ಮುಂಬೈ: ನಕಲಿ ಮತ್ತು ಅವಧಿ ಮೀರಿದ ಸ್ಟೀರಾಯ್ಡ್ಗಳನ್ನು ಮನೋಜ್ ಮಾರಾಟ ಮಾಡುತ್ತಿದ್ದ ಬಗ್ಗೆ ನನಗೆ ಮಾಹಿತಿಯಿದ್ದ ಹಿನ್ನೆಲೆ ಸಾಮಾಜಿಕ ಮಾಧ್ಯಮಗಳಲ್ಲಿ ಬರೆದಿದ್ದೇನೆ ಎಂದು ನಟ ಸಾಹಿಲ್ ಖಾನ್ ಬಹಿರಂಗಪಡಿಸಿದ್ದಾರೆ.
ಮಿಸ್ಟರ್ ಇಂಡಿಯಾ ಬಾಡಿ ಬಿಲ್ಡರ್ ಮನೋಜ್ ಪಾಟೀಲ್ ಡೆತ್ ನೋಟ್ ಬರೆದಿಟ್ಟು ಆತ್ಮಹತ್ಯೆಗೆ ಯತ್ನಿಸಿದ್ದು, ಡೆತ್ ನೋಟ್ನಲ್ಲಿ ಬಾಲಿವುಡ್ ನಟ ಸಾಹಿಲ್ ಖಾನ್ ಮೇಲೆ ಗಂಭೀರವಾದ ಆರೋಪ ಮಾಡಿದ್ದರು.
ಈ ಹಿನ್ನೆಲೆ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಸಾಹಿಲ್ ಖಾನ್, ಬಾಡಿ ಬಿಲ್ಡರ್ ಮನೋಜ್ ಪಾಟೀಲ್ ಅವರು ರಾಜ್ ಫೌಜ್ದರ್ ಎಂಬ ಬಾಡಿ ಬಿಲ್ಡರ್ಗೆ ನಕಲಿ ಮತ್ತು ಅವಧಿ ಮೀರಿದ ಸ್ಟೀರಾಯ್ಡ್ಗಳನ್ನು ಮಾರುತ್ತಿದ್ದರು. ಆ ಸ್ಟೀರಾಯ್ಡ್ಗಳ ಬೆಲೆ ಬರೋಬ್ಬರಿ ಎರಡು ಲಕ್ಷ ರೂಪಾಯಿ. ನನಗೆ ಈ ಬಗ್ಗೆ ರಾಜ್ ಫೌಜ್ದರ್ ಮಾಹಿತಿ ನೀಡಿದ್ದಕ್ಕೆ ಸೋಷಿಯಲ್ ಮೀಡಿಯಾಗಳಲ್ಲಿ ಪೋಸ್ಟ್ ಹಾಕಿದ್ದೆ ಎಂದರು.
ಇದನ್ನೂ ಓದಿ: ಮಿ.ಇಂಡಿಯಾ ಬಾಡಿ ಬಿಲ್ಡರ್ ಆತ್ಮಹತ್ಯಾ ಯತ್ನ: ಬಾಲಿವುಡ್ ನಟ ಸಾಹಿಲ್ ಖಾನ್ ವಿರುದ್ಧ ಕಿರುಕುಳ ಆರೋಪ
ಮನೋಜ್ ಮಾರಾಟ ಮಾಡಿದ ಎಲ್ಲಾ ಬಿಲ್ಗಳು ಮತ್ತು ಸ್ಟೀರಾಯ್ಡ್ಗಳ ದಾಖಲೆಯಿದೆ. ರಾಜ್ ಫೌಜ್ದರ್ ದಾಖಲೆಗಳನ್ನು ನೀಡುತ್ತೇನೆ, ಹಣವನ್ನು ಹಿಂದಿರುಗಿಸುವಂತೆ ಕೋರಿದಾಗ ಮನೋಜ್, ಜೀವ ಬೆದರಿಕೆ ಹಾಕಿದ್ದಾನೆ ಎಂದು ಆರೋಪಿಸಿದರು. ನಕಲಿ ಔಷಧ ಮಾರಾಟ ಮಾಡುವುದು ದೊಡ್ಡ ಅಪರಾಧವಾಗಿದೆ. ಈ ಹಿನ್ನೆಲೆ ಸಾಮಾಜಿಕ ಮಾಧ್ಯಮಗಳಲ್ಲಿ ಬರೆದಿದ್ದು, ಇದೀಗ ದೂರು ದಾಖಲಿಸುತ್ತೇನೆ ಎಂದರು.
