'ದಕ್ಷಿಣ ಗಾಜಾದಿಂದ ಪಲಾಯನ ಮಾಡಿ': ಪ್ಯಾಲೆಸ್ಟೈನಿಯರಿಗೆ ಎಚ್ಚರಿಕೆ ನೀಡಿದ ಇಸ್ರೇಲ್​

author img

By ETV Bharat Karnataka Desk

Published : Nov 18, 2023, 12:55 PM IST

Israel Hamas war live  Israel issues fresh warning  warning to leave Khan Younis  report of 26 killed  ಪ್ಯಾಲೆಸ್ಟೀನಿಯಾದವರಿಗೆ ಎಚ್ಚರಿಕೆ ನೀಡಿದ ಇಸ್ರೇಲ್​ ದಕ್ಷಿಣ ಗಾಜಾದಿಂದ ಪಲಾಯನ ಮಾಡಿ  Israel Vs Palestine South Gaza  ದಕ್ಷಿಣ ಗಾಜಾದ ನಾಗರಿಕರಿಗೆ ಈ ಪ್ರದೇಶವನ್ನು ತಕ್ಷಣವೇ ಖಾಲಿ  ಪ್ರದೇಶವನ್ನು ತಕ್ಷಣವೇ ಖಾಲಿ ಮಾಡುವಂತೆ ಇಸ್ರೇಲ್ ಎಚ್ಚರಿಕೆ  ಗಾಜಾದ ಜನರು ಮತ್ತೆ ವಲಸೆ ಹೋಗಬೇಕಾದ ಸ್ಥಿತಿ  ಹಮಾಸ್ ಅನ್ನು ಕೊನೆಗಾಣಿಸುವ ಉದ್ದೇಶ  ಉತ್ತರ ಗಾಜಾದಲ್ಲಿ ಉಗ್ರ ದಾಳಿ  ಇಸ್ರೇಲ್ ಇದೀಗ ದಕ್ಷಿಣ ಗಾಜಾದತ್ತ ಗಮನ  ಸುರಕ್ಷಿತ ಪ್ರದೇಶಗಳಿಗೆ ಸ್ಥಳಾಂತರಿಸಲು ಸಲಹೆ

Israel Vs Palestine South Gaza : ದಕ್ಷಿಣ ಗಾಜಾದ ನಾಗರಿಕರಿಗೆ ಈ ಪ್ರದೇಶವನ್ನು ತಕ್ಷಣವೇ ಖಾಲಿ ಮಾಡುವಂತೆ ಇಸ್ರೇಲ್ ಎಚ್ಚರಿಕೆ ನೀಡಿದೆ.

ಗಾಜಾ: ಹಮಾಸ್ ಅನ್ನು ಕೊನೆಗಾಣಿಸುವ ಉದ್ದೇಶದಿಂದ ಉತ್ತರ ಗಾಜಾದಲ್ಲಿ ಭೀಕರ ದಾಳಿ ನಡೆಸುತ್ತಿರುವ ಇಸ್ರೇಲ್ ಇದೀಗ ದಕ್ಷಿಣ ಗಾಜಾದತ್ತ ಗಮನ ಹರಿಸಿದೆ. ತಕ್ಷಣವೇ ಪಶ್ಚಿಮಕ್ಕೆ ಪಲಾಯನ ಮಾಡುವಂತೆ ಆ ಪ್ರದೇಶದಲ್ಲಿನ ಪ್ಯಾಲೆಸ್ಟೈನಿಯರಿಗೆ ಎಚ್ಚರಿಕೆಯನ್ನು ನೀಡಿದೆ. ದಕ್ಷಿಣ ಗಾಜಾದ ಮೇಲೆ ಸರಣಿ ದಾಳಿ ನಡೆಸಲು ಸಿದ್ಧವಾಗಿರುವ ಐಡಿಎಫ್ ನಾಗರಿಕರನ್ನು ಸ್ಥಳಾಂತರಿಸಲು ಆದೇಶ ನೀಡಿದೆ. ಇಸ್ರೇಲ್ ಈಗಾಗಲೇ ದಕ್ಷಿಣ ಗಾಜಾದ ಕೆಲವು ಭಾಗಗಳ ಮೇಲೆ ದಾಳಿ ಮಾಡಿದೆ.

"ನಾವು ಜನರನ್ನು ಸುರಕ್ಷಿತ ಪ್ರದೇಶಗಳಿಗೆ ಸ್ಥಳಾಂತರಿಸಲು ಸಲಹೆ ನೀಡಿದ್ದೇವೆ. ಇದು ಸುಲಭವಲ್ಲ ಎಂದು ನಮಗೆ ತಿಳಿದಿದೆ. ಆದ್ರೂ ನಾಗರಿಕರು ಕ್ರಾಸ್‌ಫೈರ್‌ನಲ್ಲಿ ಸಿಕ್ಕಿಹಾಕಿಕೊಳ್ಳುವುದನ್ನು ನಾವು ಬಯಸುವುದಿಲ್ಲ" ಎಂದು ಇಸ್ರೇಲಿ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ದಕ್ಷಿಣ ಗಾಜಾ ನಗರವಾದ ಖಾನ್ ಯುನಿಸ್ 4 ಮಿಲಿಯನ್ ಜನಸಂಖ್ಯೆಯನ್ನು ಹೊಂದಿದೆ. ಇದರ ಜೊತೆಗೆ ಇತ್ತೀಚೆಗೆ ಉತ್ತರ ಗಾಜಾದ ಮೇಲೆ ಇಸ್ರೇಲ್ ನಡೆಸಿದ ದಬ್ಬಾಳಿಕೆಯಿಂದಾಗಿ ಅನೇಕ ಜನರು ದಕ್ಷಿಣ ಪ್ರದೇಶಕ್ಕೆ ವಲಸೆ ಹೋಗಿದ್ದಾರೆ. ಈಗ ಅವರೆಲ್ಲರನ್ನೂ ಪಶ್ಚಿಮ ಪ್ರದೇಶಕ್ಕೆ ಸ್ಥಳಾಂತರಿಸುವಂತೆ ಇಸ್ರೇಲ್ ಎಚ್ಚರಿಕೆ ನೀಡಿದೆ. ಅಲ್ಲಿ ಮಾನವೀಯ ನೆರವು ಪಡೆಯುವುದು ಸುಲಭವಾಗಲಿದೆ. ಇದರಿಂದಾಗಿ ಪ್ಯಾಲೆಸ್ಟೈನಿಯರು ಮತ್ತೆ ಬಲವಂತವಾಗಿ ವಲಸೆ ಹೋಗುವುದಿಲ್ಲ ಎಂಬ ಮನಸ್ಥಿತಿಯಲ್ಲಿದ್ದಾರೆ.

  • RPGs, mortar shells, and other weapons were found by IDF troops inside a kindergarten and an elementary school in northern Gaza.

    Kindergartens should store toys, not deadly weapons. pic.twitter.com/OuPfJmfGYZ

    — Israel Defense Forces (@IDF) November 18, 2023 " class="align-text-top noRightClick twitterSection" data=" ">

ರಾಕೆಟ್‌ ಮತ್ತು ಗ್ರೆನೇಡ್‌ಗಳಿಂದ ದಾಳಿ: ಶನಿವಾರ ಮುಂಜಾನೆ ಖಾನ್ ಯೂನಿಸ್ ನಗರದ ಪ್ರದೇಶದ ಮೇಲೆ ಇಸ್ರೇಲ್​ ಬಾಂಬ್ ದಾಳಿ ಮಾಡಿದೆ. ಘಟನೆಯಲ್ಲಿ 26 ಮಂದಿ ಸಾವನ್ನಪ್ಪಿದ್ದಾರೆ ಎಂದು ಪ್ಯಾಲೆಸ್ಟೈನ್​ ಮಾಧ್ಯಮಗಳು ವರದಿ ಮಾಡಿವೆ. ಅವರಲ್ಲಿ ಹೆಚ್ಚಿನವರು ಮಕ್ಕಳು ಸಾವನ್ನಪ್ಪಿದ್ದಾರೆ ಎಂದು ವರದಿಯಾಗಿದೆ. ಮತ್ತೊಂದೆಡೆ ಉತ್ತರ ಗಾಜಾದಲ್ಲಿ ಪರಮಾಣು ತಪಾಸಣೆ ನಡೆಸುತ್ತಿರುವ IDF ಪಡೆಗಳು ಹಮಾಸ್ ನೆಲೆಗಳನ್ನು ಬಹಿರಂಗಪಡಿಸುತ್ತಿವೆ. ಇತ್ತೀಚೆಗೆ, ಇಸ್ರೇಲಿ ಪಡೆಗಳು ಶಿಶುವಿಹಾರ ಮತ್ತು ಪ್ರಾಥಮಿಕ ಶಾಲೆಯಲ್ಲಿ ದೊಡ್ಡ ಪ್ರಮಾಣದ ಶಸ್ತ್ರಾಸ್ತ್ರಗಳನ್ನು ಪತ್ತೆಹಚ್ಚಿದ್ದವು. ಈ ಶಾಲೆಗಳಲ್ಲಿ ಹಮಾಸ್ ಮಾರ್ಟರ್ ಶೆಲ್‌ಗಳು, ರಾಕೆಟ್ ಚಾಲಿತ ಗ್ರೆನೇಡ್‌ಗಳು ಮತ್ತು ಇತರ ಮಾರಕ ಶಸ್ತ್ರಾಸ್ತ್ರಗಳನ್ನು ಸಂಗ್ರಹಿಸಿರುವ ಬಗ್ಗೆ IDF ಹೇಳಿಕೊಂಡಿದೆ. ಅದಕ್ಕೆ ಸಂಬಂಧಿಸಿದ ವಿಡಿಯೋಗಳನ್ನು ಬಿಡುಗಡೆ ಮಾಡಿದೆ.

ಇಸ್ರೇಲ್ ದಾಳಿಯಿಂದಾಗಿ ಗಾಜಾ ಪಟ್ಟಿಯಲ್ಲಿ ಇಂಧನ ಕೊರತೆ ಉಂಟಾಗಿದೆ. ಇದು ಸಂವಹನ ವ್ಯವಸ್ಥೆಯ ಮೇಲೆ ತೀವ್ರ ಪರಿಣಾಮ ಬೀರಿದೆ. ಗಾಜಾವನ್ನು ಹೊರಗಿನ ಪ್ರಪಂಚದಿಂದ ಕಡಿತಗೊಳಿಸಲಾಗಿದೆ. ಇಂಧನ ಕೊರತೆಯಿಂದಾಗಿ ಇಂಟರ್ನೆಟ್ ಮತ್ತು ಫೋನ್ ನೆಟ್‌ವರ್ಕ್‌ಗಳನ್ನು ಸಹ ಸ್ಥಗಿತಗೊಳಿಸಲಾಗಿದೆ ಎಂದು ಪ್ರಮುಖ ಪ್ಯಾಲೆಸ್ಟೈನಿಯನ್ ಟೆಲಿಕಾಂ ಪೂರೈಕೆದಾರರು ಹೇಳಿದ್ದಾರೆ. ಸಂವಹನ ವ್ಯವಸ್ಥೆಯನ್ನು ಪುನಃಸ್ಥಾಪಿಸಲು ಇಂಧನ ಅಗತ್ಯವಿದೆ ಎಂದು ಇಸ್ರೇಲ್​ಗೆ ಮನವರಿಕೆ ಮಾಡಲು ಅಂತಾರಾಷ್ಟ್ರೀಯ ಸಂಸ್ಥೆಗಳನ್ನು ಕೇಳಲಾಯಿತು. ಈ ಯುದ್ಧದಿಂದಾಗಿ ಗಾಜಾದ ಜನರು ಆಹಾರದ ಕೊರತೆಯಿಂದ ತೀವ್ರ ಸಂಕಷ್ಟ ಎದುರಿಸುತ್ತಿದ್ದಾರೆ. ಇಸ್ರೇಲ್ ದಾಳಿಯಲ್ಲಿ ಇದುವರೆಗೆ 11,000 ಕ್ಕೂ ಹೆಚ್ಚು ಜನರು ಪ್ರಾಣ ಕಳೆದುಕೊಂಡಿದ್ದಾರೆ ಎಂದು ಗಾಜಾದ ಆರೋಗ್ಯ ಸಚಿವಾಲಯ ತಿಳಿಸಿದೆ. ಮತ್ತೊಂದೆಡೆ, ಹಮಾಸ್ ದಾಳಿಯಲ್ಲಿ ತನ್ನ 1200 ನಾಗರಿಕರು ಕೊಲ್ಲಲ್ಪಟ್ಟರು ಎಂದು ಇಸ್ರೇಲ್ ಘೋಷಿಸಿದೆ.

ಓದಿ: ಫಿಲಿಪೈನ್ಸ್​​ನಲ್ಲಿ ಪ್ರಬಲ ಭೂಕಂಪ; 6 ಸಾವು, ಕಟ್ಟಡಗಳಿಗೆ ಹಾನಿ, ಹಲವರು ಕಣ್ಮರೆ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.