'ಆರ್ಆರ್ಆರ್' ಸಿನಿಮಾ ಖ್ಯಾತಿಯ ರಾಮ್ಚರಣ್ ಅವರು ಬಾಲಿವುಡ್ ಸೂಪರ್ ಸ್ಟಾರ್ಗಳಾದ ಸಲ್ಮಾನ್ ಖಾನ್ ಮತ್ತು ವೆಂಕಟೇಶ್ ದಗ್ಗುಬಾಟಿ ಅವರೊಂದಿಗೆ ಸ್ಕ್ರೀನ್ ಶೇರ್ ಮಾಡಿಕೊಂಡಿದ್ದಾರೆ. ಫ್ಯಾಮಿಲಿ ಎಂಟರ್ಟೈನ್ಮೆಂಟ್ ಸಿನಿಮಾ 'ಕಿಸಿ ಕಾ ಬಾಯ್ ಕಿಸಿ ಕಿ ಜಾನ್' ಚಿತ್ರತಂಡ 'ಏಂಟಮ್ಮಾ' (Yentamma) ಹಾಡನ್ನು ಇಂದು ರಿಲೀಸ್ ಮಾಡಿದೆ. ಈ ಸಾಂಗ್ಗೆ ಸಲ್ಮಾನ್ ಮತ್ತು ವೆಂಕಟೇಶ್ ಜೊತೆ ರಾಮ್ ಚರಣ್ ಸ್ಟೆಪ್ ಹಾಕಿದ್ದಾರೆ.
ವಿಡಿಯೋವನ್ನು ಸ್ವತಃ ರಾಮ್ಚರಣ್ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಮೊದಲಿಗೆ ಸಲ್ಮಾನ್ ಖಾನ್ ಮತ್ತು ವೆಂಕಟೇಶ್ ದಗ್ಗುಬಾಟಿ ಅವರು ಏಂಟಮ್ಮಾ ಹಾಡಿಗೆ ಕುಣಿಯುತ್ತಿರುತ್ತಾರೆ. ಹಾಡು ಮುಗಿಯುವ ಹೊತ್ತಿಗೆ ರಾಮ್ಚರಣ್ ಎಂಟ್ರಿ ಕೊಡುತ್ತಾರೆ. ಬಳಿಕ ಮೂವರು ಜೊತೆಯಾಗಿ ಕುಣಿಯುತ್ತಾರೆ. ಎಲ್ಲಾ ಸ್ಟಾರ್ ನಟರು ಹಳದಿ ಬಣ್ಣದ ಶರ್ಟ್ ಮತ್ತು ವೈಟ್ ಲುಂಗಿ ಧರಿಸಿರುವುದನ್ನು ಕಾಣಬಹುದು. ಶಬ್ಬೀರ್ ಅಹ್ಮದ್ ಬರೆದಿರುವ ಈ ಹಾಡನ್ನು ವಿಶಾಲ್ ದಾದ್ಲಾನಿ ಮತ್ತು ಪಾಯಲ್ ದೇವ್ ಹಾಡಿದ್ದಾರೆ.
ರಾಮ್ಚರಣ್ ಇನ್ಸ್ಟಾಗ್ರಾಮ್ನಲ್ಲಿ ಈ ವಿಡಿಯೋವನ್ನು ಹಂಚಿಕೊಂಡು, "ನನ್ನ ಅತ್ಯಂತ ಅಮೂಲ್ಯವಾದ ಆನ್-ಸ್ಕ್ರೀನ್ ಕ್ಷಣಗಳಲ್ಲಿ ಒಂದಾಗಿದೆ. ಲವ್ ಯು ಬ್ರದರ್ಸ್. ಅದ್ಭುತ ಲೆಜೆಂಡ್ಸ್ ಜೊತೆ ಡ್ಯಾನ್ಸ್" ಎಂದು ಬರೆದುಕೊಂಡಿದ್ದಾರೆ. ನಟ ಅಪ್ಡೇಟ್ ನೀಡಿದ ಕೂಡಲೇ ನೆಟ್ಟಿಗರು ಬಗೆ ಬಗೆಯ ಬರಹಗಳಿಂದ ಕಮೆಂಟ್ ವಿಭಾಗವನ್ನು ತುಂಬಿದ್ದಾರೆ. "ನೀವು ಸಲ್ಮಾನ್ ಖಾನ್ ಜೊತೆ ಡ್ಯಾನ್ಸ್ ಮಾಡುವುದನ್ನು ನೋಡಲು ಖುಷಿಯಾಗುತ್ತದೆ" ಎಂದು ಅಭಿಮಾನಿಗಳು ಹೇಳಿದ್ದಾರೆ.
- " class="align-text-top noRightClick twitterSection" data="
">
ಇದನ್ನೂ ಓದಿ: ಅಮೆರಿಕನ್ ಮಾಡೆಲ್ ಗಿಗಿ ಹಡಿದ್ ಇನ್ಸ್ಟಾ ಸ್ಟೋರಿ ಡಿಲೀಟ್: ಮತ್ತೆ ವರುಣ್ ಧವನ್ ಟ್ರೋಲ್!
ಚಿತ್ರಕ್ಕೆ ಈ ಹಿಂದೆ ಕಭಿ ಈದ್ ಕಭಿ ದೀಪಾವಳಿ ಎಂದು ಟೈಟಲ್ ಇಡಲಾಗಿತ್ತು. ನಂತರ ಕಿಸಿ ಕಾ ಭಾಯ್ ಕಿಸಿ ಕಾ ಜಾನ್ ಬದಲಾವಣೆ ಮಾಡಲಾಯಿತು. ಈ ಚಿತ್ರದಲ್ಲಿ ಸಲ್ಮಾನ್ ಖಾನ್, ವೆಂಕಟೇಶ್ ದಗ್ಗುಬಾಟಿ ಜೊತೆಗೆ ಪೂಜಾ ಹೆಗ್ಡೆ ಕೂಡ ಇದ್ದಾರೆ. ಸಿನಿಮಾವನ್ನು ಸಲ್ಮಾನ್ ಅವರ ಚಲನಚಿತ್ರ ನಿರ್ಮಾಣ ಸಂಸ್ಥೆಯಾದ ಸಲ್ಮಾನ್ ಖಾನ್ ಫಿಲ್ಮ್ಸ್ ನಿರ್ಮಿಸಿದೆ. ಫರ್ಹಾದ್ ಸಾಮ್ಜಿ ಈ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಿದ್ದಾರೆ.
ಇನ್ನು ಸಲ್ಮಾನ್ ಖಾನ್ ಸಿನಿಮಾ ವಿಚಾರವಾಗಿ ನೋಡುವುದಾದರೆ, 'ಟೈಗರ್ 3' ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. 2012ರಲ್ಲಿ ಮೊದಲ ಭಾಗ ತೆರೆಕಂಡಿತ್ತು. ಕಬೀರ್ ಖಾನ್ ಆ್ಯಕ್ಷನ್ ಕಟ್ ಹೇಳಿದ್ದ 'ಏಕ್ ಥಾ ಟೈಗರ್' 2012ರಲ್ಲಿ ತೆರೆಕಂಡು ಹಿಟ್ ಆಗಿತ್ತು. ಅದರ ಮುಂದುವರಿದ ಭಾಗ ಟೈಗರ್ 2 ಅಲಿ ಅಬ್ಬಾಸ್ ಜಾಫರ್ ನಿರ್ದೇಶನದಲ್ಲಿ ಮೂಡಿ ಬಂದಿತ್ತು. ಈ ಟೈಗರ್ ಜಿಂದಾ ಹೈ ಸಿನಿಮಾ 2017ರಲ್ಲಿ ಬಿಡುಗಡೆ ಆಗಿತ್ತು. ಇದೀಗ 'ಟೈಗರ್ 3' ಬಿಡುಗಡೆ ಹೊಸ್ತಿಲಿನಲ್ಲಿದೆ.
ಇದನ್ನೂ ಓದಿ: ತಂದೆ ಶಾರುಖ್ ಖಾನ್ ಡ್ಯಾನ್ಸ್ ನೋಡಿ ಖುಷಿ ಪಟ್ಟ ಆರ್ಯನ್ ಖಾನ್; ವಿಡಿಯೋ ವೈರಲ್
ಇನ್ನು ನಟ ರಾಮ್ಚರಣ್ ಆರ್ಆರ್ಆರ್ ಸಿನಿಮಾ ಹಿಟ್ ನಂತರ ಗೇಮ್ ಚೇಂಜರ್ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಸಿನಿಮಾದ ಫಸ್ಟ್ ಲುಕ್ ರಾಮ್ಚರಣ್ ಹುಟ್ಟುಹಬ್ಬದಂದು ರಿಲೀಸ್ ಆಗಿದೆ. ಈ ಚಿತ್ರಕ್ಕೆ RC 15 ಎಂದು ತಾತ್ಕಾಲಿಕ ಶೀರ್ಷಿಕೆ ಇಡಲಾಗಿತ್ತು. ಇದರಲ್ಲಿ ನಟ ಐಎಎಸ್ ಅಧಿಕಾರಿ ಆಗಿ ಕಾಣಿಸಿಕೊಳ್ಳಲಿದ್ದಾರೆ. ಕಿಯಾರಾ ಅಡ್ವಾಣಿ ಚಿತ್ರದ ನಾಯಕಿ. ತೆಲುಗು, ತಮಿಳು, ಹಿಂದಿ ಭಾಷೆಗಳಲ್ಲಿ ಈ ಚಿತ್ರ ತೆರೆ ಕಾಣಲಿದೆ.
