ನವದೆಹಲಿ: ಜರ್ಮನ್ನ ಆಡಿಯೊ ಬ್ರಾಂಡ್ ಸೆನ್ಹೈಸರ್ ಕಂಪನಿಯು ತನ್ನ ಮೊಮೆಂಟಮ್ ಸರಣಿಯ ಹೆಡ್ಸೆಟ್ಗಳನ್ನು ಮತ್ತಷ್ಟು ವಿಸ್ತರಿಸುತ್ತಿದೆ. ಗುರುವಾರ ಸುಧಾರಿತ ಅಡಾಪ್ಟಿವ್ ನಾಯ್ಸ್ ಕ್ಯಾನ್ಸಲೇಷನ್ (ANC) ಒಳಗೊಂಡ ಹೊಸ ಹೆಡ್ಫೋನ್ ಮೊಮೆಂಟಮ್ 4 ವೈರ್ಲೆಸ್ ಹೆಡ್ಸೆಟ್ ಅನ್ನು ಭಾರತೀಯ ಗ್ರಾಹಕರಿಗೆ ಬಿಡುಗಡೆ ಮಾಡಿದೆ.
ಹೊಸದಾಗಿ ಬಿಡುಗಡೆಯಾದ ಈ ಹೆಡ್ಫೋನ್ ಸ್ಮಾರ್ಟ್ ಹಾಗೂ ಹೊಸ ಫೀಚರ್ಗಳಿಂದ ಕೂಡಿದ್ದು, ಇದರ ಬೆಲೆಯು 34,990 ರೂಪಾಯಿ ಆಗಿದೆ. ಆಯ್ದ ಆನ್ಲೈನ್ ಸೈಟ್ಗಳಲ್ಲಿ ಮಾತ್ರ ಇದು ಮಾರಾಟಕ್ಕೆ ಲಭ್ಯವಿದೆ.
ಹೊಸ ಮೊಮೆಂಟಮ್ 4 ವೈರ್ಲೆಸ್ ಹೆಡ್ಸೆಟ್ ಉತ್ತಮ ಅನುಭವ ನೀಡುತ್ತದೆ. ಹೊಸ ಸೌಂಡ್ ವೈಶಿಷ್ಟ್ಯ ಹೊಂದಿದೆ. ಬಳಕೆದಾರರಿಗೆ ಸಂಗೀತವನ್ನು ಹಿಂದೆಂದಿಗಿಂತಲೂ ಆನಂದಿಸಲು ಅನುವು ಮಾಡಿಕೊಡುತ್ತದೆ.
ಈ ಹೆಡ್ಫೋನ್ ವೇಗದ ಚಾರ್ಜಿಂಗ್ ಸಾಮರ್ಥ್ಯ ಹೊಂದಿದೆ. ಜೊತೆಗೆ 60 ಗಂಟೆಗಳ ಬ್ಯಾಟರಿ ಬಾಳಿಕೆ ಬರುತ್ತದೆ. ಅಲ್ಲದೇ, ಕೇವಲ 10 ನಿಮಿಷಗಳ ಚಾರ್ಜಿಂಗ್ ಮಾಡಿದರೂ ಆರು ಗಂಟೆಗಳ ಬಳಕೆ ಮಾಡಬಹುದಾಗಿದೆ ಎಂದು ಸೆನ್ಹೈಸರ್ ಕಂಪನಿಯ ಗ್ರಾಹಕ ವಿಭಾಗದ ನಿರ್ದೇಶಕ ಕಪಿಲ್ ಗುಲಾಟಿ ತಿಳಿಸಿದ್ದಾರೆ.
ಇದನ್ನೂ ಓದಿ: ಭಾರತೀಯ ಸೈಬರ್ಸ್ಪೇಸ್ಗೆ ಹೊಸ ಮೊಬೈಲ್ ಬ್ಯಾಂಕಿಂಗ್ ವೈರಸ್ ಎಂಟ್ರಿ.. ಗ್ರಾಹಕರೇ ಎಚ್ಚರ