ಇಸ್ಲಾಮಾಬಾದ್: ವಿಶ್ವಂಸ್ಥೆಯಲ್ಲಿ ಭಾರತದ ವಿರುದ್ಧ ಪಿತೂರಿ ನಡೆಸುತ್ತಲೇ ಇರುವ ಪಾಕಿಸ್ತಾನ, ಭದ್ರತಾ ಮಂಡಳಿಯ ಖಾಯಂ ಸದಸ್ಯನಾಗುವ ಭಾರತದ ಯತ್ನಕ್ಕೆ ಮತ್ತೊಮ್ಮೆ ತಡೆಯೊಡ್ಡಿದೆ. ಖಾಯಂ ಸ್ಥಾನ ಪಡೆಯುವ ಚುನಾವಣೆಯ ವೇಳೆ ನೆರೆದೇಶ ಭಾರತದ ವಿರುದ್ಧ ಮತ ಹಾಕಿದೆ.
ಪ್ರತಿ 2 ಅಥವಾ 5 ವರ್ಷಗಳಿಗೊಮ್ಮೆ ನಡೆಯುವ ಚುನಾವಣೆಯಲ್ಲಿ ಯುಎನ್ಎಸ್ಸಿಯ ಸದಸ್ಯತ್ವ ಪಡೆಯುವ ಕುರಿತು ಚರ್ಚೆ ನಡೆಸಲಾಗುತ್ತದೆ. ಈ ವೇಳೆ ಭಾರತ ವಿಶ್ವಸಂಸ್ಥೆಯ ಸದಸ್ಯ ರಾಷ್ಟ್ರಗಳ ಅರ್ಧದಷ್ಟು(2/3) ಬೆಂಬಲ ಪಡೆಯಬೇಕು. ಹಾಗಾದಲ್ಲಿ ಮಾತ್ರ ದೇಶಕ್ಕೆ ಮಂಡಳಿಯಲ್ಲಿ ಸದಸ್ಯತ್ವ ದೊರೆಯಲಿದೆ. ಇದಕ್ಕೆ ಪಾಕಿಸ್ತಾನ ಮೊದಲಿನಿಂದಲೂ ವಿರೋಧಿಸುತ್ತಲೇ ಬಂದಿದೆ. ಇದೀಗ ಮತ್ತೊಮ್ಮೆ ಭಾರತದ ವಿರುದ್ಧ ಧ್ವನಿ ಎತ್ತಿದೆ.
ಭಾರತ ಭದ್ರತಾ ಮಂಡಳಿಯ ಸದಸ್ಯ ರಾಷ್ಟ್ರವಾಗಲು ಪಾಕಿಸ್ಥಾನ ವಿರೋಧಿಸುತ್ತದೆ. ಕಾರಣ ಆ ದೇಶ ವಿಶ್ವಸಂಸ್ಥೆಯ ನಿರ್ಣಯಗಳನ್ನು ಉಲ್ಲಂಘಿಸಿದೆ. ಜಾತ್ಯತೀತ ರಾಷ್ಟ್ರ ಎಂದು ಘೋಷಿಸಿಕೊಂಡರೂ, ಅದನ್ನು ಪಾಲಿಸುವಲ್ಲಿ ಆ ದೇಶ ವಿಫಲವಾಗಿದೆ ಎಂದು ಆರೋಪಿಸಿದೆ.
ಇಷ್ಟಲ್ಲದೇ ಭಾರತ ವಿಶ್ವಸಂಸ್ಥೆಯ ಉಳಿದ ರಾಷ್ಟ್ರಗಳ ಬೆಂಬಲವನ್ನು ಪಡೆಯಲೂ ವಿಫಲವಾಗಿದೆ. 194 ದೇಶಗಳ ಪೈಕಿ ಭಾರತ 129 ಸದಸ್ಯ ರಾಷ್ಟ್ರಗಳ ಬೆಂಬಲ ಸಂಪಾದಿಸಬೇಕಿದೆ. ಆದರೆ, ಅದರಲ್ಲಿ ಅರ್ಧದಷ್ಟು ದೇಶಗಳು ಕೂಡ ಬೆಂಬಲಿಸುತ್ತಿಲ್ಲ ಎಂದು ಹೇಳಲಾಗಿದೆ.
ಭದ್ರತಾ ಮಂಡಳಿಯಲ್ಲಿ ಖಾಯಂ ಸ್ಥಾನ ಪಡೆಯಲು ಭಾರತವಲ್ಲದೇ, ಬ್ರೆಜಿಲ್, ಜರ್ಮನಿ ಮತ್ತು ಜಪಾನ್ ಕೂಡ ಪೈಟೋಟಿ ನಡೆಸಿವೆ. ಇವಕ್ಕೂ ಪಾಕಿಸ್ತಾನ ತೊಡರುಗಾಲು ಹಾಕಿದೆ.
ಓದಿ: ರಾಜಪಕ್ಸ ರಾಜೀನಾಮೆ ಅಂಗೀಕಾರ: ಮುಂದಿನ 7 ದಿನದಲ್ಲಿ ಹೊಸ ಅಧ್ಯಕ್ಷರ ಆಯ್ಕೆ ಸಾಧ್ಯತೆ
