ಲವ್ ರಂಜನ್ ನಿರ್ದೇಶನದ ಅವರ ತೂ ಜೂಟಿ ಮೇ ಮಕ್ಕರ್ ಸಿನಿಮಾದಲ್ಲಿ ಮೊದಲ ಬಾರಿಗೆ ರಣ್ಬೀರ್ ಕಪೂರ್ ಮತ್ತು ಶ್ರದ್ಧಾ ಕಪೂರ್ ತೆರೆ ಹಂಚಿಕೊಂಡಿದ್ದಾರೆ. ಸಿನಿಮಾ ಬಿಡುಗಡೆಯ ಸಮೀಪದಲ್ಲಿದ್ದು (ಮಾರ್ಚ್ 8), ಚಿತ್ರತಂಡ ಮತ್ತು ಚಿತ್ರದ ಪ್ರಮುಖ ಜೋಡಿ ತಮ್ಮ ಸಿನಿಮಾ ಪ್ರಚಾರದಲ್ಲಿ ನಿರತರಾಗಿದ್ದಾರೆ. ಆದರೆ ರಣ್ಬೀರ್ ಕಪೂರ್ ಮತ್ತು ಶ್ರದ್ಧಾ ಕಪೂರ್ ಹೆಚ್ಚಾಗಿ ಪ್ರತ್ಯೇಕವಾಗಿ ಚಿತ್ರದ ಪ್ರಚಾರ ಮಾಡುತ್ತಿದ್ದಾರೆ.
- " class="align-text-top noRightClick twitterSection" data="
">
ತೂ ಜೂಟಿ ಮೇ ಮಕ್ಕರ್ ಸಿನಿಮಾ ಪ್ರಚಾರದ ಸಮಯದಲ್ಲಿ ರಣ್ಬೀರ್ ಕಪೂರ್ ಮತ್ತು ಶ್ರದ್ಧಾ ಕಪೂರ್ ಹೆಚ್ಚಾಗಿ ಪ್ರತ್ಯೇಕವಾಗಿ ಕಾಣಿಸಿಕೊಂಡರು. ಈ ಬಗ್ಗೆ ಅಭಿಮಾನಿಗಳಲ್ಲಿ, ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆ ಆಯಿತು. ಶ್ರದ್ಧಾ ಅವರೊಂದಿಗಿನ ಚಿತ್ರದ ಪ್ರಚಾರದ ಬಗ್ಗೆ ರಣ್ಬೀರ್ ಕಪೂರ್ ಪತ್ನಿ, ನಟಿ ಆಲಿಯಾ ಭಟ್ ಹೆಚ್ಚು ಸಂತೋಷವಾಗಿಲ್ಲ, ರಣ್ಬೀರ್ ಕಪೂರ್ ಮತ್ತು ಶ್ರದ್ಧಾ ಕಪೂರ್ ಒಟ್ಟಾಗಿ ಸಿನಿಮಾ ಪ್ರಚಾರ ಮಾಡುವುದು ನಟಿ ಆಲಿಯಾ ಭಟ್ ಅವರಿಗೆ ಇಷ್ಟ ಇಲ್ಲ ಎಂದು ವದಂತಿಗಳು ಹರಡಿತ್ತು. ಈ ಬಗ್ಗೆ ನಟ ರಣ್ಬೀರ್ ಕಪೂರ್ ಅವರಲ್ಲಿ ಪ್ರಶ್ನಿಸಿದಾಗ, ಇವು ಕೇವಲ ಊಹಾಪೋಹಗಳು, ಆಧಾರರಹಿತ ಎಂದು ತಿಳಿಸಿದ್ದಾರೆ.
- " class="align-text-top noRightClick twitterSection" data="
">
ಆಲಿಯಾ ನನಗೆ ಅಂತಹ ಯಾವುದೇ ಸೂಚನೆಗಳನ್ನು ನೀಡಿಲ್ಲ. ವದಂತಿ, ವಿವಾದವನ್ನು ಸೃಷ್ಟಿಸಲು ಪ್ರಯತ್ನಿಸಲಾಗುತ್ತಿದೆ ಎಂದು ರಣ್ಬೀರ್ ಕಪೂರ್ ಹೇಳಿದರು. ಇನ್ನೂ ತಮ್ಮ ಪ್ರತ್ಯೇಕ ಪ್ರಚಾರದ ಕಾರಣವನ್ನು ಬಹಿರಂಗಪಡಿಸಿದ ರಣ್ಬೀರ್ ಕಪೂರ್, ಚಿತ್ರದ ಪ್ರಮುಖ ಜೋಡಿಯ ಬಗ್ಗೆ ಪ್ರೇಕ್ಷಕರಲ್ಲಿ ಇರುವ ಕುತೂಹಲ ಹಾಗೇ ಉಳಿದುಕೊಳ್ಳಲು ಈ ರೀತಿ ಪ್ರತ್ಯೇಕವಾಗಿ ಪ್ರಚಾರ ಮಾಡಲಾಗುತ್ತಿದೆ ಎಂದರು.
ಮತ್ತೊಂದು ಸಂದರ್ಶನದಲ್ಲಿ, ರಣ್ಬೀರ್ ಕಪೂರ್ ಅವರು ಕಾಶ್ಮೀರದಲ್ಲಿರುವ ತಮ್ಮ ಪತ್ನಿ ಆಲಿಯಾ ಭಟ್ ಮತ್ತು ಮಗಳು ರಾಹಾ ಅವರನ್ನು ಮಿಸ್ ಮಾಡಿಕೊಳ್ಳುತ್ತಿರುವುದಾಗಿ ತಿಳಿಸಿದ್ದಾರೆ. ಕರಣ್ ಜೋಹರ್ ಅವರ ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ ಸಿನಿಮಾದ ಕೊನೆ ಹಾಡಿನ ಶೂಟಿಂಗ್ ಸಲುವಾಗಿ ಆಲಿಯಾ ಭಟ್ ಕಾಶ್ಮೀರಕ್ಕೆ ತೆರಳಿದ್ದಾರೆ. ತಮ್ಮ 4 ತಿಂಗಳ ಮಗಳನ್ನು ಕಣಿವೆ ಪ್ರದೇಶಕ್ಕೆ ಕರೆದುಕೊಂಡು ಹೋಗಿದ್ದಾರೆ. ತೂ ಜೂಟಿ ಮೇ ಮಕ್ಕರ್ ಸಿನಿಮಾ ಪ್ರಚಾರದ ಸಮಯದಲ್ಲಿ ಪಿತೃತ್ವದ ಬಗ್ಗೆ ರಣ್ಬೀರ್ ಅವರಲ್ಲಿ ಪ್ರಶ್ನಿಸಿದಾಗ, ತನ್ನ ಮಗಳೊಂದಿಗೆ ಹೆಚ್ಚು ಸಮಯ ಕಳೆಯಲು ಎದುರು ನೋಡುತ್ತಿದ್ದೇನೆ ಎಂದು ತಿಳಿಸಿದ್ದಾರೆ.
- " class="align-text-top noRightClick twitterSection" data="
">
ಇದನ್ನೂ ಓದಿ: 'ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ' ಶೂಟಿಂಗ್ಗಾಗಿ ಕಾಶ್ಮೀರದಲ್ಲಿ ಕಾಣಿಸಿಕೊಂಡ ಆಲಿಯಾ ಭಟ್
ಕಳೆದ ಏಪ್ರಿಲ್ 14 ರಂದು ಬಾಲಿವುಡ್ ನಟ ರಣಬೀರ್ ಕಪೂರ್ ಜೊತೆ ನಟಿ ಆಲಿಯಾ ಭಟ್ ದಾಂಪತ್ಯ ಜೀವನಕ್ಕೆ ಕಾಲಿರಿಸಿದ್ದಾರೆ. ಬಳಿಕ ನವೆಂಬರ್ 6ರಂದು ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದರು. ಪುತ್ರಿಗೆ ರಾಹಾ ಎಂದು ಹೆಸರಿಟ್ಟಿದ್ದಾರೆ. ಕೆಲ ಸಮಯ ಆಲಿಯಾ ಭಟ್ ಮಗುವಿನ ಆರೈಕೆಯಲ್ಲಿ ಬ್ಯುಸಿಯಾಗಿ ಬಿಟ್ಟಿದ್ದರು. ಇದೀಗ ಮತ್ತೆ ತಮ್ಮ ಸಿನಿಮಾಗಳೆಡೆಗೆ ಗಮನ ಹರಿಸಿದ್ದಾರೆ. 'ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ' ಚಿತ್ರದ ರೊಮ್ಯಾಂಟಿಕ್ ಹಾಡು ಕಾಶ್ಮೀರದಲ್ಲಿ ನಡೆಯುತ್ತಿದ್ದು, ನಟಿ ಆಲಿಯಾ ಭಟ್ ಮತ್ತು ಮಗಳು ರಾಹಾ ಕಣಿವೆ ನಾಡಿನಲ್ಲಿ ತಂಗಿದ್ದಾರೆ.
ಇದನ್ನೂ ಓದಿ: ಸೈಫ್ ಮೊದಲ ಪತ್ನಿಯ ಮಗನಿಗೆ ಬರ್ತ್ಡೇ ವಿಶ್ ಮಾಡಿದ ನಟಿ ಕರೀನಾ ಕಪೂರ್
