ಉಗ್ರರು ಕೊಲೆಗೈದ ಪುಟ್ಟ ಮಕ್ಕಳ ಫೋಟೋ ಹಂಚಿಕೊಂಡ ಇಸ್ರೇಲ್ ಪ್ರಧಾನಿ; ಐಸಿಸ್‌ನಂತೆ ಹಮಾಸ್‌ ರಕ್ಕಸರ ನಾಶಕ್ಕೆ ಶಪಥ

6ನೇ ದಿನದ ಇಸ್ರೇಲ್-ಹಮಾಸ್ ಸಂಘರ್ಷದಲ್ಲಿ 2,500 ಕ್ಕಿಂತ ಹೆಚ್ಚು ಜನರು ಸಾವಿಗೀಡಾಗಿದ್ದಾರೆ. ಇದರಲ್ಲಿ 1,300 ಇಸ್ರೇಲಿಗಳು ಇದ್ದಾರೆ. ಒಟ್ಟಾರೆ, 3,268 ಜನರು ಗಾಯಗೊಂಡಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಜೆರುಸಲೇಂ: ಹಮಾಸ್​, ಐಸಿಸ್​ ಮಾದರಿಯಲ್ಲಿ ಕ್ರೂರವಾಗಿ ನಡೆದುಕೊಳ್ಳುತ್ತಿದೆ. ಮಕ್ಕಳನ್ನೂ ಬಿಡದೇ ಬರ್ಬರವಾಗಿ ಹತ್ಯೆ ಮಾಡುತ್ತಿದೆ. ಮುಂದಿನ ದಿನಗಳು ಶೋಚನೀಯವಾಗಿರಲಿವೆ. ಐಸಿಸ್​ನಂತೆಯೇ ಹಮಾಸ್​ ಅನ್ನು ದಮನ ಮಾಡಬೇಕು ಎಂದು ಇಸ್ರೇಲ್​ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಹೇಳಿದ್ದಾರೆ. ಜೊತೆಗೆ ಹಮಾಸ್​ ನಡೆಸಿದೆ ಎನ್ನಲಾದ ಭಯಾನಕ ಹತ್ಯಾಕಾಂಡದ ಕೆಲ ಚಿತ್ರ ಮತ್ತು ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.

ಗಾಜಾ ಪಟ್ಟಿಯಲ್ಲಿ ನಾಶವಾದ ಕಟ್ಟಡ

ಗುರುವಾರ ಇಸ್ರೇಲ್‌ಗೆ ಭೇಟಿ ನೀಡಿದ್ದ ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಆ್ಯಂಟನಿ ಬ್ಲಿಂಕೆನ್ ಜೊತೆಗಿನ ಮಾತುಕತೆಯ ವೇಳೆ ಹಮಾಸ್​ ಉಗ್ರರ ರಕ್ಕಸತನದ ಬಗ್ಗೆ ವಿವರಿಸಿದ ನೆತನ್ಯಾಹು, ಹಮಾಸ್ ಉಗ್ರರನ್ನು ಐಸಿಸ್ ರೀತಿಯಲ್ಲಿಯೇ ಹತ್ತಿಕ್ಕಲಾಗುವುದು. ಐಸಿಸ್ ಅನ್ನು ನಡೆಸಿಕೊಂಡ ರೀತಿಯಲ್ಲಿಯೇ ಅದನ್ನು ಸರ್ವನಾಶ ಮಾಡಲಾಗುವುದು ಎಂದು ಗುಡುಗಿದರು.

ಎಕ್ಸ್​ನಲ್ಲಿ ಭಯಾನಕ ವಿಡಿಯೋ ಪೋಸ್ಟ್​: ಅಕ್ಟೋಬರ್ 7 ರಂದು ಇಸ್ರೇಲ್‌ ಮೇಲೆ ದಾಳಿ ಮಾಡಿದ ಹಮಾಸ್​ ಉಗ್ರರು, ಇಸ್ರೇಲಿಗರನ್ನು ಸುಟ್ಟು ಹಾಕಿದ, ಶಿಶುಗಳ ಹತ್ಯೆಯಂತಹ ರಕ್ತಸಿಕ್ತ, ಭಯಾನಕ ಚಿತ್ರಗಳನ್ನು ಪ್ರಧಾನಿ ನೆತನ್ಯಾಹು ತಮ್ಮ ಅಧಿಕೃತ ಎಕ್ಸ್​ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಹಮಾಸ್​ ರಾಕ್ಷಸೀ ಕೃತ್ಯ ನಡೆಸುತ್ತಿದೆ. ಶಿಶುಗಳನ್ನೂ ಸುಟ್ಟು ಹಾಕಿದೆ. ಐಸಿಸ್​ನಂತೆ ವರ್ತಿಸುತ್ತಿರುವ ಉಗ್ರರನ್ನು ನಾಮಾವಶೇಷ ಮಾಡಬೇಕು ಎಂದು ಬರೆದುಕೊಂಡಿದ್ದಾರೆ.

ಗಾಜಾ ನಗರದ ಮೇಲೆ ಇಸ್ರೇಲ್​ ಬಾಂಬ್​ ದಾಳಿ

ಆ್ಯಪ್​ಗಳನ್ನು ಡಿಲಿಟ್​ ಮಾಡಿ: ಇಸ್ರೇಲ್​ ಸರ್ಕಾರ ಇಂತಹ ವಿಡಿಯೋಗಳು ನಿಮ್ಮ ಮಕ್ಕಳ ಮೊಬೈಲ್‌ನಲ್ಲಿ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ. ಶೀಘ್ರವೇ ಇನ್​ಸ್ಟಾಗ್ರಾಮ್​, ಟಿಕ್​ಟಾಕ್​ ಸೇರಿದಂತೆ ಇತರ ಸಾಮಾಜಿಕ ಮಾಧ್ಯಮಗಳ ಆ್ಯಪ್​ ಅಳಿಸಿ ಹಾಕಿ ಎಂದು ಕರೆ ನೀಡಿದೆ.

ಇಸ್ರೇಲ್- ಪ್ಯಾಲೆಸ್ಟೀನ್ ಸಂಘರ್ಷ ಮುಂದುವರಿದಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಭೀಕರ ವಿಡಿಯೋಗಳು ಹರಿದಾಡುತ್ತಿವೆ. ಹೀಗಾಗಿ ಉಗ್ರಗಾಮಿ ಗುಂಪು ಹಮಾಸ್, ಪೋಸ್ಟ್ ಮಾಡುತ್ತಿರುವ ಇಂತಹ ವಿಡಿಯೋಗಳು ಮಕ್ಕಳ ಮೊಬೈಲ್ ಫೋನ್‌ಗಳಿಗೆ ಬರಲಿದೆ. ತಕ್ಷಣವೇ ಎಲ್ಲ ಸಾಮಾಜಿಕ ಜಾಲತಾಣಗಳನ್ನು ಡಿಲಿಟ್​ ಮಾಡಿ ಎಂದು ಶಾಲೆಗಳಿಂದ ಪೋಷಕರಿಗೆ ಎಚ್ಚರಿಕೆ ರವಾನಿಸಲಾಗಿದೆ.

• Visuals from Al-Shati refugee camp in Gaza that was bombarded by Israel on Monday amid the #IsraelPalestineConflict.
  
  (Source: EFE/PTI)
  
  (Full video available on PTI Videos) pic.twitter.com/mYaW8OylxJ

  — Press Trust of India (@PTI_News) October 12, 2023 " class="align-text-top noRightClick twitterSection" data="

  Visuals from Al-Shati refugee camp in Gaza that was bombarded by Israel on Monday amid the #IsraelPalestineConflict.
  
  (Source: EFE/PTI)
  
  (Full video available on PTI Videos) pic.twitter.com/mYaW8OylxJ

  — Press Trust of India (@PTI_News) October 12, 2023

  ">

  Visuals from Al-Shati refugee camp in Gaza that was bombarded by Israel on Monday amid the #IsraelPalestineConflict.
  
  (Source: EFE/PTI)
  
  (Full video available on PTI Videos) pic.twitter.com/mYaW8OylxJ

  — Press Trust of India (@PTI_News) October 12, 2023

ಒತ್ತೆಯಾಳುಗಳ ಮೇಲೆ ಕ್ರೂರ ಹಲ್ಲೆ: ಹಮಾಸ್​ ಉಗ್ರರು ಕೆಲ ಇಸ್ರೇಲಿಗರನ್ನು ಎಳೆದೊಯ್ದು ಒತ್ತೆಯಾಳುಗಳನ್ನಾಗಿ ಇಟ್ಟುಕೊಂಡಿದ್ದು, ಅವರ ಮೇಲೆ ಕ್ರೂರವಾಗಿ ಹಲ್ಲೆ ಮಾಡುತ್ತಿದ್ದು, ಅದರ ವಿಡಿಯೋಗಳನ್ನು ಹಂಚಿಕೊಳ್ಳಲಾಗುತ್ತಿದೆ. ಇದನ್ನು ನೋಡಿದ ಬಳಿಕ ಮಕ್ಕಳ ಮೇಲೆ ವ್ಯತಿರಿಕ್ತ ಪರಿಣಾಮ ಬೀಳುವ ಸಾಧ್ಯತೆ ಇದೆ ಎಂದು ಅರಿತಿರುವ ಯಹೂದಿ ಶಾಲೆಗಳು ತಮ್ಮ ಶಾಲೆಗಳ ಮಕ್ಕಳ ಪೋಷಕರಿಗೆ ಇಮೇಲ್​ ಮೂಲಕ ಸಂದೇಶ ರವಾನಿಸಿದೆ.

ನಿಮ್ಮ ಮಕ್ಕಳ ಮೊಬೈಲ್​ನಲ್ಲಿರುವ ಟಿಕ್​ಟಾಕ್​, ಇನ್​ಸ್ಟಾಗ್ರಾಮ್​, ಟ್ವಿಟರ್​ ಸೇರಿದಂತೆ ಎಲ್ಲ ಆ್ಯಪ್​ಗಳನ್ನು ಡಿಲಿಟ್​ ಮಾಡಿ. ಇಸ್ರೇಲಿ ಒತ್ತೆಯಾಳುಗಳ ವಿಡಿಯೋಗಳು ಹರಿದಾಡುತ್ತಿವೆ. ಇದು ಮಕ್ಕಳ ತಲೆ ಕೆಡಿಸಲಿದೆ ಎಂದು ಅದರಲ್ಲಿ ಎಚ್ಚರ ನೀಡಲಾಗಿದೆ.

ಹಮಾಸ್ ಉಗ್ರರ ಒತ್ತೆಯಾಳಾಗಿರುವ ಇಸ್ರೇಲಿಗರು ತಮ್ಮ ಪ್ರಾಣ ಉಳಿಸಿಕೊಳ್ಳಲು ಬೇಡಿಕೊಳ್ಳುತ್ತಿರುವ ವಿಡಿಯೋಗಳು ಪೋಸ್ಟ್ ಮಾಡಲಾಗುತ್ತಿದೆ. ಒತ್ತೆಯಾಳುಗಳಲ್ಲಿ ಮಕ್ಕಳನ್ನು ನಿಂದಿಸುವ ಕೆಲವು ವೀಡಿಯೊಗಳು ಈಗಾಗಲೇ ಹರಿದಾಡುತ್ತಿವೆ ಎಂದು ಬಳಕೆದಾರನೊಬ್ಬ ತಿಳಿಸಿದ್ದಾನೆ.

ನಾಶವಾದ ಕಟ್ಟಡ ತೆರವು ಕಾರ್ಯಾಚರಣೆ

ಅಧ್ಯಕ್ಷರ ಹೇಳಿಕೆ ಹಿಂಪಡೆದ ಅಮೆರಿಕ ಸರ್ಕಾರ: ಹಮಾಸ್​ ಉಗ್ರರು ಇಸ್ರೇಲಿ ಮಕ್ಕಳ ಶಿರಚ್ಚೇದ ಮಾಡಿದ ವಿಡಿಯೋಗಳನ್ನು ನಾನು ನೋಡಿದ್ದೇನೆ ಎಂದಿದ್ದ ಅಮೆರಿಕದ ಅಧ್ಯಕ್ಷ ಜೋ ಬೈಡನ್​ ಅವರ ಹೇಳಿಕೆಯನ್ನು ಅಲ್ಲಿನ ಸರ್ಕಾರ ಹಿಂಪಡೆದಿದೆ. ಅಧಿಕಾರಿಗಳು ಮತ್ತು ಅಧ್ಯಕ್ಷರು ಚಿತ್ರ, ವಿಡಿಯೋಗಳನ್ನು ಅಧಿಕೃತವಾಗಿ ನೋಡಿದ್ದಾರೆ ಎಂದು ದೃಢಪಟ್ಟಿಲ್ಲ ಎಂದು ಶ್ವೇತಭವನದ ವಕ್ತಾರರು ಹೇಳಿದ್ದಾರೆ.

ಶ್ವೇತಭವನದಲ್ಲಿ ಯಹೂದಿ ನಾಯಕರೊಂದಿಗಿನ ಸಭೆಯ ಸಮಯದಲ್ಲಿ ಹಮಾಸ್​ ಉಗ್ರರ ವಿಕೃತಿಯನ್ನು ವಿವರಿಸುವ ವೇಳೆ ಮಕ್ಕಳ ತಲೆ ಕಡಿಯುವ ದೃಶ್ಯ ನೋಡಿದ್ದೇನೆ. ಇಂತಹದ್ದನ್ನು ನಾನು ನೋಡುತ್ತೇನೆ ಎಂದು ಯೋಚಿಸಿರಲಿಲ್ಲ. ಇದೊಂದು ಯಹೂದಿಗಳ ಹತ್ಯಾಕಾಂಡವಾಗಿದೆ ಎಂದು ಬೈಡನ್​ ಹೇಳಿದ್ದರು.

ಇದನ್ನೂ ಓದಿ: ಆಪರೇಷನ್​ ಅಜಯ್​: ಇಂದು ರಾತ್ರಿ 230 ಜನರಿರುವ ಮೊದಲ ವಿಮಾನ ಇಸ್ರೇಲ್​ನಿಂದ ಭಾರತಕ್ಕೆ