ಬೆಂಗಳೂರ: ನಗರ ಅಥವಾ ಹಳ್ಳಿಗಳಲ್ಲಿ ಗಣೇಶನ ಹಬ್ಬ, ಕನ್ನಡ ರಾಜ್ಯೋತ್ಸವ ಸೇರಿದಂತೆ ಮದುವೆ ಸಮಾರಂಭಗಳಲ್ಲಿ ಆರ್ಕೆಸ್ಟ್ರಾ ಇರುವುದು ಸಾಮಾನ್ಯ ಸಂಗತಿಯಾಗಿದೆ. ಇದೀಗ ಆರ್ಕೆಸ್ಟ್ರಾ ಮೈಸೂರು ಎಂಬ ಹೆಸರಿನಲ್ಲಿ ಚಿತ್ರವೊಂದು ನಿರ್ಮಾಣವಾಗಿದ್ದು, ಚಿತ್ರಕ್ಕೆ ಡಾಲಿ ಧನಂಜಯ್ 8 ಹಾಡುಗಳನ್ನು ರಚನೆ ಮಾಡಿದ್ದಾರೆ. ನಟನೆ ಮಾತ್ರವಲ್ಲದೆ ಹಾಡು ರಚನೆಕಾರರಾಗಿದ್ದಾರೆ ಡಾಲಿ.
ಮೈಸೂರಿನಲ್ಲಿ ಆರ್ಕೆಸ್ಟ್ರಾ ತುಂಬ ಜನಪ್ರಿಯವಾದ ಕಾರಣ, ಈ ಸಿನಿಮಾವನ್ನು ನಿರ್ಮಾಣ ಮಾಡಲಾಗಿದ್ದು, ಆರ್ಕೆಸ್ಟ್ರಾ ಹಾಡುಗಾರನಾಗಬೇಕೆಂಬ ಆಸೆಹೊತ್ತ ಹುಡುಗನ ಕಥೆ ಸಿನಿಮಾದ ತಿರುಳು ಎಂದು ಚಿತ್ರತಂಡ ಹೇಳಿದೆ. ನಾಯಕ ನಟನಾಗಿ ಯುವ ನಟ ಪೂರ್ಣ, ಚಿತ್ರದಲ್ಲಿ ನಟಿಸಿದ್ದು, ನಾಯಕಿ ಪಾತ್ರದಲ್ಲಿ ರಾಜಲಕ್ಷ್ಮೀ ಸಾಥ್ ನೀಡಿದ್ದಾರೆ.
ವಿಶೇಷ ದಿನಗಳಾದ ಗಣೇಶ ಚತುರ್ಥಿ ಅಥವಾ ರಾಜ್ಯೋತ್ಸವ ದಿನದಂದು ಚಿತ್ರವನ್ನು ಬಿಡುಗಡೆಗೊಳಿಸಲಿದ್ದೇವೆ ಎಂದು ಕೆ.ಆರ್.ಜಿ ಸ್ಟುಡಿಯೋಸ್ನ ಸಿನಿಮಾ ವಿತರಕರಾದ ಕಾರ್ತಿಕ್ ಗೌಡ, ಯೋಗಿ.ಜಿ.ರಾಜ್ ಹೇಳಿದ್ದಾರೆ.
ಇದನ್ನೂ ಓದಿ: ಹಸಿರು ಮೊನೊಕಿನಿಯಲ್ಲಿ ಕಾಣಿಸಿಕೊಂಡ ಹೀನಾ ಖಾನ್; ನೆಟಿಜನ್ಸ್ ಫಿದಾ
