ವಿಶ್ವಸಂಸ್ಥೆ: ಮುಂದಿನ ವಾರ ನಡೆಯಲಿರುವ ಯುಎನ್ ಜನರಲ್ ಅಸೆಂಬ್ಲಿಯ ದೊಡ್ಡ ಸಭೆಯಲ್ಲಿ ಮಾತನಾಡಲು ವಿಶ್ವ ನಾಯಕರು ಕೊರೊನಾ ಲಸಿಕೆ ಹಾಕಿಸಿಕೊಂಡಿರಬೇಕು ಎಂಬ ನಿಯಮ ತರಲಾಗಿದೆ. ಈ ಬಗ್ಗೆ ಅಸೆಂಬ್ಲಿ ನಾಯಕ ಮತ್ತು ನ್ಯೂಯಾರ್ಕ್ ಸಿಟಿ ಅಧಿಕಾರಿಗಳು ಹೇಳಿದ್ದಾರೆ.
ಇದಕ್ಕೆ ಪರ ವಿರೋಧ ಅಭಿಪ್ರಾಯಗಳು ವ್ಯಕ್ತವಾಗಿವೆ. ಸಾಂಕ್ರಾಮಿಕ ಸಮಯದಲ್ಲಿ ಪ್ರಪಂಚದ ಮೊದಲ ಕಾರ್ಯಕ್ರಮವನ್ನು ಇದಾಗಿದ್ದು, ಪತ್ರವೊಂದರಲ್ಲಿ ಉಲ್ಲೇಖ ಮಾಡಿರುವ ನಗರ ಅಂತಾರಾಷ್ಟ್ರೀಯ ವ್ಯವಹಾರಗಳ ಆಯುಕ್ತ ಪೆನ್ನಿ ಅಬೇವರ್ದನ ಅವರು ಅಧಿಕಾರಿಗಳು ಸಭಾಂಗಣವನ್ನು "ಕನ್ವೆನ್ಶನ್ ಸೆಂಟರ್" ಎಂದು ಪರಿಗಣಿಸಿದ್ದಾರೆ ಆದ್ದರಿಂದ ಇದು ಲಸಿಕೆ ಅಗತ್ಯತೆಗೆ ಒಳಪಟ್ಟಿರುತ್ತದೆ ಎಂದು ಹೇಳಿದ್ದಾರೆ.
ಎಲ್ಲ ಯುಎನ್‌ಜಿಎಗಳನ್ನು (UN General Assembly) ರಕ್ಷಣೆ ಮಾಡಿಕೊಳ್ಳಲು ನಡೆಯುತ್ತಿರುವ ಪ್ರಯತ್ನಗಳಲ್ಲಿ ಸೇರಲು ನಾವೂ ಹೆಮ್ಮೆಪಡುತ್ತೇವೆ. ಪಾಲ್ಗೊಳ್ಳುವವರು ಮತ್ತು ನಮ್ಮ ಸಹವರ್ತಿ ನ್ಯೂಯಾರ್ಕ್ ನಿವಾಸಿಗಳು ಸಾಂಕ್ರಾಮಿಕ ಸಮಯದಲ್ಲಿ ಸುರಕ್ಷಿತರಾಗಿದ್ದಾರೆ ಎಂದು ತಿಳಿಸಿದ್ದಾರೆ.
ಮೇಯರ್ ಬಿಲ್ ಡಿ ಬ್ಲಾಸಿಯೊ ಬುಧವಾರದ ತಮ್ಮ ಹೇಳಿಕೆಯಲ್ಲಿ, ನಗರದಲ್ಲಿ ಉಚಿತ ಲಸಿಕೆಗಳನ್ನು ನೀಡುತ್ತದೆ ಎಂದು ಹೇಳಿದ್ದಾರೆ. ಹಾಗೆ ಜಿ.ಎ. ಅಧ್ಯಕ್ಷ ಅಬ್ದುಲ್ಲಾ ಶಾಹಿದ್ ಅವರು ಲಸಿಕೆ ಹಾಕುವ ಅಗತ್ಯತೆಯನ್ನು ಸ್ವೀಕರಿಸಿದ್ದಾರೆ. ಹಾಗೆ ಇದನ್ನು ನಾವು ಸಾಮಾನ್ಯ ಸಭೆಗೆ ಮರಳುವ ಪ್ರಮುಖ ಹೆಜ್ಜೆ ಎಂದು ಕರೆದಿದ್ದಾರೆ.
ಆದರೆ, ರಷ್ಯಾದ ರಾಯಭಾರಿ ವಾಸಿಲಿ ನೆಬೆಂಜಿಯಾ ಯುಎನ್‌ನಲ್ಲಿ ರಾಷ್ಟ್ರಗಳ ಹಕ್ಕುಗಳ ಮೇಲೆ "ಸ್ಪಷ್ಟವಾಗಿ ತಾರತಮ್ಯದ" ಉಲ್ಲಂಘನೆಯಾಗಿದೆ ಎಂದು ಸ್ಫೋಟಕ ಹೇಳಿಕೆ ನೀಡಿದ್ದಾರೆ. ಮುನ್ನೆಚ್ಚರಿಕೆಗಳನ್ನು ಮೀರಿದ ಯಾವುದೇ ಕ್ರಮಗಳನ್ನು ಪರಿಚಯಿಸಬಾರದು ಎಂದು ನಾವು ನಂಬುತ್ತೇವೆ ಇದರಿಂದ ಸದಸ್ಯ ರಾಷ್ಟ್ರಗಳು ಜಿಎ ಸಭೆಯಲ್ಲಿ ಭಾಗವಹಿಸುವುದನ್ನು ತಡೆಯುತ್ತದೆ ಎಂದು ಅವರು ಶಾಹಿದ್‌ಗೆ ಪತ್ರ ಬರೆದಿದ್ದಾರೆ.
ತುರ್ತುಸಭೆಗೆ ವಿನಂತಿ:
ಇನ್ನು ಈ ಲಸಿಕೆ ವಿಷಯದ ಬಗ್ಗೆ ಚರ್ಚಿಸಲು ಗುರುವಾರ ತುರ್ತು ಸಭೆಗೆ ವಿನಂತಿಸಿದ ನೆಬೆಂಜಿಯಾ, ವೈದ್ಯಕೀಯ ಕಾರಣಗಳಿಗಾಗಿ ಲಸಿಕೆ ಹಾಕಲಾಗದ ಜನರು ಮತ್ತು ಕೋವಿಡ್ -19 ರ ಇತ್ತೀಚಿನ ಪ್ರಕರಣಗಳಿಂದ ಪ್ರತಿಕಾಯಗಳನ್ನು ಅಭಿವೃದ್ಧಿಪಡಿಸಿದವರ ಬಗ್ಗೆ ಯೋಚಿಸಬೇಕಾಗಿದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಇದನ್ನೂ ಓದಿ: ಇದೇ 23ರಿಂದ ಪ್ರಧಾನಿ ಮೋದಿ ಅಮೆರಿಕ ಪ್ರವಾಸ ; ವಿಶ್ವಸಂಸ್ಥೆಯ ಸಾಮಾನ್ಯ ಸಭೆ ಉದ್ದೇಶಿಸಿ ಭಾಷಣ
ವಿಶ್ವಸಂಸ್ಥೆ ಪ್ರಧಾನ ಕಾರ್ಯದರ್ಶಿ ಆಂಟೋನಿಯೊ ಗುಟೆರೆಸ್ ಅವರ ವಕ್ತಾರರಾದ ಸ್ಟೀಫನ್ ಡುಜಾರಿಕ್ ಈ ಬಗ್ಗೆ ಮಾತನಾಡಿ, ಪ್ರತಿನಿಧಿಗಳ ಮೇಲೆ ಪರಿಣಾಮ ಬೀರುವ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಅಸೆಂಬ್ಲಿಯ ಅಧಿಕಾರದ ಬಗ್ಗೆ ಗಮನ ಹರಿಸಲಾಗುತ್ತದೆ. ಯಾವುದೇ ಚ್ಯುತಿ ಬರದಂತೆ ವಿಶ್ವ ಸಂಸ್ಥೆ ಕೆಲಸ ಮಾಡುತ್ತದೆ ಎಂದು ಅವರು ಹೇಳಿದ್ದಾರೆ.
ಎಷ್ಟು ಗಣ್ಯರಿಗೆ ಲಸಿಕೆ ಹಾಕಲಾಗಿದೆ ಎಂಬ ಮಾಹಿತಿ ಇಲ್ಲ
ಮುಂದಿನ ವಾರ ಯುಎನ್ ನಲ್ಲಿ ಸೇರುವ ಎಷ್ಟು ಗಣ್ಯರಿಗೆ ಲಸಿಕೆ ಹಾಕಲಾಗಿದೆ ಅಥವಾ ಅವರ ಸಹಾಯಕರಿಗೆ ಲಸಿಕೆ ಹಾಕಲಾಗಿದೆಯೇ ಎಂಬ ಬಗ್ಗೆ ಸ್ಪಷ್ಟ ಮಾಹಿತಿ ಇಲ್ಲ. ಇದರ ನಡುವೆ ಸುಮಾರು 104 ರಾಷ್ಟ್ರ ಮತ್ತು ಸರ್ಕಾರದ ಮುಖ್ಯಸ್ಥರು ಹಾಗೂ 23 ಕ್ಯಾಬಿನೆಟ್ ಮಂತ್ರಿಗಳು ತಮ್ಮ ದೇಶಗಳ ಸಹಿ ಭಾಷಣಗಳನ್ನು ವೈಯುಕ್ತಿಕವಾಗಿ ನೀಡಲು ಯೋಜಿಸಿದ್ದಾರೆ. ಇತರ ರಾಷ್ಟ್ರಗಳ ನಾಯಕರು ವಿಡಿಯೋ ಮೂಲಕ ಮಾತನಾಡಲಿದ್ದಾರೆ.
ಈ ಬಾರಿ ವೈಯಕ್ತಿಕವಾಗಿ ಕಾಣಿಸಿಕೊಳ್ಳುವ ಪ್ರತಿಯೊಬ್ಬ ನಾಯಕರೂ ಕೇವಲ ಆರು ಜನರನ್ನು ಮಾತ್ರ ವಿಶ್ವಸಂಸ್ಥೆ ಪ್ರಧಾನ ಕಚೇರಿಗೆ ಕರೆತರಬಹುದು. ಇದರಲ್ಲಿ ನಾಲ್ವರನ್ನು ಮಾತ್ರ ಅಸೆಂಬ್ಲಿ ಹಾಲ್‌ಗೆ ಕರೆತರಬಹುದು. ಇದರ ನಡುವೆ ವಿಶ್ವ ಸಂಸ್ಥೆಯು ಈ ವಾರದಲ್ಲಿ ಕಟ್ಟಡದಲ್ಲಿರುವ ತನ್ನದೇ ಸಿಬ್ಬಂದಿಗೆ ಲಸಿಕೆ ಹಾಕುವ ಅಗತ್ಯವಿದೆ ಎನ್ನಲಾಗಿದೆ.
