ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಜೊತೆ ಭಾರತೀಯ ಚಿತ್ರರಂಗದ ಸೂಪರ್ ಸ್ಟಾರ್ಗಳು ಕಾಣಿಸಿಕೊಂಡರು. ನಿನ್ನೆ, ಸೌತ್ ಸೂಪರ್ ಸ್ಟಾರ್ ರಾಮ್ ಚರಣ್ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಮಾಹಿ ಅವರನ್ನು ಭೇಟಿಯಾದ ಫೋಟೋಗಳನ್ನು ಹಂಚಿಕೊಂಡಿದ್ದರು. ಇದೀಗ ಬಾಲಿವುಡ್ ನಟ ರಣ್ವೀರ್ ಸಿಂಗ್ ಕೂಡಾ ಅಪರೂಪದ ಫೋಟೋಗಳನ್ನು ಶೇರ್ ಮಾಡಿದ್ದಾರೆ.
ಮಾಹಿ ಜೊತೆ ರಾಮ್ ಚರಣ್: ಆರ್ಆರ್ಆರ್ ಸಿನಿಮಾ ಮೂಲಕ ಜಗತ್ತಿನಾದ್ಯಂತ ಜನಪ್ರಿಯರಾಗಿರುವ ಟಾಲಿವುಡ್ ನಟ ರಾಮ್ ಚರಣ್ ನಿನ್ನೆ ಸಂಜೆ ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್ ಅಕೌಂಟ್ನಲ್ಲಿ ಮಹೇಂದ್ರ ಸಿಂಗ್ ಧೋನಿ ಜೊತೆಗಿರುವ ಫೋಟೋ ಪೋಸ್ಟ್ ಮಾಡಿಕೊಂಡಿದ್ದರು. 'ಭಾರತದ ಹೆಮ್ಮೆ ಮಹೇಂದ್ರ ಸಿಂಗ್ ಧೋನಿಯನ್ನು ಭೇಟಿಯಾಗಿದ್ದು ಬಹಳ ಸಂತಸವಾಗಿದೆ' ಎಂದು ಬರೆದುಕೊಂಡಿದ್ದಾರೆ.
ಅಭಿಮಾನಿಗಳಿಂದ ಪ್ರೀತಿಯ ಮಳೆ: ರಾಮ್ ಚರಣ್ ಶೇರ್ ಮಾಡಿದ ಫೋಟೋ ಕೆಲವೇ ಕ್ಷಣಗಳಲ್ಲಿ ವೈರಲ್ ಆಗಿದೆ. ಇಬ್ಬರು ಸಾಧಕರ ಅಭಿಮಾನಿಗಳು ಫೋಟೋಗೆ ಮೆಚ್ಚುಗೆ ವ್ಯಕ್ತಪಡಿಸಿ, ಅಭಿಪ್ರಾಯ ಹಂಚಿಕೊಂಡರು. ಸೋಷಿಯಲ್ ಮೀಡಿಯಾ ಬಳಕೆದಾರರೋರ್ವರು, ''ಒಂದೇ ಫ್ರೇಮ್ನಲ್ಲಿ ಇಬ್ಬರು ದೇವರು'' ಎಂದು ಕಾಮೆಂಟ್ ಮಾಡಿದ್ದಾರೆ. ಮತ್ತೋರ್ವ ಅಭಿಮಾನಿ, ''ಎರಡು ಸಿಂಹಗಳು ಭೇಟಿಯಾದ ಕ್ಷಣ'' ಎಂದಿದ್ದಾರೆ. ''ಒಂದೇ ಫ್ರೇಮ್ನಲ್ಲಿ ಇಬ್ಬರು ಲೆಜೆಂಡ್ಸ್'' ಎಂದು ಮತ್ತೋರ್ವರು ಮೆಚ್ಚಿಕೊಂಡಿದ್ದಾರೆ. ಮಾಹಿ, ರಾಮ್ ಇಬ್ಬರೂ ಕೂಡ ದೊಡ್ಡ ಸಂಖ್ಯೆಯ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ. ಇವರ ಫೋಟೋಗಳಿಗೆ ಅಭಿಮಾನಿಗಳು ಫೈಯರ್, ಹಾರ್ಟ್ ಎಮೋಜಿ ಮೂಲಕ ಪ್ರತಿಕ್ರಿಯಿಸುತ್ತಿದ್ದಾರೆ.
ಇದನ್ನೂ ಓದಿ: ಜಿಗ್ರಾ ಶೂಟಿಂಗ್ ಶುರು: ನಟನೆ ಜೊತೆ ನಿರ್ಮಾಣ, ಆಲಿಯಾ ಭಟ್ಗೆ ಶುಭ ಹಾರೈಸಿದ ಅಭಿಮಾನಿಗಳು
ಮಾಹಿ ಜೊತೆ ರಣ್ವೀರ್ ಸಿಂಗ್: ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ ಸಿನಿಮಾ ಯಶಸ್ಸಿನಲ್ಲಿರುವ ರಣ್ವೀರ್ ಸಿಂಗ್ ಕೂಡ ಧೋನಿ ಜೊತೆಗಿರುವ ಫೋಟೋ ಶೇರ್ ಮಾಡಿದ್ದಾರೆ. ಇಂದು ತಮ್ಮ ಅಧಿಕೃತ ಇನ್ಸ್ಟಾ ಅಕೌಂಟ್ನಲ್ಲಿ ಎರಡು ಫೋಟೋಗಳನ್ನು ಶೇರ್ ಮಾಡಿದ್ದು, ''ಮೇರಾ ಮಾಹಿ, ಹೀರೋ, ಐಕಾನ್, ಲೆಜೆಂಡ್, ಹಿರಿಯ ಸಹೋದರ'' ಎಂದೆಲ್ಲಾ ಕ್ಯಾಪ್ಷನ್ ಕೊಟ್ಟಿದ್ದಾರೆ. ಒಂದು ಫೋಟೋದಲ್ಲಿ ರಣ್ವೀರ್ ಸಿಂಗ್, ಮಾಹಿ ಹೆಗಲ ಮೇಲೆ ಕೈ ಹಾಕಿ ಮುತ್ತಿಕ್ಕಿರುವುದನ್ನು ನೋಡಬಹುದು. ಎರಡೂ ಫೋಟೋಗಳಲ್ಲಿ ಇಬ್ಬರ ಮೊಗದಲ್ಲೂ ಮಿಲಿಯನ್ ಡಾಲರ್ ಸ್ಮೈಲ್ ಕಾಣಸಿಗುತ್ತದೆ. ಕೆಲ ಕ್ಷಣಗಳ ಹಿಂದೆ ಶೇರ್ ಆಗಿರುವ ಈ ಫೋಟೋ ಸಹ ಸಾಕಷ್ಟು ಮೆಚ್ಚುಗೆ, ಪ್ರತಿಕ್ರಿಯೆ ಸ್ವೀಕರಿಸುತ್ತಿವೆ.
ಇದನ್ನೂ ಓದಿ: ಮುಂಬೈ ಸಿದ್ಧಿ ವಿನಾಯಕ ದೇಗುಲಕ್ಕೆ ಆರ್ಆರ್ಆರ್ ಸ್ಟಾರ್ ರಾಮ್ಚರಣ್ ಭೇಟಿಯ ಕ್ಷಣಗಳು Photos
ಮಹೇಂದ್ರ ಸಿಂಗ್ ಧೋನಿ ಹೊಸ ಹೇರ್ಸ್ಟೈಲ್ ಸಲುವಾಗಿ ಸುದ್ದಿಯಲ್ಲಿದ್ದಾರೆ. ಕ್ರಿಕೆಟಿಗ ಸ್ಟಾರ್ ಹೀರೋಗಳನ್ನೂ ಹಿಂದಿಕ್ಕಿದ್ದಾರೆ ಅಂತಿದ್ದಾರೆ ಅಭಿಮಾನಿಗಳು.
