ಮತ್ತೊಂದು ಕನ್ನಡ ಸಿನಿಮಾ ಆಂಗ್ಲ ಶೀರ್ಷಿಕೆ ಹೊತ್ತು ಬರುತ್ತಿದೆ. ಅದೇ ‘ರೈನ್ ಬೋ’. ನಿರ್ದೇಶಕ ಗುರು ದೇಶಪಾಂಡೆ ಅವರ ಬ್ಯಾನರ್ನಡಿ ನಿರ್ಮಾಣಗೊಳ್ಳುತ್ತಿರುವ ಈ ಚಿತ್ರಕ್ಕೆ ರಾಜವರ್ಧನ ಅವರ ನಿರ್ದೇಶನ ಇರಲಿದೆ. ಅಜಯ್ ರಾವ್ ಹಾಗೂ ಮಾನ್ವಿತ ಹರೀಶ್ (ಕಾಮತ್) ತಾರಾಗಣದ ಈ ಸಿನಿಮಾ ಸದ್ಯದಲ್ಲೇ ಸೆಟ್ಟೇರಲಿದೆ.
ರಾಜವರ್ಧನ್ ಅವರು ನಿರ್ದೇಶಕ ಗುರು ದೇಶಪಾಂಡೆ ಅವರ ಗರಡಿಯಲ್ಲೇ ಪಳಗಿದವರು. ನಿರ್ದೇಶಕ ಆದವರು ಹೊಸ ಬ್ಯಾನರ್ ಸ್ಥಾಪನೆ ಮಾಡಿ, ತಮ್ಮ ಜೊತೆಯಾದವರನ್ನು ನಿರ್ದೇಶನಕ್ಕೆ ತರುವುದು ಚಿತ್ರರಂಗದಲ್ಲಿ ಬಹಳ ವಿರಳ. ಅಂತಹವರಲ್ಲಿ ಗುರು ಒಬ್ಬರು. ತಮ್ಮ ಸ್ವಂತ ಬ್ಯಾನರ್ನಲ್ಲಿ ತಮ್ಮ ಜತೆ ಬೆಳೆದ ಹುಡುಗನಿಗೆ ಅವಕಾಶ ನೀಡಿದ್ದಾರೆ.
ಇನ್ನು ಮಾನ್ವಿತಾ ಕಾಮತ್ ದೊಡ್ಡ ಸಿನಿಮಾಗಳನ್ನು ಮುಗಿಸಿ ಈ ತಂಡಕ್ಕೆ ಸೇರಿಕೊಳ್ಳಲಿದ್ದಾರೆ. ಸದ್ಯಕ್ಕೆ ಮನ್ವಿತಾ ಹಾಗೂ ಧೀರನ್ ರಾಮಕುಮಾರ್ ‘ದಾರಿ ತಪ್ಪಿದ ಮಗ’ ಮುಗಿಯುವ ಹಂತ ತಲುಪಿದೆ, ವಸಿಷ್ಠ ಸಿಂಹ ಜೊತೆ ‘ಇಂಡಿಯ ವರ್ಸರ್ ಇಂಗ್ಲೆಂಡ್ ಸಂಪೂರ್ಣವಾಗಿದೆ.
ನಾಯಕ ಅಜಯ್ ರಾವ್ ಸಹ ತಮ್ಮ ಸ್ವಂತ ಬ್ಯಾನರ್ ‘ಕೃಷ್ಣ ಟಾಕೀಸ್’ ನಲ್ಲಿ ಬ್ಯುಸಿ ಆಗಿದ್ದಾರೆ. ಮತ್ತೊಂದು ಸಿನಿಮಾ ಕ್ರಿಸ್ಟಲ್ ಪಾರ್ಕ್ ಬ್ಯಾನರ್ ಟಿ.ಆರ್.ಚಂದ್ರಶೇಖರ್ ನಿರ್ಮಾಣದಲ್ಲಿ ಸಹ ಅಜಯ್ ರಾವ್ ಒಪ್ಪಿಗೆ ನೀಡಿದ್ದಾರೆ.
