Salaar VS Dunki: ಒಂದೇ ದಿನ ಶಾರುಖ್​​ - ಪ್ರಭಾಸ್ ಸಿನಿಮಾ ರಿಲೀಸ್​​; ಬಾಕ್ಸ್ ಆಫೀಸ್​ ಪೈಪೋಟಿ ಪಕ್ಕಾ!

Salaar VS Dunki: ಈ ಮೊದಲು ತಿಳಿಸಿದಂತೆ ಡಿಸೆಂಬರ್ 22 ರಂದು ಸಲಾರ್​ ಮತ್ತು ಡಂಕಿ ಸಿನಿಮಾಗಳು ತೆರೆಕಾಣಲಿವೆ.

ಬಾಲಿವುಡ್​​ ಕಿಂಗ್​​​ ಶಾರುಖ್ ಖಾನ್ ಹಾಗೂ ಪ್ಯಾನ್​ ಇಂಡಿಯಾ ಸ್ಟಾರ್ ಪ್ರಭಾಸ್ ಅವರ ಸಿನಿಮಾಗಳು ಡಿಸೆಂಬರ್​ ಕೊನೆಯಲ್ಲಿ ಬಿಡುಗಡೆ ಆಗಲು ಸಜ್ಜಾಗಿವೆ. ಬಹುನಿರೀಕ್ಷಿತ ಚಿತ್ರಗಳಾದ ಡಂಕಿ ಮತ್ತು ಸಲಾರ್​ ಸಿನಿಮಾ ಬಿಡುಗಡೆ ದಿನಾಂಕ ಘೋಷಣೆಯಾದಾಗಿನಿಂದಲೂ ಸಿನಿಪ್ರಿಯರು ಕುತೂಹಲ ವ್ಯಕ್ತಪಡಿಸುತ್ತಿದ್ದಾರೆ. ಅಧಿಕೃತ ಬಿಡುಗಡೆ ದಿನಾಂಕ ಘೋಷಣೆ ಆಗಿದ್ದರೂ ಇತ್ತೀಚೆಗೆ ಹಲವು ವದಂತಿ ಹಬ್ಬಿತ್ತು. ಎಸ್​ಆರ್​ಕೆ ಸಿನಿಮಾವನ್ನು ಮುಂದೂಡಲಾಗುವುದು ಎಂದು ಕೂಡ ಹೇಳಲಾಗಿತ್ತು. ಇದೀಗ ಡಂಕಿ ಮುಂದೂಡಿಕೆ ಆಗಲ್ಲ ಎಂದು ಎಸ್​ಆರ್​ಕೆ ಟೀಮ್​ ತಿಳಿಸಿದೆ. ಜನಪ್ರಿಯ ಸಿನಿಮಾ ವ್ಯವಹಾರ ತಜ್ಞ ತರಣ್​ ಆದರ್ಶ್ ಕೂಡ​​ ಸೋಷಿಯಲ್​ ಮೀಡಿಯಾದಲ್ಲಿ, ಡಂಕಿ ಸಿನಿಮಾ ಬಿಡುಗಡೆ ಮುಂದೂಡಿಕೆ ಆಗಲ್ಲ ಎಂದು ಬರೆದುಕೊಂಡಿದ್ದಾರೆ.

ಡಿಸೆಂಬರ್​ 22ರಂದು ಡಂಕಿ ಬಿಡುಗಡೆ: ಡಂಕಿ ರಿಲೀಸ್​ ಡೇಟ್ ಪೋಸ್ಟ್​​ಪೋನ್​ ಆಗಬಹುದು ಎಂದು ಹೇಳಲಾಗಿತ್ತು. ವದಂತಿಗಳ ನಡುವೆ, ಸಿನಿಮಾ 2023ರ ಕ್ರಿಸ್‌ಮಸ್‌ ಸಂದರ್ಭವೇ ಬಿಡುಗಡೆಯಾಗಲಿದೆ ಎಂಬುದೀಗ ದೃಢಪಟ್ಟಿದೆ. ಶಾರುಖ್ ಖಾನ್ ಅವರ ಟೀಮ್​ ಸೋಷಿಯಲ್​ ಮೀಡಿಯಾ ಪ್ಲಾಟ್​ಫಾರ್ಮ್ ಎಕ್ಸ್​​ನಲ್ಲಿ ಈ ಸುದ್ದಿಯನ್ನು ಖಚಿತಪಡಿಸಿದೆ. ಉದ್ಭವಿಸಿದ ಅಂತೆ ಕಂತೆಗಳಿಗೆ ಕೊನೆ ಹಾಡಿದೆ. ಶಾರುಖ್ ಖಾನ್​ ನಟನೆಯ ಮುಂದಿನ ಸಿನಿಮಾ ಈ ಮೊದಲೇ ತಿಳಿಸಿದಂತೆ ಡಿಸೆಂಬರ್​ 22ರಂದು ಬಿಡುಗಡೆ ಆಗಲಿದೆ.

ಬಾಕ್ಸ್ ಆಫೀಸ್ ಪೈಪೋಟಿ: ಡಿಸೆಂಬರ್ 22 ರಂದು ಭಾರತೀಯ ಚಿತ್ರರಂಗದ ಇಬ್ಬರು ಸೂಪರ್‌ ಸ್ಟಾರ್‌ಗಳ ಸಿನಿಮಾಗಳು ಒಟ್ಟಿಗೆ ತೆರೆಕಾಣಲಿವೆ. ದೊಡ್ಡ ಬಾಕ್ಸ್ ಆಫೀಸ್ ಪೈಪೋಟಿ ಏರ್ಪಡಲಿದೆ. ಶಾರುಖ್ ಖಾನ್ ನಟನೆಯ ಡಂಕಿ ಮತ್ತು ಪ್ರಭಾಸ್ ಅಭಿನಯದ ಸಲಾರ್ ಎರಡೂ ಕೂಡ ಈ ವರ್ಷದ ಕ್ರಿಸ್‌ಮಸ್‌ ಸಂದರ್ಭ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿವೆ. ಚಿತ್ರತಂಡ ಕೂಡ ಅಧಿಕೃತ ಬಿಡುಗಡೆ ದಿನಾಂಕ ಘೋಷಿಸಿತ್ತು. ಅದಾಗ್ಯೂ, ಡಂಕಿ ವಿಳಂಬವಾಗಬಹುದು ಎಂಬ ಸುದ್ದಿ ಹರಡಿತ್ತು. ಸಿನಿಮಾ ವಿಶ್ಲೇಷಕ ಮನೋಬಾಲಾ ವಿಜಯಬಾಲನ್ ಅವರ ಟ್ವೀಟ್ ಈ ಸುದ್ದಿಗೆ ಕಾರಣವಾಯಿತು. ಆದ್ರೀಗ ಡಂಕಿ ವಿಳಂಬ ಆಗಲ್ಲ ಎಂಬುದು ಖಚಿತವಾಗಿದೆ.

• Buzz: #SalaarVsDunki❌
  #ShahRukhKhan's #Dunki likely to get POSTPONED.… pic.twitter.com/xWbDqHhioj

  — Manobala Vijayabalan (@ManobalaV) October 12, 2023 " class="align-text-top noRightClick twitterSection" data="

  Buzz: #SalaarVsDunki❌
  #ShahRukhKhan's #Dunki likely to get POSTPONED.… pic.twitter.com/xWbDqHhioj

  — Manobala Vijayabalan (@ManobalaV) October 12, 2023

  ">

  Buzz: #SalaarVsDunki❌
  #ShahRukhKhan's #Dunki likely to get POSTPONED.… pic.twitter.com/xWbDqHhioj

  — Manobala Vijayabalan (@ManobalaV) October 12, 2023

ಇದನ್ನೂ ಓದಿ: ''ವಿಕಲತೆ ಮೆಟ್ಟಿ ನಿಂತು ಅದ್ಭುತ ಸಾಧನೆ ಮಾಡಿರುವ ನಿಮಗೆ ನಾವು ಚಿರಋಣಿ'': ಅಶ್ವಿನಿ ಪುನೀತ್ ರಾಜಕುಮಾರ್

ರಾಜ್‌ಕುಮಾರ್ ಹಿರಾನಿ ನಿರ್ದೇಶನದ ಸಿನಿಮಾ ಚಿತ್ರಮಂದಿರಗಳಿಗೆ ಬರೋದು ತಡವಾಗಲ್ಲ. ಈ ಹಿಂದೆ ತಿಳಿಸಿದಂತೆ ಡಿಸೆಂಬರ್ 22 ರಂದು ಥಿಯೇಟರ್‌ಗೆ ಬರಲಿದೆ. ಟ್ರೇಡ್ ಎಕ್ಸ್‌ಪರ್ಟ್ ತರಣ್ ಆದರ್ಶ್ ಕೂಡ ಇನ್‌ಸ್ಟಾಗ್ರಾಮ್‌ನಲ್ಲಿ ಈ ಸುದ್ದಿಯನ್ನು ಖಚಿತಪಡಿಸಿದ್ದಾರೆ. ರಾಜ್‌ಕುಮಾರ್ ಹಿರಾನಿ ಹಾಗೂ ಎಸ್​ಆರ್​ಕೆ ಕಾಂಬಿನೇಶನ್​ನ ಮೊದಲ ಸಿನಿಮಾ ಡಂಕಿ ಆಗಿದ್ದು, ಚಿತ್ರದಲ್ಲಿ ಬಹುಭಾಷಾ ನಟಿ ತಾಪ್ಸಿ ಪನ್ನು ಕೂಡ ಪ್ರಮುಖ ಪಾತ್ರ ವಹಿಸಿದ್ದಾರೆ.

ಇದನ್ನೂ ಓದಿ: Salaar vs Dunki: ಶಾರುಖ್​ ಸಿನಿಮಾ ಮುಂದೂಡಿಕೆ ಸಾಧ್ಯತೆ - ಕಾರಣ ಇಲ್ಲಿದೆ!