ನಿರ್ದೇಶಕ ಮಣಿರತ್ನಂ ಆ್ಯಕ್ಷನ್ ಕಟ್ ಹೇಳಿರುವ ಪೊನ್ನಿಯಿನ್ ಸೆಲ್ವನ್ 1 ಸಿನಿಮಾ ಕಳೆದ ವರ್ಷ ಬಿಡುಗಡೆಯಾಗಿ ಅದ್ಭುತ ಯಶಸ್ಸು ಕಂಡಿತ್ತು. ಚಿತ್ರದ ಯಶಸ್ಸಿನ ಬೆನ್ನಲ್ಲೆ ಪೊನ್ನಿಯಿನ್ ಸೆಲ್ವನ್ 2 ಚಿತ್ರ ನಿರ್ಮಾಣ ಮಾಡುವ ಬಗ್ಗೆಯೂ ಹೇಳಿಕೊಂಡಿತ್ತು. ಚಿತ್ರದ ಸೀಕ್ವೆಲ್ ತಯಾರಾಗಿದ್ದು, ಸಿನಿಮಾ ಬಿಡುಗಡೆಯ ದಿನಾಂಕವೂ ಘೋಷಣೆಯಾಗಿದೆ. ಸಿನಿಮಾ ಏಪ್ರಿಲ್ 28 ರಂದು ದೇಶಾದ್ಯಂತ ತೆರೆಗೆ ಬರಲಿದೆ. ಬಿಡುಗಡೆ ಹಂತಕ್ಕೆ ತಲುಪಿರುವ ಖುಷಿಯಲ್ಲಿ ಚಿತ್ರತಂಡ ಇದೀಗ ಪೊನ್ನಿಯಿನ್ ಸೆಲ್ವನ್ ಚಿತ್ರೀಕರಣದ ತೆರೆಮರೆಯ ದೃಶ್ಯಗಳು ಹಾಗೂ ಸಿನಿಮಾದ ಕಥಾವಸ್ತುವಿನ ಬಗ್ಗೆ ಚಿತ್ರದ ನಟರು ಚರ್ಚಿಸುತ್ತಿರುವ ವಿಡಿಯೋವೊಂದನ್ನು ಯೂಟ್ಯೂಬ್ ಹಾಗೂ ಟ್ವಿಟರ್ನಲ್ಲಿ ಹಂಚಿಕೊಂಡಿದೆ.
- " class="align-text-top noRightClick twitterSection" data="">
ವಿಡಿಯೋದಲ್ಲಿ ಪೊನ್ನಿಯಿನ್ ಸೆಲ್ವನ್ 2ರ ದೃಶ್ಯಗಳ ಚಿತ್ರೀಕರಣ ಹಾಗೂ ಸಿನಿಮಾದ ಕಥಾವಸ್ತುವಿನ ಬಗ್ಗೆ ನಟರು ಚರ್ಚಿಸುತ್ತಿರುವುದನ್ನು ಕಾಣಬಹುದು. ಚಿತ್ರದ ಬಗ್ಗೆ ಮಾತನಾಡುತ್ತಿರುವ ನಟರು ಕೆಲವೊಂದು ಕುತೂಹಲ ಕೆಲರಳಿಸುವಂತಹ ವಿಷಯಗಳನ್ನು ಹೇಳಿ, ಸಿನಿಪ್ರೇಕ್ಷಕರಿಗೆ ಯೋಚನೆಗೆ ಹತ್ತಿಸಿದ್ದಾರೆ. ಮಣಿರತ್ನಂ ಅವರ ಬಹುನಿರೀಕ್ಷಿತ ಕ್ಲಾಸಿಕ್ ಸಿನಿಮಾ 'ಪೊನ್ನಿಯಿನ್ ಸೆಲ್ವನ್' ನಲ್ಲಿ ವಂತಿಯ ದೇವನ್ ಪಾತ್ರದಲ್ಲಿ ಅಭಿನಯಿಸುತ್ತಿರುವ ನಟ ಕಾರ್ತಿಕ್, 'ನೀವು ಹಿಂದೆಂದೂ ನೋಡಿರದ ವಿಷಯಗಳಿಗೆ ನೀವು ಸಾಕ್ಷಿಯಾಗುತ್ತೀರಿ' ಎನ್ನುವ ಮೂಲಕ ಹೋಸತೇನೋ ಇದೆ ಎನ್ನುವ ಹಿಂಟ್ ಕೊಟ್ಟಿದ್ದಾರೆ.
ಪೊನ್ನಿಯಿನ್ ಸೆಲ್ವನ್ 2 ರ ಕಥಾವಸ್ತುವಿನ ಬಗ್ಗೆ ಚರ್ಚಿಸುತ್ತಿರುವ ನಟ ಜಯಂ ರವಿ, 'ತಮ್ಮ ಪಾತ್ರ ಅಂದರೆ ಪೊನ್ನಿಯಿನ್ ಸೆಲ್ವನ್ ಸತ್ತಿರಬಹುದು' ಎಂದು ಹೇಳುವ ಮೂಲಕ ಪ್ರೇಕ್ಷಕರ ಕುತೂಹಲಕ್ಕೆ ಮತ್ತಷ್ಟು ತುಪ್ಪ ಸುರಿಯುವ ಕೆಲಸ ಮಾಡಿದ್ದಾರೆ. ಚಿತ್ರ ನಿರ್ಮಾಣ ಸಂಸ್ಥೆ ಲೈಕಾ ಪ್ರೊಡಕ್ಷನ್ಸ್ ತನ್ನ ಅಧಿಕೃತ ಯೂಟ್ಯೂಬ್ ಚಾನೆಲ್ನಲ್ಲಿ ವಿಡಿಯೋವನ್ನು ಹಂಚಿಕೊಂಡಿದೆ.
ಪೊನ್ನಿಯಿನ್ ಸೆಲ್ವನ್- 1ರ ಗ್ರ್ಯಾಂಡ್ ಸಕ್ಸಸ್ನ ನಂತರ ಚಿತ್ರತಂಡ ಸೀಕ್ವೆಲ್ನೊಂದಿಗೆ ಚಿತ್ರಪ್ರೇಕ್ಷಕರನ್ನು ರಂಜಿಸಲು ಬರುತ್ತಿದ್ದಾರೆ. ಲೈಕಾ ಪ್ರೊಡಕ್ಷನ್ಸ್ ತಮ್ಮ ಟ್ವಿಟರ್ ಖಾತೆಯಲ್ಲಿ ಚಿತ್ರದ ಟ್ರೈಲರ್ ಬಿಡುಗಡೆ ಮಾಡಿ, ಚಿತ್ರ ಬಿಡುಗಡೆಯ ದಿನಾಂಕವನ್ನೂ ಘೋಷಿಸಿತ್ತು. ಸಿನಿಮಾದಲ್ಲಿ ವಿಕ್ರಮ್, ತೃಷಾ ಅವರ ಜೊತೆಗೆ ಜಯಂ ರವಿ, ಐಶ್ವರ್ಯ ರೈ ಬಚ್ಚನ್, ಕಾರ್ತಿಕ್ ಶಿವಕುಮಾರ್ ಮುಂತಾದವರು ಅಭಿನಯಿಸಿದ್ದಾರೆ. ಮಣಿರತ್ಮ ಅವರ ಸಾರಥ್ಯದಲ್ಲಿ ಮೂಡಿ ಬಂದಿರುವ ಈ ಸಿನಿಮಾಕ್ಕೆ ಸಂಗೀತ ಮಾಂತ್ರಿಕ ಎ ಆರ್ ರೆಹಮಾನ್ ಸಂಗೀತ ನಿರ್ದೇಶನ ಮಾಡಿದ್ದಾರೆ.
1950 ರ ದಶಕದಲ್ಲಿ ಸರಣಿಯಾಗಿ ಪ್ರಕಟವಾದ ಲೇಖಕ ಕಲ್ಕಿ ಕೃಷ್ಣಮೂರ್ತಿಯವರ ಅದೇ ಹೆಸರಿನ ತಮಿಳು ಕಾದಂಬರಿಯನ್ನು 'ಪೊನ್ನಿಯಿನ್ ಸೆಲ್ವನ್-ಭಾಗ 1' ರಲ್ಲಿ ಮಣಿರತ್ನಂ ಅವರು ದೊಡ್ಡ ಪರದೆಗೆ ತಂದಿದ್ದಾರೆ. ಮಣಿರತ್ಮಂ ಅವರದೇ ನಿರ್ದೇಶನದ 2010ರಲ್ಲಿ ಬಿಡುಗಡೆಯಾದ 'ರಾವಣ' ಸಿನಿಮಾದಲ್ಲಿ ವಿಕ್ರಮ್ ಹಾಗೂ ಐಶ್ವರ್ಯಾ ರೈ ಬಚ್ಚನ್ ಜೊತೆಯಾಗಿ ನಟಿಸಿದ್ದರು. ಅದಾದ ನಂತರ ಪೊನ್ನಿಯಿನ್ ಸೆಲ್ವನ್ ಸಿನಿಮಾದಲ್ಲಿ ಇಬ್ಬರೂ ಜೊತೆಯಾಗಿ ನಟಿಸಿದ್ದಾರೆ. ಚಿತ್ರಕ್ಕೆ ನಿರ್ದೇಶಕ ಮಣಿರತ್ನಂ, ಎ ಸುಬಾಸ್ಕರನ್ ಹಾಗೂ ಸುಹಾಸಿನಿ ಮಣಿರತ್ನಂ ಬಂಡವಾಳ ಹೂಡಿದ್ದಾರೆ.
ಇದನ್ನೂ ಓದಿ: ಸಾಗರದಾಚೆ ಭಾರತೀಯ ಸಿನಿಮಾ ಸದ್ದು: ಅಮೆರಿಕದ ಥಿಯೇಟರ್ನಲ್ಲಿಂದು ಆರ್ಆರ್ಆರ್ ಶೋ!
