ಕೇಪ್ಟೌನ್: ಭಾರತ ತಂಡದ ವಿರುದ್ಧ ನಡೆಯಲಿರುವ ಕೊನೆಯ ಟೆಸ್ಟ್ ಪಂದ್ಯ ದಕ್ಷಿಣ ಆಫ್ರಿಕಾ ಪಾಲಿಗೆ ಕಳೆದ 10-15 ವರ್ಷಗಳಲ್ಲಿ ಅತ್ಯಂತ ಮಹತ್ವದ ಪಂದ್ಯ ಎಂದು ಅತಿಥೇಯ ತಂಡದ ನಾಯಕ ಡೀನ್ ಎಲ್ಗರ್ ಹೇಳಿದ್ದಾರೆ.
ಸರಣಿ ನಿರ್ಣಯಿಸುವ ಕೊನೆಯ ಪಂದ್ಯಕ್ಕೂ ಮುನ್ನ ಮಾತನಾಡಿದ ಅವರು, ವಿರಾಟ್ ಕೊಹ್ಲಿ ತಂಡಕ್ಕೆ ಸೇರಿಕೊಂಡಿರುವುದರಿಂದ ಎರಡೂ ತಂಡಗಳ ನಡುವಿನ ರೋಚಕತೆಯನ್ನು ತೀವ್ರಗೊಳಿಸಲಿದೆ ಎಂದು ಕೇಪ್ಟೌನ್ ಟೆಸ್ಟ್ಗೂ ಮುನ್ನ ನಡೆದ ಮಾಧ್ಯಮಗೋಷ್ಟಿಯಲ್ಲಿ ತಿಳಿಸಿದ್ದಾರೆ.
ವಿರಾಟ್ ಕೊಹ್ಲಿ ಪಂದ್ಯಕ್ಕೆ ವಿಭಿನ್ನವಾದ ಉತ್ಸಾಹವನ್ನು ತರಲಿದ್ದಾರೆ. ಅವರನ್ನು ಹಿಂದಿನ ಪಂದ್ಯದಲ್ಲಿ ಅವರಿಲ್ಲದ್ದು ನಮಗೆ ಅನಕೂಲವಾಗಿತ್ತು ಎಂದು ನಾನು ಭಾವಿಸುವುದಿಲ್ಲ. ಆದರೆ ಅವರ ತಂಡ ಅವರನ್ನು ಮಿಸ್ ಮಾಡಿಕೊಂಡಿತ್ತು. ಕೇವಲ ನಾಯಕತ್ವ ದೃಷ್ಟಿಕೋನದಲ್ಲಲ್ಲ, ಜೊತೆಗೆ ತಂತ್ರಗಾರಿಕೆಯಲ್ಲೂ ಎದುರಾಳಿ ತಂಡ ಕೊಹ್ಲಿಯನ್ನು ಮಿಸ್ ಮಾಡಿಕೊಂಡಿತ್ತು.
ಅವರೊಬ್ಬ ವಿಶ್ವದರ್ಜೆಯ ಆಟಗಾರ ಮತ್ತು ಅವರ ತಂಡದಲ್ಲಿ ಅನುಭವವುಳ್ಳ ಆಟಗಾರ. ಅವರ ಹೆಸರೇ ಇದನ್ನೆಲ್ಲಾ ಹೇಳುತ್ತಿದೆ. ನಾವು ನಮ್ಮ ಸುತ್ತ ಇರುವ ಹೆಚ್ಚು ಗೌರವಾನ್ವಿತ ಕ್ರಿಕೆಟಿಗರಲ್ಲಿ ಒಬ್ಬರು. ಆದರೆ ನಾವು ಆಡುವುದು ಯಾರ ವಿರುದ್ಧ ಎನ್ನುವುದು ವಿಷಯವಲ್ಲ. ನಾವು ಒಂದು ತಂಡವನ್ನು ಹೊಂದಿದ್ದೇವೆ, ತಂಡವಾಗಿಯೇ ಆಲೋಚಿಸುತ್ತೇವೆ ಎಂದು ಕೊಹ್ಲಿ ಕಮ್ಬ್ಯಾಕ್ ಸಮಸ್ಯೆಯಾಗಬಹುದೇ ಎಂಬ ಪ್ರಶ್ನೆಗೆ ಎಲ್ಗರ್ ಪ್ರತಿಕ್ರಿಯಿಸಿದ್ದಾರೆ.
10-15 ವರ್ಷಗಳಲ್ಲೇ ದೊಡ್ಡ ಪಂದ್ಯ:
ಈ ಟೆಸ್ಟ್ ಪಂದ್ಯ ನಮಗೆ 10 ವರ್ಷಗಳಲ್ಲಿ ನಾವು ಹೊಂದಿದ ಅತ್ಯಂತ ದೊಡ್ಡ ಟೆಸ್ಟ್ ಪಂದ್ಯವಾಗಲಿದೆ. ಬಹುಶಃ 10 ಅಲ್ಲ 15 ವರ್ಷಗಳು. ಈ ಪಂದ್ಯ ತನ್ನದೇ ಆದ ಗೌರವವನ್ನು ಪಡೆಯುತ್ತದೆ ಎಂದು ನಾನು ಭಾವಿಸುತ್ತೇನೆ ಎಂದು ದಕ್ಷಿಣ ಆಫ್ರಿಕಾ ತಂಡದ ನಾಯಕ ಹೇಳಿದ್ದಾರೆ.
ನನ್ನ ವೃತ್ತಿ ಜೀವನದಲ್ಲೇ ಮಹತ್ವದ ಒಪಂದ್ಯ
ಈ ಸರಣಿಯನ್ನು 2-1ರಲ್ಲಿ ಸರಣಿ ಗೆಲ್ಲುವುದು ನಮಗೆ ತುಂಬಾ ದೊಡ್ಡ ಸಾಧನೆ ಎನಿಸಲಿದೆ. ಅದಲರ ವಿಶ್ವದ ನಂಬರ್ 1 ತಂಡವನ್ನು ನಮ್ಮ ನೆಲದಲ್ಲಿ ಗೆಲ್ಲುವುದು ತುಂಬಾ ಒಳ್ಳೆಯ ಭಾವನೆಯನ್ನುಂಟು ಮಾಡುತ್ತದೆ. ಖಂಡಿತವಾಗಿ ನಾಯಕನಾಗಿ ಇದು ನನ್ನ ವೃತ್ತಿ ಜೀವನದ ಉತ್ತಮ ಸಾಧನೆ. ಆದರೆ ನಾವು ಕಳೆದ ಕೆಲವು ತಿಂಗಳುಗಳಿಂದ ಇದಕ್ಕಾಗಿ ಸಾಕಷ್ಟು ಕಠಿಣ ಪರಿಶ್ರಮ ಪಟ್ಟಿದ್ದೇವೆ ಎಂದಿದ್ದಾರೆ.
ಇದನ್ನೂ ಓದಿ:ಅಜಿಂಕ್ಯ ರಹಾನೆ, ಪೂಜಾರ ಅನುಭವ ತಂಡಕ್ಕೆ ಅಮೂಲ್ಯ: ಕೊಹ್ಲಿ
