ಚೆನ್ನೈ(ತಮಿಳುನಾಡು): 3 ಬಾರಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್ ಶನಿವಾರ 450 ಆಕ್ಸಿನ್ ಕಾನ್ಸೆಂಟ್ರೇಟರ್ಸ್ಗಳನ್ನು ತಮಿಳುನಾಡು ಸರ್ಕಾರಕ್ಕೆ ದೇಣಿಗೆಯಾಗಿ ನೀಡಿದೆ.
ಭಾರತದಾದ್ಯಂತ ಕೊರೊನಾ ಪ್ರಕರಣಗಳು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿವೆ. ಕರ್ನಾಟಕ , ಮಹಾರಾಷ್ಟ್ರ , ನವದೆಹಲಿ, ಆಂದ್ರ ಪ್ರದೇಶಗಳಲ್ಲಿ ಕೊರೊನಾ ಆಕ್ರಮಣ ತೀವ್ರವಾಗಿದೆ. ಇನ್ನು ತಮಿಳುನಾಡಿನಲ್ಲೂ ಸಾಂಕ್ರಾಮಿಕ ಮಿತಿ ಮೀರುತ್ತಿದ್ದು, ಲಾಕ್ಡೌನ್ ಮಾಡುವ ಆಲೋಚನೆಯಲ್ಲಿ ಸರ್ಕಾರವಿದೆ.
ಇದೇ ಸಂದರ್ಭದಲ್ಲಿ ಐಪಿಎಲ್ನ ಅಂತ್ಯಂತ ಯಶಸ್ವಿ ಫ್ರಾಂಚೈಸಿಯಾದ ಚೆನ್ನೈ ಸೂಪರ್ ಕಿಂಗ್ಸ್ ಸರ್ಕಾರಕ್ಕೆ 450 ಆಕ್ಸಿಜನ್ ಕಾನ್ಸೆಂಟ್ರೇಟರ್ಗಳನ್ನು ದೇಣಿಗೆ ನೀಡಲು ನಿರ್ಧರಿಸಿದ್ದು, ಇಂದು ನೂತನ ಸಿಎಂ ಸ್ಟಾಲಿನ್ ಅವರನ್ನು ಭೇಟಿ ಮಾಡಿ ಸಾಂಕೇತಿಕವಾಗಿ ಒಂದು ಆಕ್ಸಿಜನ್ ಕಾನ್ಸೆಂಟ್ರೇಟರ್ಅನ್ನು ನೀಡಿದೆ.
ತಮಿಳು ನಾಡು ಕ್ರಿಕೆಟ್ ಅಸೋಸಿಯೇಷನ್ ಅಧ್ಯಕ್ಷೆ ರೂಪ ಗುರುನಾಥ್ ಸಮ್ಮುಖದಲ್ಲಿ ಸಿಎಸ್ಕೆ ಡೈರೆಕ್ಟರ್ ಆರ್ ಶ್ರೀನಿವಾಸನ್ ಆಕ್ಸಿಜನ್ ಕಾನ್ಸೆಂಟ್ರೇಟರ್ ಅನ್ನು ದೇಣಿಗೆಯಾಗಿ ನೀಡಿದರು.
ಇದನ್ನು ಓದಿ:ಆಕ್ಸಿಜನ್ ಸಿಲಿಂಡರ್ ,ಕೋವಿಡ್ ರಿಲೀಫ್ ಕಿಟ್ ಖರೀದಿಗಾಗಿ ದೇಣಿಗೆ ನೀಡಿದ ರಿಷಭ್ ಪಂತ್
