ಮುಂಬೈ: ಇಂಡಿಯನ್ ಪ್ರೀಮಿಯರ್ ಲೀಗ್ ಹಾಗೂ ಟಿ-20 ವಿಶ್ವಕಪ್ ಮುಕ್ತಾಯಗೊಳ್ಳುತ್ತಿದ್ದಂತೆ ಟೀಂ ಇಂಡಿಯಾ ಯಾವೆಲ್ಲ ದೇಶಗಳೊಂದಿಗೆ ಸೆಣಸಾಟ ನಡೆಸಲಿದೆ ಎಂಬ ವೇಳಾಪಟ್ಟಿ ಬಿಸಿಸಿಐನಿಂದ ರಿಲೀಸ್ ಆಗಿದೆ. ವೇಳಾಪಟ್ಟಿ ಪ್ರಕಾರ ಟೀಂ ಇಂಡಿಯಾ ತವರಿನಲ್ಲಿ 14 ಟಿ-20 ಪಂದ್ಯ, ನಾಲ್ಕು ಟೆಸ್ಟ್ ಹಾಗೂ ಮೂರು ಏಕದಿನ ಪಂದ್ಯಗಳಲ್ಲಿ ಭಾಗಿಯಾಗಲಿದೆ.
ನವೆಂಬರ್ 2021ರಿಂದ ಜೂನ್ 2022ರೊಳಗೆ ಭಾರತ ಯಾವೆಲ್ಲ ತಂಡಗಳೊಂದಿಗೆ ಸೆಣಸಾಟ ನಡೆಸಲಿದೆ ಎಂಬ ವೇಳಾಪಟ್ಟಿ ಇದಾಗಿದ್ದು, ಎಂಟು ತಿಂಗಳಲ್ಲಿ ನ್ಯೂಜಿಲ್ಯಾಂಡ್(ನವೆಂಬರ್-ಡಿಸೆಂಬರ್), ವೆಸ್ಟ್ ಇಂಡೀಸ್( ಫೆಬ್ರವರಿ 2022), ಶ್ರೀಲಂಕಾ(ಫೆಬ್ರವರಿ-ಮಾರ್ಚ್ 2022) ಹಾಗೂ ದಕ್ಷಿಣ ಆಫ್ರಿಕಾ(ಜೂನ್ 2022) ತಂಡಗಳೊಂದಿಗೆ ತವರಿನಲ್ಲಿ ಸೆಣಸಾಟ ನಡೆಸಲಿದೆ. ಇದಾದ ಬಳಿಕ 2022-23ರ ಡಿಸೆಂಬರ್-ಜನವರಿ ತಿಂಗಳಲ್ಲಿ ಭಾರತ ತಂಡ ದಕ್ಷಿಣ ಆಫ್ರಿಕಾ ಪ್ರವಾಸ ಕೈಗೊಳ್ಳಲಿದೆ. ಇದಾದ ಬಳಿಕ ಏಪ್ರಿಲ್-ಮೇ ತಿಂಗಳಲ್ಲಿ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿ ಆರಂಭಗೊಳ್ಳಲಿದೆ.
ಇದನ್ನೂ ಓದಿ: ದೇಶಿ ಕ್ರಿಕೆಟಿಗರಿಗೆ ಬಿಸಿಸಿಐ ಗುಡ್ ನ್ಯೂಸ್: ಪಂದ್ಯ ಶುಲ್ಕ ಹೆಚ್ಚಳದ ಜೊತೆಗೆ ಕೋವಿಡ್ ಪರಿಹಾರ ಘೋಷಣೆ
ಟೀಂ ಇಂಡಿಯಾ ಸಂಪೂರ್ಣ ವೇಳಾಪಟ್ಟಿ ಇಂತಿದೆ.
- ಭಾರತ-ನ್ಯೂಜಿಲ್ಯಾಂಡ್
ಅಕ್ಟೋಬರ್ ತಿಂಗಳಲ್ಲಿ ಈ ಸರಣಿ ಆರಂಭಗೊಳ್ಳಲಿದ್ದು, ಮೂರು ಟಿ-20 ಪಂದ್ಯಗಳು ಕ್ರಮವಾಗಿ ಜೈಪುರ್, ರಾಂಚಿ ಹಾಗೂ ಕೋಲ್ಕತ್ತಾದಲ್ಲಿ ನಡೆಯಲಿದ್ದು, ಇದಾದ ಬಳಿಕ ಎರಡು ಟೆಸ್ಟ್ ಪಂದ್ಯಗಳು ಕಾನ್ಪುರ್ ಹಾಗೂ ಮುಂಬೈನ ವಾಂಖೆಡೆ ಮೈದಾನದಲ್ಲಿ ನಡೆಯಲಿವೆ.
- ಭಾರತ-ವೆಸ್ಟ್ ಇಂಡೀಸ್
ಕೆರಿಬಿಯನ್ ವಿರುದ್ಧ ಟೀಂ ಇಂಡಿಯಾ ಮೂರು ಏಕದಿನ ಹಾಗೂ ಐದು ಟಿ-20 ಪಂದ್ಯಗಳು ಆಯೋಜನೆಗೊಂಡಿದ್ದು, ಫೆಬ್ರವರಿ 6ರಂದು ಸರಣಿಗಳು ಆರಂಭಗೊಳ್ಳಲಿವೆ. ಅಹ್ಮಮದಾಬಾದ್, ಜೈಪುರ್ ಹಾಗೂ ಕೋಲ್ಕತ್ತಾದಲ್ಲಿ ಏಕದಿನ ಸರಣಿಗಳು ನಡೆಯಲಿದ್ದು, ಕಟಕ್, ವೈಜಾಗ್ ಹಾಗೂ ತಿರುವನಂತಪುರಂನಲ್ಲಿ ಟಿ-20 ಪಂದ್ಯಗಳು ಆಯೋಜನೆಯಾಗಿವೆ.
- ಭಾರತ-ಶ್ರೀಲಂಕಾ
ಫೆಬ್ರವರಿ-ಮಾರ್ಚ್ ತಿಂಗಳಲ್ಲಿ ಈ ಸರಣಿ ಆಯೋಜನೆಗೊಂಡಿದ್ದು, ಎರಡು ಟೆಸ್ಟ್ ಹಾಗೂ ಮೂರು ಟಿ-20 ಪಂದ್ಯಗಳಲ್ಲಿ ಉಭಯ ತಂಡಗಳು ಮುಖಾಮುಖಿಯಾಗಲಿವೆ. ಮೊದಲ ಟೆಸ್ಟ್ ಪಂದ್ಯ ಫೆಬ್ರವರಿ 25ರಿಂದ ಆರಂಭಗೊಳ್ಳಲಿದ್ದು, ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಎರಡನೇ ಟೆಸ್ಟ್ ಪಂದ್ಯ ಮೊಹಾಲಿಯಲ್ಲಿ ಆಯೋಜನೆಗೊಂಡಿದೆ. ಉಳಿದಂತೆ ಮೊಹಾಲಿ, ಧರ್ಮಶಾಲಾ ಹಾಗೂ ಲಕ್ನೋದಲ್ಲಿ ಟಿ-20 ಪಂದ್ಯಗಳು ನಡೆಯಲಿವೆ. ಇದಾದ ಬಳಿಕ 2022-23ರ ಡಿಸೆಂಬರ್-ಜನವರಿ ತಿಂಗಳಲ್ಲಿ ಭಾರತ ತಂಡ ದಕ್ಷಿಣ ಆಫ್ರಿಕಾ ಪ್ರವಾಸ ಕೈಗೊಳ್ಳಲಿದೆ. ಮುಂದಿನ ವರ್ಷ ಆಸ್ಟ್ರೇಲಿಯಾದಲ್ಲಿ ಟಿ-20 ವಿಶ್ವಕಪ್ ಆಯೋಜನೆಯಾಗಿರುವ ಕಾರಣ ಟೀಂ ಇಂಡಿಯಾ ಹೆಚ್ಚಿನ ಟಿ-20 ಪಂದ್ಯಗಳಲ್ಲಿ ಭಾಗಿಯಾಗಲಿದೆ.
