ಒಮಾಹಾ (ಅಮೆರಿಕ); ಇಲ್ಲಿನ 100 ವರ್ಷ ಹಳೆಯದಾದ ಮನೆಯೊಂದರೆ ಎಲ್ಲೆಂದರಲ್ಲಿ ಜೇನುನೊಣಗಳದ್ದೇ ದರ್ಬಾರ್. ಇದು ದಂಪತಿಯೊಬ್ಬರ ಮನೆಯಾಗಿದ್ದು, ಜೇನುನೊಣ ಝೇಂಕಾರದ ಮಧ್ಯೆಯೇ ಬದುಕು ಸಾಗಿಸುತ್ತಿದ್ದರು.
ಆದರೆ ಜೇನುನೊಣಗಳ ಝೇಂಕಾರ ಹಾಗೂ ಕಡಿತದ ಭಯದಿಂದ ಅವುಗಳನ್ನು ಕೃಷಿ ವಿಜ್ಞಾನಿಗಳ ಸಹಾಯದಿಂದ ಬೇರೆ ಕಡೆ ಸ್ಥಳಾಂತರಿಸಿದ್ದಾರೆ. ಹೀಗೆ ನಡೆದ ಕಾರ್ಯಾಚರಣೆ ವೇಳೆ ಈ ಪುರಾತನ ಮನೆಯ ಗೋಡೆಯಿಂದ ಸುಮಾರು 6 ಸಾವಿರ ಜೇನುನೋಣಗಳನ್ನು ಹೊರ ತೆಗೆಯಲಾಗಿದೆಯಂತೆ.
ಥಾಮಸ್ ಮತ್ತು ಮೇರಿಲು ಗೌಟಿಯರ್ ಅವರು ಒಮಾಹಾ ವರ್ಲ್ಡ್ - ಹೆರಾಲ್ಡ್ ಮಿಡ್ಟೌನ್ ಮನೆಯ ಹೊರಗೆ ಜೇನುನೊಣ ಸ್ನೇಹಿ ಹೂವುಗಳನ್ನು ನೆಟ್ಟಿದ್ದಾರಂತೆ. ಹೀಗಾಗಿ ಇವರ ಮನೆಯ ಗೋಡೆ ಗೋಡೆಗಳಲ್ಲೂ ಜೇನುನೊಣಗಳ ಸದ್ದು ಕೇಳಿ ಬರುತ್ತಿದೆ. ಜೇನುನೊಣಗಳು ಮನೆಯ ಗೊಡೆಗಳ ಒಳಗೆ ವಾಸಿಸಲು ಆರಂಭಿಸುತ್ತವೆ ಎಂಬ ಕಲ್ಪನೆ ಈ ದಂಪತಿಗೆ ಇರಲಿಲ್ಲವಂತೆ.
ಈ ಜೇನುನೊಣಗಳು ಬರಬರುತ್ತಾ ಈ ದಂಪತಿ ಮಲಗುವ ಎರಡನೇ ಮಹಡಿಯ ಕೋಣೆಗೆ ನುಗ್ಗಿವೆ. ಇದು ಅವರ ಏಕಾಂತಕ್ಕೂ ಭಂಗ ತಂದಿದೆ. ಅಷ್ಟೇ ಏಕೆ ಗೋಡೆಗೆ ಕಿವಿಗೊಟ್ಟರೆ ಜೇನುನೊಣಗಳ ಝೇಂಕಾರವೇ ಮಾರ್ದನಿಸುತ್ತಂತೆ.
ಹೀಗಾಗಿ ಅವರು ಜೇನುನೊಣಗಳನ್ನು ಸಂರಕ್ಷಿಸುವ ಬೀ ಕ್ಲಬ್ ಸಂಪರ್ಕಿಸಿದ್ದಾರೆ. ಜೇನುನೊಣಗಳನ್ನು ಸುರಕ್ಷಿತವಾಗಿ ಸ್ಥಳಾಂತರಿಸಲು ಸಂಸ್ಥೆ 600 ಡಾಲರ್ ಶುಲ್ಕ ವಿಧಿಸಿ, ಅವುಗಳನ್ನ ಸುರಕ್ಷಿತವಾಗಿ ಹೊರ ತೆಗೆದು ಬೇರೆ ಕಡೆ ಸ್ಥಳಾಂತರಿಸಿದೆ.
ಇದನ್ನು ಓದಿ: ಸೈಕಲ್ ಸವಾರಿ ವೇಳೆ ಆಯತಪ್ಪಿ ಬಿದ್ದ ಜೋ ಬೈಡನ್