ ಯಾದವ್ ಕೇವಲ 1 ಕೋಟಿ ರೂ.ಗೆ ಸೇಲ್ ಆಗಿದ್ದು, ಡೆಲ್ಲಿ ಕ್ಯಾಪಿಟಲ್ ಇವರನ್ನ ಖರೀದಿ ಮಾಡಿದೆ.
ಇದೇ ವಿಚಾರಕ್ಕೆ ಸಂಬಂಧಿಸಿದಂತೆ ಮಾತನಾಡಿರುವ ಟೀಂ ಇಂಡಿಯಾ ಮಾಜಿ ಪ್ಲೇಯರ್, ಬಿಜೆಪಿ ಸಂಸದ ಗೌತಮ್ ಗಂಭೀರ್, ಟೀಂ ಇಂಡಿಯಾ ವೇಗಿ ಉಮೇಶ್ ಯಾದವ್ ಕೇವಲ 1 ಕೋಟಿ ರೂ.ಗೆ ಸೇಲ್ ಆಗಿದ್ದು ತುಂಬಾ ಆಘಾತವಾಯಿತು ಎಂದಿದ್ದಾರೆ.
ಕಳೆದ ಆವೃತ್ತಿಯಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದಲ್ಲಿದ್ದ ಉಮೇಶ್ ಯಾದವ್ಗೆ ತಂಡ ರಿಲೀಸ್ ಮಾಡಿತ್ತು. ಈ ಸಲ ಹೆಚ್ಚಿನ ಮೊತ್ತಕ್ಕೆ ಈ ಪ್ಲೇಯರ್ ಖರೀದಿಯಾಗಲಿದ್ದಾರೆ ಎಂಬ ಮಾತು ಕೇಳಿ ಬಂದಿತ್ತು. ಆದರೆ ಮೂಲ ಬೆಲೆಗೆ ಅವರನ್ನ ಖರೀದಿ ಮಾಡಲಾಗಿದೆ.
ಓದಿ: ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಲಂಕಾ ಬೌಲರ್ ಧಮ್ಮಿಕಾ ಪ್ರಸಾದ್ ವಿದಾಯ
ಐಪಿಎಲ್ನಲ್ಲಿ 121 ಪಂದ್ಯಗಳಿಂದ 119 ವಿಕೆಟ್ ಕಬಳಿಕೆ ಮಾಡಿರುವ ಈ ಪ್ಲೇಯರ್ 135-140ರ ವೇಗದಲ್ಲಿ ಬೌಲಿಂಗ್ ಮಾಡುವ ಸಾಮರ್ಥ್ಯ ಹೊಂದಿದ್ದಾರೆ. ಈ ಪ್ಲೇಯರ್ ಹೆಚ್ಚಿನ ಮೊತ್ತಕ್ಕೆ ಸೇಲ್ ಆಗಬೇಕಾಗಿತ್ತು ಎಂದು ಅಭಿಪ್ರಾಯಪಟ್ಟಿರುವ ಗೌತಮ್ ಗಂಭೀರ್, ಡೆಲ್ಲಿ ತಂಡಕ್ಕೆ ಇಂತಹ ಬೌಲರ್ ಅಗತ್ಯವಿತ್ತು. ಇಶಾಂತ್ ಶರ್ಮಾಗೆ ಮೇಲಿಂದ ಮೇಲೆ ಗಾಯಗಳಾಗುತ್ತಿರುವುದು ತಂಡಕ್ಕೆ ದೊಡ್ಡ ಸಮಸ್ಯೆಯಾಗಿತ್ತು ಎಂದಿದ್ದಾರೆ. 2020ರ ಐಪಿಎಲ್ನಲ್ಲಿ ಕೇವಲ ಎರಡು ಟಿ-20 ಪಂದ್ಯಗಳನ್ನಾಡಿದ್ದ ಉಮೇಶ್ ಯಾದವ್ 7 ಓವರ್ಗಳಿಂದ ಯಾವುದೇ ವಿಕೆಟ್ ಪಡೆದುಕೊಳ್ಳದೇ 83ರನ್ ನೀಡಿ ದುಬಾರಿ ಬೌಲರ್ ಆಗಿದ್ದರು.
