ಕನ್ನಡ ಚಿತ್ರರಂಗದಲ್ಲಿ ಬುದ್ದಿವಂತ ನಿರ್ದೇಶಕ ಕಮ್ ನಟ ಅಂತಾ ಕರೆಯಿಸಿಕೊಂಡಿರುವ ನಟ ರಿಯಲ್ ಸ್ಟಾರ್ ಉಪೇಂದ್ರ ತರ್ಲೆ ನನ್ಮಗ, ಶ್, ಓಂ, ಎ, ಉಪೇಂದ್ರ, ಸೂಪರ್, ಉಪ್ಪಿ 2 ರೀತಿಯ ಸೂಪರ್ ಹಿಟ್ ಸಿನಿಮಾಗಳನ್ನ ಕೊಟ್ಟಿದ್ದಾರೆ. ಸದ್ಯ ನಟನೆ ಜೊತೆಗೆ ಪ್ರಜಾಕೀಯದಲ್ಲಿ ಬ್ಯುಸಿಯಾಗಿರೋ ರಿಯಲ್ ಸ್ಟಾರ್ ಅಭಿಮಾನಿಗಳಿಗೆ ಗುಡ್ ನ್ಯೂಸ್ವೊಂದನ್ನು ಕೊಟ್ಟಿದ್ದಾರೆ.
ಹೋಂ ಮಿನಿಸ್ಟರ್ ಹಾಗೂ ಕಬ್ಜ ಸಿನಿಮಾದ ಚಿತ್ರೀಕರಣದಲ್ಲಿರೋ ಉಪೇಂದ್ರ ಮತ್ತೆ ಡೈರೆಕ್ಷನ್ ಕ್ಯಾಪ್ ತೊಡಲು ರೆಡಿಯಾಗಿದ್ದಾರೆ. ಕಳೆದ ವರ್ಷ ತಮ್ಮ ಹುಟ್ಟುಹಬ್ಬಕ್ಕೆ ಡೈರೆಕ್ಷನ್ ಸಿನಿಮಾ ಅನೌನ್ಸ್ ಮಾಡ್ತಾರೆ ಅಂತಾ ಹೇಳಲಾಗಿತ್ತು.
ನಾಮದ ಸಿಂಬಲ್ ಟೈಟಲ್ ಬಿಟ್ಟು ಫ್ಯಾನ್ಸ್ಗಳ ತಲೆಗೆ ಹುಳ ಬಿಟ್ಟಿದ್ರು. ಇದಾದ ನಂತರ ಉಪ್ಪಿ ಚಿತ್ರದ ಕತೆ ಬರೆಯೋ ಕಡೆ ಗಮನ ಹರಿಸಿದ್ರು. ಆದ್ರೆ, ಈಗ ಉಪ್ಪಿ ನಿರ್ದೇಶನದ ಸಿನಿಮಾಗೆ ಕತೆ ಕಂಪ್ಲೀಟ್ ಮಾಡಿದ್ದು, ಕತೆಗೆ ಹೊಂದುವಂತಹ ಪ್ರತಿಭೆಗಳ ತಲಾಶ್ಗೆ ರೆಡಿಯಾಗಿದ್ದಾರೆ.
ಅಲ್ಲದೆ, ಉಪ್ಪಿ ನಿರ್ದೇಶನದ ಚಿತ್ರದಲ್ಲಿ ನಟಿಸಲು ನಟ-ನಟಿಯನ್ನು ಆಡಿಶನ್ ಮಾಡಲು ಸಿದ್ದರಾಗಿದ್ದಾರೆ. ಈ ಬಗ್ಗೆ ಉಪೇಂದ್ರ ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದ್ದು, ಮಾರ್ಚ್ 10ರೊಳಗೆ ಉಪೇಂದ್ರ ಅವರಿಗೆ ಫೋಟೋ ಮತ್ತು ವಿಡಿಯೋ ತುಣುಕುಗಳ ಮೇಲ್ ಮಾಡುವಂತೆ ಹೇಳಿದ್ದಾರೆ.
ಈ ಪೋಸ್ಟ್ ನೋಡಿ ಉಪ್ಪಿ ಅಭಿಮಾನಿಗಳು ಫುಲ್ ಖುಷ್ ಆಗಿದ್ದಾರೆ. ಯಾಕಂದ್ರೆ, ಕಳೆದ ವಾರ ಚಿತ್ರದ ಕತೆಗಾಗಿ ಚಿಕ್ಕಮಗಳೂರಿಗೆ ಹೋಗಿದ್ದ ಉಪ್ಪಿ ಸ್ಕ್ರಿಪ್ಟ್ ಫೈನಲ್ ಮಾಡಿದ್ದಾರೆ. ಅಲ್ಲಿಂದ ಬೆಂಗಳೂರಿಗೆ ಬರ್ತಿದಂತೆ ಉಪ್ಪಿ ಈಗ ಆಡಿಶನ್ ಕಾಲ್ ಕೊಟ್ಟಿದ್ದು, ಶೀರ್ಷಿಕೆ ಈ ಚಿತ್ರವನ್ನು ಟೇಕಾಫ್ ಮಾಡುವ ಸೂಚನೆ ಕೊಟ್ಟಿದ್ದಾರೆ. ಈ ಚಿತ್ರವನ್ನು ಉಪ್ಪಿ ಅವರ ಬ್ಯಾನರ್‌ನಲ್ಲೇ ನಿರ್ಮಾಣವಾಗ್ತಿದೆ. ಉಪೇಂದ್ರ ಬರ್ತ್‌ಡೇ ವೇಳೆಗೆ ಈ ಚಿತ್ರ ಸೆಟ್ಟೇರುವ ಸಾಧ್ಯತೆ ಇದೆ.
ಸದ್ಯ ಉಪ್ಪಿ ಕೈಯಲ್ಲಿ ಸಾಲು ಸಾಲು ಚಿತ್ರಗಳಿವೆ. ಈ ಎಲ್ಲಾ ಚಿತ್ರಗಳ ಕೆಲಸ ಮುಗಿಸಿ, ಕಂಪ್ಲೀಟ್ ಆಗಿ ಉಪ್ಪಿ ತಮ್ಮ ನಿರ್ದೇಶನದ ಚಿತ್ರದಲ್ಲಿ ಬ್ಯುಸಿಯಾಗಲು ಪ್ಲಾನ್ ಮಾಡಿದ್ದಾರೆ. ಬಲ್ಲ ಮೂಲಗಳ ಪ್ರಕಾರ, ಉಪೇಂದ್ರ ಹುಟ್ಟು ಹಬ್ಬಕ್ಕೆ ಈ ಚಿತ್ರವನ್ನ ಕೈಗೆತ್ತಿಕೊಳ್ಳಲಿದ್ದಾರೆ. ಅದಕ್ಕೆ ಬೇಕಾದ ಎಲ್ಲಾ ಸಿದ್ದತೆಗಳು ನಡೆಯುತ್ತಿವೆ. ಆದರೆ, ಈ ಹಿಂದೆ ಈ ಚಿತ್ರಕ್ಕೆ ಪಂಗನಾಮ ಎಂದು ಟೈಟಲ್ ಇಡಲಾಗುತ್ತೆ ಅನ್ನೋ ಸುದ್ದಿ ಉಪ್ಪಿ ಬಳಗದಿಂದಲೇ ಬಂದಿತ್ತು.
ಆದರೆ, ಈ ಟೈಟಲ್ಗೆ ವಿರೋಧ ಕೇಳಿ ಬಂದಿರುವ ಹಿನ್ನೆಲೆ ಚಿತ್ರವನ್ನು ಬದಲಿಸುವ ಅಲೋಚನೆಯು ಉಪ್ಪಿಯಲ್ಲಿದೆ. ಅದೇನೆ ಇರಲಿ ಉಪೇಂದ್ರ ಬರೋಬ್ಬರಿ ಏಳು ವರ್ಷಗಳ ನಂತರ ಮತ್ತೆ ಡೈರೆಕ್ಟರ್ ಕ್ಯಾಪ್ ತೋಡೊದು ಪಕ್ಕಾ ಆಗಿದ್ದು, ರಿಯಲ್ ಸ್ಟಾರ್ ಅಭಿಮಾನಿಗಳಲ್ಲಿ ಸಂಭ್ರಮ ಮನೆ ಮಾಡಿದೆ.
ಓದಿ: ಕಾಂಗ್ರೆಸ್ ಶಾಸಕ ಪ್ರಿಯಾಂಕ ಖರ್ಗೆ ಪತ್ನಿಯ ಬೆಲೆ ಬಾಳುವ ಮೊಬೈಲ್ ಕ್ಷಣಾರ್ಧದಲ್ಲಿ ಕದ್ದೊಯ್ದ ಕಳ್ಳರು..
