ಕನ್ನಡ ಚಿತ್ರರಂಗಕ್ಕೆ 2020-21 ವರ್ಷ ಕಂಟಕ ಪ್ರಾಯವಾಗಿದೆ. ಸಾಲು ಸಾಲು ನಟರ ಸಾವಿನ ಸುದ್ದಿ ಕನ್ನಡ ನಾಡಿನ ಅಭಿಮಾನಿಗಳ ಮನಕ್ಕೆ ಘಾಸಿಯನ್ನುಂಟು ಮಾಡುತ್ತಲೇ ಇದೆ.
ಇತ್ತಿಚೇಗಷ್ಟೇ ನಟ ಚಿರಂಜೀವಿ ಸರ್ಜಾ, ಹಾಗೂ ರಾಷ್ಟ್ರ ಪ್ರಶಸ್ತಿ ವಿಜೇತ ಸಂಚಾರಿ ವಿಜಯ್ ನಿಧನರಾಗಿದ್ದರು. ಅವರ ಸಾವಿನ ಸಂದಿಗ್ದ ಪರಿಸ್ಥಿತಿಯಿಂದ ಹೊರ ಬರಬೇಕು ಅಷ್ಟರಲ್ಲಿ ನಟ ಪುನೀತ್ ರಾಜ್ಕುಮಾರ್ ನಿಧನ ಅಭಿಮಾನಿಗಳಿಗೆ ನುಂಗಲಾರದ ತುತ್ತಾಗಿ ಪರಿಣಮಿಸಿದೆ.
ಆದ್ರೆ, ಕಾಕತಾಳಿಯವೋ ಅಥವಾ ವಿಧಿಯಾಟವೋ ತಿಳಿಯದು, ಮರೆಯಾದ ಮೂವರು ನಟರದ್ದು ಕೂಡ ಒಂದೇ ಜನ್ಮ ದಿನಾಂಕ. ಅದು 17..?
ನಟ ಚಿರಂಜೀವಿ ಸರ್ಜಾ 17 ಅಕ್ಟೋಬರ್ ರಂದು ಹುಟ್ಟಿದ್ದರು, ಸಂಚಾರಿ ವಿಜಯ್ ಅವರು, ಜುಲೈ 17 ರಂದು ಹಾಗೂ ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ಅವರು ಮಾರ್ಚ್ 17 ರಂದು ಹುಟ್ಟಿದ್ದರು.
ತಮ್ಮದೆಯಾದ ವಿಶೇಷ ನಟನಾ ಕೌಶಲ್ಯದಿಂದ ಅಪಾರ ಅಭಿಮಾನಿಗಳ ಹೃದಯದಲ್ಲಿ ಕೋಟೆ ನಿರ್ಮಿಸಿದ್ದ ಚಿರು, ವಿಜಯ್ ಸಾವು ಅಭಿಮಾನಿಗಳಿಗೆ ಅರಗಿಸಿಕೊಳ್ಳಲು ಆಗುತ್ತಿಲ್ಲ.
ಅಂತಹದ್ದರಲ್ಲಿ ಅಪ್ಪು ಸಾವು ಅಭಿಮಾನಿಗಳಲ್ಲಿ ಇದು ಕನಸಾಗಬಾರದೇ ಎಂಬ ಯೋಚನೆ ಹುಟ್ಟಿಸುವಂತೆ ಮಾಡಿದೆ. ಚಿರಂಜೀವಿ ಸರ್ಜಾ ಮತ್ತು ಪುನೀತ್ ರಾಜ್ ಕುಮಾರ್ ಅವರು ಹೃದಯಾಘಾತದಿಂದ ನಿಧನರಾಗಿದ್ದಾರೆ.
ಬೈಕ್ ಅಪಘಾತದಲ್ಲಿ ಸಂಚಾರಿ ವಿಜಯ್ ದುರ್ಮರಣ ಹೊಂದಿದ್ದರು. ಸದ್ಯ ಮೂವರು ನಾಯಕರ ಜನ್ಮದಿನಾಂಕ ಒಂದೇ ಆಗಿದ್ದು, ಚಂದನವನದ ತಾರೆಗಳಿಗೆ 17 ಕಂಟಕಪ್ರಾಯವಾಗಿತ್ತಾ ಎಂಬ ಪ್ರಶ್ನೆ ಹುಟ್ಟಿ ಹಾಕಿದೆ.
