ಮುಂಬೈ: ಇಂಗ್ಲೆಂಡ್ ಆಲ್ರೌಂಡರ್ ಬೆನ್ ಸ್ಟೋಕ್ಸ್ ಮುಂಬರುವ ಇಂಡಿಯನ್ ಪ್ರೀಮಿಯರ್ ಲೀಗ್ನಿಂದ ದೂರ ಉಳಿಯಲು ನಿರ್ಧರಿಸಿದ್ದಾರೆ. ಇಂಗ್ಲೆಂಡ್ ತಂಡದ ನಾಯಕ ಜೋ ರೂಟ್ ಜೊತೆ ಟೆಸ್ಟ್ ಕ್ರಿಕೆಟ್ ಉಳಿವಿಗಾಗಿ ಶ್ರಮಿಸಲು ನಿರ್ಧರಿಸಿದ್ದಾರೆ ಎಂದು ಬ್ರಿಟಿಷ್ ಮಾಧ್ಯಮಗಳು ವರದಿ ಮಾಡಿವೆ.
ಆಸ್ಟ್ರೇಲಿಯಾ ವಿರುದ್ಧ 4-0 ಅಂತರದಲ್ಲಿ ಆ್ಯಶಸ್ ಟೆಸ್ಟ್ ಸರಣಿಯನ್ನು ಹೀನಾಯವಾಗಿ ಸೋಲು ಕಂಡ ಬಳಿಕ ಸ್ಟೋಕ್ಸ್ ಈ ನಿರ್ಧಾರ ತೆಗೆದುಕೊಂಡಿದ್ದಾರೆ. ಆ್ಯಶಸ್ ಸೋಲಿನ ನಂತರ ಮಾಜಿ ಕ್ರಿಕೆಟಿಗರು ಮತ್ತು ಕೆಲವು ತಜ್ಞರು ಐಪಿಎಲ್ಗೆ ಪ್ರಾಮುಖ್ಯತೆ ನೀಡಿದ್ದಕ್ಕಾಗಿ ಇಂಗ್ಲಿಷ್ ಕ್ರಿಕೆಟಿಗರನ್ನು ದೂಷಿಸಿದ್ದರು.
2021ರ ಮಧ್ಯಂತರದಲ್ಲಿ ಮಾನಸಿಕ ಆರೋಗ್ಯದ ದೃಷ್ಠಿಯಿಂದ ಕ್ರಿಕೆಟ್ನಿಂದ ಅನಿರ್ದಿಷ್ಟಾವಧಿ ವಿಶ್ರಾಂತಿ ತೆಗೆದುಕೊಂಡಿದ್ದರು. ಆ್ಯಶಸ್ ಟೆಸ್ಟ್ ಸರಣಿಯಲ್ಲಿ ಕಮ್ಬ್ಯಾಕ್ ಮಾಡಿದರಾದರೂ ಅವರು ಹೇಳಿಕೊಳ್ಳುವಂತ ಪ್ರದರ್ಶನ ತೋರಿರಲಿಲ್ಲ. ಇದೀಗ ಹೀನಾಯ ಸೋಲಿನ ಬಳಿಕ ಮುಂಬರುವ ಐಪಿಎಲ್ ಮೆಗಾ ಹರಾಜಿನಲ್ಲಿ ತಮ್ಮ ಹೆಸರನ್ನು ಸೇರಿಸದಿರಲು ನಿರ್ಧರಿಸಿದ್ದಾರೆ.
ಇಂಗ್ಲೆಂಡ್ ತಂಡ ಮಾರ್ಚ್ ಕೊನೆಯಲ್ಲಿ ವೆಸ್ಟ್ ಇಂಡೀಸ್ ಪ್ರವಾಸ ಅಂತಿಮಗೊಳ್ಳಲಿದೆ. ಮುಂದಿನ ನ್ಯೂಜಿಲ್ಯಾಂಡ್ ವಿರುದ್ಧ ತವರಿನ ಸರಣಿ ಜೂನ್ನಲ್ಲಿ ನಿಗದಿಯಾಗಿರುವುದರಿಂದ ಮಧ್ಯ ಎರಡು ತಿಂಗಳು ವಿಶ್ರಾಂತಿಯಲ್ಲಿರಲ್ಲಿರಲಿದ್ದಾರೆ. ಆದರೆ ಆ ಸರಣಿಗೂ ಮುನ್ನ ಅವರು ಐಪಿಎಲ್ನಿಂದ ಹೊರಗುಳಿದು ಡುರ್ಹಾಮ್ ತಂಡದ ಪರ ಕೆಲವು ಕೌಂಟಿ ಪಂದ್ಯಗಳನ್ನಾಡಲು ಬಯಸಿದ್ದಾರೆ.
2017ರಲ್ಲಿ ಐಪಿಎಲ್ನ ಅತ್ಯಮೂಲ್ಯ ಆಟಗಾರ ಪ್ರಶಸ್ತಿ ಪಡೆದುಕೊಂಡಿದ್ದ ಸ್ಟೋಕ್ಸ್ ಐಪಿಎಲ್ ಹರಾಜಿನಿಂದ ಹೊರಗುಳಿದ 2ನೇ ಇಂಗ್ಲಿಷ್ ಆಟಗಾರನಾಗಿದ್ದಾರೆ. ಈಗಾಗಲೇ ಜೋ ರೂಟ್ ಕೂಟ್ ಕೂಡ ಹರಾಜಿನಿಂದ ಹೊರಬಂದಿದ್ದರು. ರೂಟ್ ಹರಾಜಿನಲ್ಲಿ ಹೆಚ್ಚು ಆಕರ್ಷಣೆ ಮೂಡಿಸುವ ಅಟಗಾರನಲ್ಲದಿದ್ದರೂ, ಸ್ಟೋಕ್ಸ್ ತಮ್ಮ ನಿರ್ಧಾರದಿಂದ ದೊಡ್ಡ ಮೊತ್ತವನ್ನೇ ಕಳೆದುಕೊಳ್ಳಲಿದ್ದಾರೆ. 2018ರಲ್ಲಿ ರಾಜಸ್ಥಾನ್ ರಾಯಲ್ಸ್ ಅವರನ್ನು 14 ಕೋಟಿ ರೂ. ನೀಡಿ ಖರೀದಿಸಿತ್ತು.
ಇದನ್ನೂ ಓದಿ:ಐಪಿಎಲ್ ತ್ಯಾಗ ಮಾಡಿ ಇಂಗ್ಲೆಂಡ್ ತಂಡದ ಪುನರ್ ನಿರ್ಮಾಣದ ಕಡೆಗೆ 'ರೂಟ್'!
