ಕನ್ನಡ ಚಿತ್ರರಂಗದಲ್ಲಿ ನಿರ್ಮಾಪಕರು ಹಾಗೂ ಅಭಿಮಾನಿಗಳ ಅಚ್ಚುಮೆಚ್ಚಿನ ಸ್ಟಾರ್ ನಟ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್. ಸದ್ಯ ಭಜರಂಗಿ 2, ನೀ ಸಿಗೋವರೆಗೂ, ಬೈರಾಗಿ ಚಿತ್ರಗಳ ಚಿತ್ರೀಕರಣದಲ್ಲಿ ಶಿವಣ್ಣ ಬ್ಯುಸಿಯಾಗಿದ್ದಾರೆ.
ಈ ಮಧ್ಯೆಯೂ ಅವರು, ಅಭಿಮಾನಿಯ ಬೈಕ್ ಓಡಿಸಿ ಸುದ್ದಿಯಾಗಿದ್ದಾರೆ. ಹಿತೇಶ್, ಶಿವರಾಜ್ಕುಮಾರ್ ಅವರ ಅಪ್ಪಟ ಅಭಿಮಾನಿ. ಬೆಂಗಳೂರಿನ ಕಾಲೇಜೊಂದರಲ್ಲಿ ಓದುತ್ತಿರುವ ಹಿತೇಶ್, ಇತ್ತೀಚೆಗೆ ಬೈಕ್ವೊಂದನ್ನು ಖರೀಸಿದ್ದಾರೆ. ಹೊಸ ಬೈಕ್ ಅನ್ನು ನೆಚ್ಚಿನ ಹೀರೋ ಶಿವಣ್ಣ ಓಡಿಸಬೇಕೆಂಬುದು ಹಿತೇಶ್ ಆಸೆಯಾಗಿತ್ತು.
ಬೈಕ್ ಅನ್ನು ನಾಗಾವಾರದ ಶಿವಣ್ಣ ನಿವಾಸಕ್ಕೆ ತಂದ ಹಿತೇಶ್, ನೆಚ್ಚಿನ ನಟನೊಂದಿಗೆ ಜಾಲಿರೈಡ್ ಹೋಗಿದ್ದಾನೆ. ಅಭಿಮಾನಿಯ ಆಸೆ ಈಡೇರಿಸಿದ ಶಿವಣ್ಣನ ಸರಳತೆಗೆ ನೆಟ್ಟಿಗರು ಫುಲ್ ಫಿದಾ ಆಗಿದ್ದಾರೆ.
ಇದನ್ನೂ ಓದಿ: ಹುಟ್ಟುಹಬ್ಬದ ಸಂಭ್ರಮದಲ್ಲಿ'ಅಭಿನಯ ಚಕ್ರವರ್ತಿ'... 50ನೇ ವಸಂತಕ್ಕೆ ಕಾಲಿಟ್ಟ ನಟ 'ಕಿಚ್ಚ' ಸುದೀಪ್
ಶಿವಣ್ಣನ 125 ನೇ ಸಿನಿಮಾ ವೇದಾ ಚಿತ್ರದ ಸಾಂಗ್ ರೆಕಾರ್ಡಿಂಗ್ ನಡೆಯುತ್ತಿದೆ. ಶಿವರಾಜ್ಕುಮಾರ್ ಬ್ಯಾನರ್ನಡಿ ನಿರ್ಮಾಣವಾಗುತ್ತಿರುವ ಈ ಚಿತ್ರಕ್ಕೆ ಹರ್ಷ ಆ್ಯಕ್ಷನ್ ಕಟ್ ಹೇಳಿದ್ದಾರೆ.
