ಕರಾಚಿ ( ಪಾಕಿಸ್ತಾನ): ಪ್ರಪಂಚದಲ್ಲೇ ಅತಿ ಕಡಿಮೆ ವಾಸಯೋಗ್ಯ ನಗರ ಎಂಬ ಗುರಿಗೆ ಇದೀಗ ಕರಾಚಿ ಪಾತ್ರವಾಗಿದೆ. ಎಕಾನಾಮಿಸ್ಟ್ ಇಂಟೆಲಿಜೆನ್ಸಿ ಯುನಿಟ್ (ಇಐಯು) ವರದಿ ಮಾಡಿದ ಐದು ಕಡಿಮೆ ವಾಸಯೋಗ್ಯ ನಗರಗಳ ಪಟ್ಟೆಯಲ್ಲಿ ಕರಾಚಿ ಸ್ಥಾನ ಪಡೆದುಕೊಂಡಿದೆ ಎಂದು ಪಾಕಿಸ್ತಾನದ ಇಂಗ್ಲಿಷ್ ಪತ್ರಿಕೆಯೊಂದು ವರದಿ ಮಾಡಿದೆ.
ಇಐಯು 2023ರ ಜಾಗತಿಕವಾಗಿ ಕಡಿಮೆ ವಾಸಯೋಗ್ಯ ಸೂಚ್ಯಂಕದ 173 ನಗರಗಳಲ್ಲಿ ಕರಾಚಿ 169ನೇ ಸ್ಥಾನಪಡೆದಿದೆ. ಕರಾಚಿ ಬಳಿಕ ನೈಜೀರಿಯಾದ ಲಾಗೋಸ್, ಅಲ್ಜೀರಿಯಾದ ರಾಜಧಾನಿ ಅಲ್ಚಿಯರ್ಸ್, ಲಿಬಿಯಾದ ಟ್ರಿಪೋಲಿ ಮತ್ತು ಸಿರಿಯಾದ ಡಮಾಸ್ಕಸ್ ಕೂಡಾ ಇದೆ.
ಡಮಸ್ಕಾಸ್ನಲ್ಲಿ ನಿರಂತರ ಅಸ್ಥಿರತೆ ಮತ್ತು ಕ್ರೌರ್ಯದಿಂದಾಗಿ ಈ ಪಟ್ಟಿಯಲ್ಲಿ ಕಡೆಯ ಸ್ಥಾನ ಪಡೆದರೆ, ಎರಡನೇ ಕಡಿಮೆ ಕಳಪೆ ವಾಸಯೋಗ್ಯ ನಗರದಲ್ಲಿ ತೈಲ ಶ್ರೀಮಂತ ನಗರವಾದ ಟ್ರಿಪೋಲಿಯಲ್ಲಿ ರಾಜಕೀಯ ಪ್ರಕ್ಷುಬ್ಧತೆ ಹೆಚ್ಚಿದೆ. ಕಳಪೆ ಶಿಕ್ಷಣ, ಆರೋಗ್ಯ, ಮೂಲಭೂತ ವ್ಯವಸ್ಥೆಯಿಂದ ಅಲ್ಜಿಯರ್ಸ್ ಸ್ಥಾನ ಪಡೆದುಕೊಂಡಿದೆ.
ಕೋವಿಡೋತ್ತರ ಚೇತರಿಕೆ: ಎಕಾನಾಮಿಕ್ ಗ್ರೂಪ್ನ ಸಂಶೋಧನೆ ಮತ್ತು ವಿಶ್ಲೇಷಣೆ ವಿಭಾಗ ಈ ಎಕನಾಮಿಸ್ಟ್ ಇಂಟೆಲಿಜೆನ್ಸ್ ಯುನಿಟ್ ಆಗಿದೆ. ಕರಾಚಿ ಈ ಸೂಚ್ಯಂಕದಲ್ಲಿ ಸ್ಥಾನ ಪಡೆದಿರುವ ನಗರವಾಗಿದೆ. ಪ್ರಪಂಚದೆಲ್ಲೆಡೆ ನಗರಗಳ ಕೋವಿಡೋತ್ತರ ಚೇತರಿಕೆಯನ್ನು ಈ ಸೂಚ್ಯಂಕ ಗುರಿಯಾಗಿದೆ. ನಗರದಲ್ಲಿ ವಾಸಿಸಲು ಐದು ಪ್ರಮುಖ ವರ್ಗಗಳ ಅನುಸಾರವಾಗಿ ಈ ಸೂಚ್ಯಂಕವನ್ನು ನಿಗದಿಸಲಾಗಿದೆ. ಅವುಗಳಲ್ಲಿ ಸ್ಥಿರತೆ, ಆರೋಗ್ಯ ಸೇವೆ, ಸಾಂಸ್ಕೃತಿಕ ಮತ್ತು ಪರಿಸರ, ಶಿಕ್ಷಣ ಹಾಗೂ ಮೂಲಭೂತ ಸೌಲಭ್ಯಗಳು ಸೇರಿದೆ ಎಂದಿದೆ.
1 ರಿಂದ 100 ವ್ಯಾಪ್ತಿಯೊಳಗೆ ವಾಸಯೋಗ್ಯ ಅಂಶದ ಸ್ಕೋರ್ಗಳನ್ನು ಸಂಗ್ರಹಿಸಿ, ತೀರ್ಮಾನಿಸಲಾಗಿದೆ. 1 ಅಂಕವನ್ನು ಸಹನಯೋಗ್ಯವಲ್ಲ ಎಂದು ಮತ್ತು 100ರನ್ನು ಅತ್ಯುತ್ತಮ ಎಂದು ಪರಿಗಣಿಸಲಾಗಿದೆ.
ಕರಾಚಿ ನಗರವೂ ಈ ವ್ಯಾಪ್ತಿಯಲ್ಲಿ 42.5 ಸ್ಕೋರ್ ಗಳಿಸಿಕೊಂಡಿದೆ. ಇದು ಆದರ್ಶಕ್ಕಿಂತ ಕಡಿಮೆ ಇದೆ. ಇದು ಸ್ಥಿರತೆ ಅಂಶದಲ್ಲಿ ಕಳಪೆ ಪ್ರದರ್ಶನ ತೋರಿದ್ದು, 42 ಸ್ಕೋರ್ ಪಡೆದಿದೆ. 2022ಕ್ಕೆ ಹೋಲಿಕೆ ಮಾಡಿದರೆ, ಇಲ್ಲಿನ ಪರಿಸ್ಥಿತಿಯಲ್ಲಿ ಯಾವುದೇ ಬದಲಾವಣೆ ಕಂಡಿಲ್ಲ. ಆರೋಗ್ಯ ವಿಚಾರದಲ್ಲಿ 50, ಸಾಂಸ್ಕೃತಿಕತೆ ಮತ್ತು ಪರಿಸರ ವಿಚಾರದಲ್ಲಿ 28.7, ಶಿಕ್ಷಣದಲ್ಲಿ 75 ಮತ್ತು ಮೂಲ ಸೌಲಭ್ಯದಲ್ಲಿ 51.8ರಷ್ಟು ಸ್ಕೋರ್ ಪಡೆದಿದೆ.
ಇಐಯು ಸೂಚ್ಯಂಕದ ಇತಿಹಾದಲ್ಲಿ ಕರಾಚಿ ಉತ್ತಮ ಪ್ರದರ್ಶನವನ್ನು ತೋರಿಲ್ಲ. 2019ರಲ್ಲಿ 140 ನಗರದಲ್ಲಿ ಕರಾಚಿ 136ನೇ ಸ್ಥಾನ ಪಡೆದಿತ್ತು. ಬಳಿಕ 2020 ಮತ್ತು 2022ರಲ್ಲೂ ಕ್ರಮವಾಗಿ 134 ಮತ್ತು 140ನೇ ಸ್ಥಾನ ಪಡೆದಿದೆ.
ಅತ್ಯುತ್ತಮ ನಗರಗಳು: ಈ ಸೂಚ್ಯಂಕದಲ್ಲಿ ಉತ್ತಮ ವಾಸಯೋಗ್ಯ ನಗರಗಳಲ್ಲಿ ಬಹುತೇಕ ಪಶ್ಚಿಮ ಯುರೋಪ್ ಮತ್ತು ಕೆನಡಾ ನಗರಗಳು ಸ್ಥಾನ ಪಡೆದುಕೊಂಡಿವೆ. ಆಸ್ಟ್ರೀಯನ್ ರಾಜಧಾನಿ ವಿಯೆನ್ನಾ ಇದರಲ್ಲಿ ಮೊದಲ ಸ್ಥಾನ ಪಡೆದಿದೆ. ಎರಡನೇ ವರ್ಷವೂ ಮೊದಲ ಸ್ಥಾನ ಕಾಯ್ದುಕೊಂಡಿದೆ. ಐದು ಸೂಚಕದಲ್ಲಿ ನಾಲ್ಕರಲ್ಲಿ ಶೇ 100ಕ್ಕೆ 100 ಸ್ಥಾನ ಪಡೆದಿದೆ.
ಡೆನ್ಮಾರ್ಕ್ನ ಕೋಪನ್ ಹೇಗನ್ ಇದರಲ್ಲಿ ಟಾಪ್ ಎರಡನೇ ಸ್ಥಾನ ಪಡೆದಿದ್ದರೆ, ಮೆಲ್ಬೋರ್ನ್ ಮೂರನೇ ಸ್ಥಾನ ಪಡೆದಿದೆ. ಜುರಿಚ್, ಜಿನೀವಾ, ಪ್ರಾಂಕ್ಫರ್ಟ್ ಮತ್ತು ಅಮಸ್ಟರ್ಡಮ್ ನಂತರದ ಸ್ಥಾನಗಳನ್ನು ಪಡೆದುಕೊಂಡಿವೆ.
ಇದನ್ನೂ ಓದಿ: ಕೊನೆಗೂ ಸಿಕ್ತು 3 ಬಿಲಿಯನ್ ಡಾಲರ್ IMF ಸಾಲ; ನಿಟ್ಟುಸಿರು ಬಿಟ್ಟ ಪಾಕಿಸ್ತಾನ
