DON 3. ಬಿಟೌನ್ಲ್ಲಿ ಡಾನ್ ಸದ್ದಾಗುತ್ತಿದೆ. ಆಗಸ್ಟ್ 8ರಂದು ಬಾಲಿವುಡ್ನ ಸೆನ್ಸೇಶನಲ್ ಸುದ್ದಿ ಅಂದ್ರೆ ಅದು 'ಡಾನ್ 3'. ನಟ, ನಿರ್ದೇಶಕ, ನಿರ್ಮಾಪಕ ಮತ್ತು ಬಹುಮುಖ ಪ್ರತಿಭೆ ಫರ್ಹಾನ್ ಅಖ್ತರ್ ಇಂದು 'ಡಾನ್ 3' ಸಿನಿಮಾ ಘೋಷಣೆ ಮಾಡಿದ್ದಾರೆ. ಈ ಚಿತ್ರಕ್ಕಾಗಿ ಅಭಿಮಾನಿಗಳು ಬಹಳ ಸಮಯದಿಂದ ಕಾದು ಕುಳಿತಿದ್ದರು. ಅಂತಿಮವಾಗಿ 'ಡಾನ್ 3' ಘೋಷಣೆಯಾಗಿದ್ದು, ಇದಕ್ಕೆ ಸಂಬಂಧಿಸಿದಂತೆ ಹಲವು ವಿಚಾರಗಳೀಗ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.
ಹೌದು, ಡಾನ್ 3 ಸಿನಿಪ್ರಿಯರ ಮೊಗದಲ್ಲಿ ಸಂತಸ ಮೂಡಿಸಿದೆ. ಆದ್ರೆ ಬಾಲಿವುಡ್ ಕಿಂಗ್ ಖಾನ್ ಅವ್ರ ಕಟ್ಟಾ ಅಭಿಮಾನಿಗಳ ಹೃದಯ ಛಿದ್ರಗೊಳಿಸಿದೆ. ಏಕೆಂದರೆ ಡಾನ್ 1 ಮತ್ತು ಡಾನ್ 2 ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದ ಎಸ್ಆರ್ಕೆ ಡಾನ್ 3ರ ಭಾಗವಾಗುತ್ತಿಲ್ಲ. ರಾಕಿ ಔರ್ ರಾಣಿ ಕಿ ಪ್ರೇಮ ಕಹಾನಿಯ ಯಶಸ್ಸಿನಲೆಯಲ್ಲಿ ತೇಲುತ್ತಿರುವ ರಣ್ವೀರ್ ಸಿಂಗ್ ಅವರನ್ನು ಬಾಲಿವುಡ್ನ ಮುಂದಿನ ಡಾನ್ ಆಗಿ ಸ್ವೀಕರಿಸಲಾಗಿದೆ.
ಮುಂದಿನ ಡಾನ್ ರಣ್ವೀರ್ ಸಿಂಗ್...: ನಿರ್ದೇಶಕ ಫರ್ಹಾನ್ ಅಖ್ತರ್ ಅವರು ಸಿನಿಮಾದಲ್ಲಿ ಅಭಿನಯಿಸುವ ನಟ ನಟಿಯರ ಬಗ್ಗೆ ಮಾಹಿತಿ ನೀಡಿಲ್ಲ. ಸದ್ಯ ಸಿನಿಮಾವನ್ನು ಘೋಷಿಸಿದ್ದಾರಷ್ಟೇ. ಆದ್ರೆ ಅವರ ಸೋಷಿಯಲ್ ಮಿಡಿಯಾ ಪೋಸ್ಟ್ ಪ್ರಕಾರ, ಸೂಪರ್ ಸ್ಟಾರ್ ಶಾರುಖ್ ಖಾನ್ ಡಾನ್ 3ರ ಭಾಗವಾಗುತ್ತಿಲ್ಲ ಎಂಬುದನ್ನು ಖಚಿತಪಡಿಸಿದೆ. ಇತ್ತ ನಟ ರಣ್ವೀರ್ ಸಿಂಗ್ ಅವರ ಕಾಸ್ಟಿಂಗ್ಗೂ ಅಂತಿಮ ಮುದ್ರೆ ಬಿದ್ದಿಲ್ಲ. ಆದ್ರೆ ಚಿತ್ರತಂಡದ ಮೂಲಗಳ ಪ್ರಕಾರ ನಟ ರಣ್ವೀರ್ ಸಿಂಗ್ ಅವರೇ ಮುಂದಿನ ಡಾನ್.
ಕಿಯಾರಾ ಅಡ್ವಾಣಿ ಎಂಟ್ರಿ: ರಣ್ವೀರ್ ಸಿಂಗ್ ಅವರೊಂದಿಗೆ ಬಾಲಿವುಡ್ ಬೆಡಗಿ ಕಿಯಾರಾ ಅಡ್ವಾಣಿ ನಟಿಸಲಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಮುನ್ನಲೆಗೆ ಬಂದಿರುವ ವಿಡಿಯೋವೊಂದು ಇದನ್ನು ಬಹುತೇಕ ಖಚಿತಪಡಿಸಿದೆ. ಚಿತ್ರಕ್ಕೆ ಬಂಡವಾಳ ಹೂಡಲಿರುವ ಎಕ್ಚೆಲ್ ಎಂಟರ್ಟೈನ್ಮೆಂಟ್ನ ಮಾಲೀಕ ರಿತೇಶ್ ಸಿಧ್ವಾನಿ ಅವರನ್ನು ನಟಿ ಭೇಟಿಯಾಗಿದ್ದಾರೆ. ನಿರ್ಮಾಪಕರ ಕಚೇರಿಯಲ್ಲಿ ಬಹಳ ಹೊತ್ತು ಚರ್ಚೆ ನಡೆದಿದೆ. ಬಳಿಕ ರಿತೇಶ್ ಅವರು ಕಿಯಾರಾರನ್ನು ಡ್ರಾಪ್ ಮಾಡಲು ಹೊರಗೆ ಬಂದರು. ಈ ವಿಡಿಯೋ ಆನ್ಲೈನ್ನಲ್ಲಿ ವೈರಲ್ ಆಗುತ್ತಿದ್ದು, ನಾಯಕ ನಟಿ ಬಹುತೇಕ ಇವರೇ ಎಂದು ನಂಬಲಾಗಿದೆ.
ಇದನ್ನೂ ಓದಿ: Jailer: ರಜನಿಕಾಂತ್ ಜೈಲರ್‌ ಸಿನಿಮಾ ನೋಡಲು ಖಾಸಗಿ ಕಂಪನಿಗಳ ಉದ್ಯೋಗಿಗಳಿಗೆ ರಜೆ!
ನಿರ್ಮಾಪಕ ರಿತೇಶ್ ಸಿಧ್ವಾನಿ ಕಚೇರಿ ಕಿಯಾರಾ ಬಳಿ ಕಂಪ್ಲೀಟ್ ವೈಟ್ ಡ್ರೆಸ್ ಧರಿಸಿ ಕಿಯಾರಾ ಕಾಣಿಸಿಕೊಂಡರು. ರಿತೇಶ್ ಅವರ ಕಚೇರಿಯೆದುರು ಕಿಯರಾರನ್ನು ನೋಡಿದ ನೆಟ್ಟಿಗರು, ಈ ಡಾನ್ 3 ಸಿನಿಮಾಗೆ ಅವರೇ ನಾಯಕ ನಟಿ ಎಂದು ಅಂದಾಜಿಸಿದ್ದಾರೆ. ಆ್ಯಕ್ಷನ್ ಥ್ರಿಲ್ಲರ್ ಸಿನಿಮಾ ಡಾನ್ 3 ಬಗ್ಗೆ ಫರ್ಹಾನ್ ಅಖ್ತರ್ ಯಾವುದೇ ಸುಳಿವು ಬಿಟ್ಟುಕೊಟ್ಟಿಲ್ಲ. 'ಡಾನ್ 3' ಅಷ್ಟೇ ಅಧಿಕೃತ ಘೋಷಣೆ ಆಗಿದ್ದು, ರಣ್ವೀರ್ ಸಿಂಗ್ ಮತ್ತು ಕಿಯಾರಾ ಅಡ್ವಾಣಿ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರಾ ಎಂಬುದನ್ನು ಕಾದು ನೋಡಬೇಕಿದೆ. 2025 ರಲ್ಲಿ ಸಿನಿಮಾ ಬಿಡುಗಡೆ ಮಾಡುವ ಯೋಜನೆಯಿದೆ.
ಇದನ್ನೂ ಓದಿ: ನಟಿ ಶೆರ್ಲಿನ್ ಚೋಪ್ರಾಗೆ ರಾಹುಲ್ ಗಾಂಧಿಯವರನ್ನು ಮದುವೆಯಾಗೋ ಆಸೆಯಂತೆ - ಕಂಡೀಶನ್ಸ್ ಅಪ್ಲೈ!
