ETV Bharat / entertainment

11 ವರ್ಷಗಳ ಬಳಿಕ ಕಾಶ್ಮೀರಕ್ಕೆ ಶಾರುಖ್​​ ಭೇಟಿ: ಡಂಕಿ ಶೂಟಿಂಗ್​ ಚುರುಕು

author img

By

Published : Apr 27, 2023, 5:03 PM IST

ಕಾಶ್ಮೀರದಲ್ಲಿ ಡಂಕಿ ಶೂಟಿಂಗ್​​ ನಡೆಯುತ್ತಿದ್ದು, ಶಾರುಖ್​ ಖಾನ್​​ ಮತ್ತು ತಾಪ್ಸಿ ಪನ್ನು ಭಾಗಿಯಾಗಿದ್ದಾರೆ.

shah rukh khan dunki shooting
ಶಾರುಖ್ ಖಾನ್ ಡಂಕಿ ಶೂಟಿಂಗ್​ ಚುರುಕು

ಪಠಾಣ್ ಚಿತ್ರದ ಅದ್ಭುತ ಯಶಸ್ಸಿನ ನಂತರ ಶಾರುಖ್ ಖಾನ್ ಬ್ಯಾಕ್ ಟು ಬ್ಯಾಕ್ ಸಿನಿಮಾ ಶೂಟಿಂಗ್​ಗಳಲ್ಲಿ ನಿರತರಾಗಿದ್ದಾರೆ. 'ಜವಾನ್' ಮತ್ತು 'ಡಂಕಿ' ಎಸ್​​ಆರ್​ಕೆ ಅಭಿನಯದ ಬಹುನಿರೀಕ್ಷಿತ ಚಿತ್ರ. ಸದ್ಯ ಬಾಲಿವುಡ್​​ ಕಿಂಗ್ ಖಾನ್ 'ಡಂಕಿ' ಚಿತ್ರೀಕರಣದಲ್ಲಿ ಸಖತ್​ ಬ್ಯುಸಿಯಾಗಿದ್ದಾರೆ.

ಈಗಾಗಲೇ ಲಂಡನ್, ಸೌದಿ ಅರೇಬಿಯಾದಲ್ಲಿ ಶೂಟಿಂಗ್ ಮುಗಿಸಿಸಿರುವ ಸೂಪರ್ ಸ್ಟಾರ್ ಚಿತ್ರದ ಮುಂದಿನ ಶೆಡ್ಯೂಲ್​ಗಾಗಿ ಕಾಶ್ಮೀರಕ್ಕೆ ಭೇಟಿ ಕೊಟ್ಟಿದ್ದಾರೆ. ಕಾಶ್ಮೀರದಿಂದ ಶಾರುಖ್ ಖಾನ್ ಅವರ ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ಕಾಣಿಸಿಕೊಂಡಿವೆ. ವೈರಲ್​ ಆಗುತ್ತಿರುವ ವಿಡಿಯೋಗಳಲ್ಲಿ ಬಾಲಿವುಡ್ ನಟಿ ತಾಪ್ಸಿ ಪನ್ನು ಅವರೊಂದಿಗೆ ಎಸ್​ಆರ್​ಕೆ ಕಾಣಿಸಿಕೊಂಡಿದ್ದಾರೆ. ಇದಕ್ಕೂ ಮುನ್ನ ಕಾಶ್ಮೀರದ ಸೋನಾಮಾರ್ಗ್‌ನಲ್ಲಿರುವ ಹೋಟೆಲ್‌ಗೆ ಸೂಪರ್‌ಸ್ಟಾರ್ ಪ್ರವೇಶಿಸುತ್ತಿರುವ ವಿಡಿಯೋ ವೈರಲ್ ಆಗಿತ್ತು.

ವೈರಲ್ ವಿಡಿಯೋಗಳಲ್ಲಿ ಶಾರುಖ್ ಖಾನ್ ಮತ್ತು ಸಹನಟಿ ತಾಪ್ಸಿ ಪನ್ನು 'ಡಂಕಿ' ಸೆಟ್‌ನಲ್ಲಿರುವುದು ಕಂಡುಬಂದಿದೆ. ಈ ದೃಶ್ಯಗಳನ್ನು ನೋಡಿದರೆ ಇಬ್ಬರೂ ಶಾಪಿಂಗ್ ಸೀಕ್ವೆನ್ಸ್‌ಗಾಗಿ ಶೂಟಿಂಗ್ ಮಾಡುತ್ತಿರುವಂತೆ ಕಾಣುತ್ತಿದೆ. ಶಾರುಖ್ ಕೆಂಪು ಬಣ್ಣದ ಜಾಕೆಟ್ ಧರಿಸಿದ್ದಾರೆ. ತಾಪ್ಸಿ ಪನ್ನು ಚಳಿಗಾಲದ ಜಾಕೆಟ್ ತೊಟ್ಟಿದ್ದಾರೆ.

ಟ್ವಿಟ್ಟರ್ ಬಳಕೆದಾರರು ಶಾರುಖ್ ಮತ್ತು ತಾಪ್ಸಿ ಅವರ ವಿಡಿಯೋ ಮತ್ತು ಫೋಟೋಗಳನ್ನು ಶೇರ್ ಮಾಡಿದ್ದಾರೆ. ಶೀರ್ಷಿಕೆಯಲ್ಲಿ, ಕಾಶ್ಮೀರದಲ್ಲಿ 'ಡಂಕಿ ಫಿಲ್ಮ್ ಸಾಂಗ್ ಶೂಟಿಂಗ್' ಎಂದು ಬರೆದುಕೊಂಡಿದ್ದಾರೆ. ಆನ್​ಲೈನ್​ನಲ್ಲಿ ಸದ್ದು ಮಾಡುತ್ತಿರುವ ದೃಶ್ಯಗಳು ಅಭಿಮಾನಿಗಳ ಮೆಚ್ಚುಗೆ ಸಂಪಾದಿಸುವ ಜೊತೆಗೆ ಕುತೂಹಲ ಹೆಚ್ಚಿಸಿದೆ.

ಸಾಮಾಜಿಕ ಜಾಲತಾಣ ಬಳಕೆದಾರರರೋರ್ವರು, 'ಕಾಶ್ಮೀರದಲ್ಲಿ ಡಂಕಿ ಚಿತ್ರೀಕರಣದ ಸ್ಥಳವು ನಿಜವಾಗಿಯೂ ಅದ್ಭುತವಾಗಿದೆ. ಶೀತ ವಾತಾವರಣ ಉಸಿರುಗಟ್ಟಿಸುವಂತಿದೆ. ಶಾರುಖ್​ ಸರ್​ ನಿಮ್ಮ ಮನಸ್ಸಿನಲ್ಲಿ ನಿಮ್ಮ ತಂದೆ ಮತ್ತು ಯಶ್ ಜಿ ಅವರ ನೆನಪುಗಳು ಸದ್ದು ಮಾಡುತ್ತಿದೆ ಅನ್ನೋದು ನನಗೆ ಗೊತ್ತಿದೆ. ನಾನು ನಿಮಗೆ ಬೆಚ್ಚಗಿನ ಅಪ್ಪುಗೆಯನ್ನು ಕಳುಹಿಸುತ್ತಿದ್ದೇನೆ' ಎಂದು ಬರೆದುಕೊಂಡಿದ್ದಾರೆ.

  • The location of #Dunki shooting in Kashmir is truly breathtaking @iamsrk and I guess quite literally breathtaking with the cold! I’m sure the memories of ur father & Yash ji are running in ur mind… such a bittersweet feeling for you I’m sure…sending you the warmest hugs ♾️♥️ pic.twitter.com/b9yQhihO7k

    — Samina ✨ (@SRKsSamina_) April 26, 2023 " class="align-text-top noRightClick twitterSection" data=" ">

ಇದನ್ನೂ ಓದಿ: ಹಾವೇರಿಯಲ್ಲಿ ಅಬ್ಬರಿಸಿದ ಹೆಬ್ಬುಲಿ: ಬಿಜೆಪಿ ಪರ ಸುದೀಪ್​ ಮತಬೇಟೆ

ಶಾರುಖ್​ ಖಾನ್​​ 11 ವರ್ಷಗಳ ಹಿಂದೆ ಜಬ್ ತಕ್ ಹೈ ಜಾನ್ ಚಿತ್ರದ ಸಲುವಾಗಿ ಕಾಶ್ಮೀರಕ್ಕೆ ಬಂದಿದ್ದರು. ದಿವಂಗತ ನಿರ್ದೇಶಕ ಯಶ್ ಚೋಪ್ರಾ ಅವರ ಕೊನೆಯ ಚಲನಚಿತ್ರದಲ್ಲಿ ಶಾರುಖ್​ ಖಾನ್​, ಕತ್ರಿನಾ ಕೈಫ್​, ಅನುಷ್ಕಾ ಶರ್ಮಾ ನಟಿಸಿದ್ದರು. ಅದಾದ ಬಳಿಕ ನಟ ಕಾಶ್ಮೀರಕ್ಕೆ ಭೆಟಿ ಕೊಟ್ಟಿಲ್ಲ. 11 ವರ್ಷಗಳ ಬಳಿಕ ಬಾಲಿವುಡ್​ ಸೂಪರ್​ ಸ್ಟಾರ್ ಕಣಿವೆ ಪ್ರದೇಶಕ್ಕೆ ಭೇಟಿ ಕೊಟ್ಟಿರುವುದು ಅಭಿಮಾನಿಗಳ ಉತ್ಸಾಹಕ್ಕೆ ಕಾರಣವಾಗಿದೆ.

ಇದನ್ನೂ ಓದಿ: ಫಿಲ್ಮ್‌ಫೇರ್ ಪ್ರಶಸ್ತಿಗಳು 'ಅನೈತಿಕ, ಭ್ರಷ್ಟ, ಸಿನಿಮಾ ವಿರೋಧಿ': ವಿವೇಕ್ ಅಗ್ನಿಹೋತ್ರಿ

ಸೌತ್ ಡೈರೆಕ್ಟರ್​​ ಅಟ್ಲಿ ನಿರ್ದೇಶನದಲ್ಲಿ ಜವಾನ್​ ಚಿತ್ರ ಕೂಡ ರೆಡಿ ಆಗುತ್ತಿದೆ. ಶಾರುಖ್ ಖಾನ್ ಆ್ಯಕ್ಷನ್​ ಅವತಾರದಲ್ಲಿ ಕಾಣಿಸಿಕೊಳ್ಳಲಿರುವ ಎರಡನೇ ಚಿತ್ರವಿದು. ದಕ್ಷಿಣ ಚಿತ್ರರಂಗದ ಟಾಪ್​ ನಟಿ ನಯನತಾರಾ ಸೇರಿದಂತೆ ಸೌತ್​ ಸಿನಿ ಗಣ್ಯರೊಂದಿಗೆ ತೆರೆ ಹಂಚಿಕೊಳ್ಳುತ್ತಿರುವ ಬಹುನಿರೀಕ್ಷಿತ ಚಿತ್ರವಿದು. ಜವಾನ್​ ಶೂಟಿಂಗ್​ ಕೊನೆ ಹಂತದಲ್ಲಿದೆ.

TAGGED:

ಶಾರುಖ್ ಖಾನ್ ಡಂಕಿ ಶೂಟಿಂಗ್​ಶಾರುಖ್ ಖಾನ್ಡಂಕಿ ಶೂಟಿಂಗ್ಡಂಕಿ ಸಿನಿಮಾತಾಪ್ಸಿ ಪನ್ನುಕಾಶ್ಮೀರದಲ್ಲಿ ಶಾರುಖ್ ಖಾನ್

Quick Links / Policies

Get Us On

ETV Bharat IOS AppETV Bharat Google App

Please write to us, for media partnership and Ad-sales inquiries. Email: adops@etvbharat.com

ಆಯ್ದ ಲೇಖನಗಳು

ಸಿದ್ಧವಾಗುತ್ತಿದೆ 7.5 ಅಡಿ ಎತ್ತರದ ರಾಮೋಜಿ ರಾವ್ ಪ್ರತಿಮೆ - Ramoji Rao Statue

ಎಚ್ಚರಿಕೆ! ಗರ್ಭಿಣಿಯರು ಪೇರಳೆ ಹಣ್ಣು ತಿಂದರೆ ಏನಾಗುತ್ತೆ ಗೊತ್ತಾ?: ಸಂಶೋಧನೆಗಳು ಹೇಳಿದ್ದೇನು? - Can Pregnant Women Eat Guava

ನಿಮ್ಮ ಕೂದಲು ಉದರದಂತೆ ತಡೆಯಬೇಕೇ, ನೈಸರ್ಗಿಕ ತೈಲಗಳನ್ನೇ ಬಳಸಿ,: ದಪ್ಪ ಕೂದಲು, ಡ್ಯಾಂಡ್ರಫ್ ಮುಕ್ತ ಆಗೋದಂತೂ ಪಕ್ಕಾ! - WHICH BEST NATURAL OILS FOR HAIR

ಏನಿದು ಟ್ರೆಡ್​ಮಿಲ್​ ವಾಕಿಂಗ್​.. ಇದರಿಂದ ಆರೋಗ್ಯಕ್ಕೇನು ಲಾಭ: ತಜ್ಞರು ಹೇಳುವುದೇನು? - WHICH WALKING IS BEST

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.