'ಫೈಟರ್​' ಶೂಟಿಂಗ್​ ಸೆಟ್​ನಿಂದ ದೀಪಿಕಾ ಪಡುಕೋಣೆ ಫೋಟೋ ವೈರಲ್​

2024ರ ಬಹುನಿರೀಕ್ಷಿತ 'ಫೈಟರ್​' ಚಿತ್ರದ ಶೂಟಿಂಗ್​ ಸೆಟ್​ನಿಂದ ನಟಿ ದೀಪಿಕಾ ಪಡುಕೋಣೆ ಫೋಟೋಗಳು ವೈರಲ್​ ಆಗುತ್ತಿದೆ.

ಬಾಲಿವುಡ್​ ಲೋಕದ ಬಹುಬೇಡಿಕೆಯ ನಟಿ ದೀಪಿಕಾ ಪಡುಕೋಣೆ. ಅವರ ಹೆಸರು ಕೇಳಿದರೆ ಸಾಕು, ಅಭಿಮಾನಿಗಳ ಹೃದಯ ಜುಮ್ಮೆನ್ನುತ್ತದೆ. ಸೂಪರ್​ಸ್ಟಾರ್​ ಶಾರುಖ್​ ಖಾನ್​ ನಟನೆಯ 'ಜವಾನ್​' ಚಿತ್ರದಲ್ಲಿ ತಮ್ಮ ಅದ್ಭುತ ನಟನೆಯಿಂದ ಮೋಡಿ ಮಾಡಿದ್ದ ತಾರೆ ಮತ್ತೊಮ್ಮೆ ದೊಡ್ಡ ಪರದೆಯ ಮೇಲೆ ಮಿಂಚಲು ಸಜ್ಜಾಗಿದ್ದಾರೆ. ಇವರು ಅತೀ ಶೀಘ್ರದಲ್ಲಿ ನಟ ಹೃತಿಕ್ ರೋಷನ್​ ಮತ್ತು ಅನಿಲ್​ ಕಪೂರ್​ ನಟನೆಯ ಫುಲ್​ ಆ್ಯಕ್ಷನ್​ ಸಿನಿಮಾ 'ಫೈಟರ್​'ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

• Deepika Padukone on the sets of #Fighter at Phi Beach, Italy 🇮🇹 🥰 pic.twitter.com/jywxzjK7LE

  — Team DP Malaysia (@TeamDeepikaMY_) September 28, 2023 " class="align-text-top noRightClick twitterSection" data="

  Deepika Padukone on the sets of #Fighter at Phi Beach, Italy 🇮🇹 🥰 pic.twitter.com/jywxzjK7LE

  — Team DP Malaysia (@TeamDeepikaMY_) September 28, 2023

  ">

  Deepika Padukone on the sets of #Fighter at Phi Beach, Italy 🇮🇹 🥰 pic.twitter.com/jywxzjK7LE

  — Team DP Malaysia (@TeamDeepikaMY_) September 28, 2023

ಈ ಮಧ್ಯೆ ಚಿತ್ರದ ಶೂಟಿಂಗ್​ನಿಂದ ನಟಿಯ ಫೋಟೋಗಳು ವೈರಲ್​ ಆಗುತ್ತಿದೆ. ಫೈಟರ್​ ಚಿತ್ರೀಕರಣ ಸದ್ಯ ಇಟಲಿಯಲ್ಲಿ ನಡೆಯುತ್ತಿದೆ. ಇಟಲಿಯ ಫೀ ಬೀಚ್​ನ ಸಿಇಒ ಮತ್ತು ಸಂಸ್ಥಾಪಕರೊಂದಿಗೆ ದೀಪಿಕಾ ಪಡುಕೋಣೆ ತೆಗೆದ ಸೆಲ್ಫಿ ಸೋಷಿಯಲ್​ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದೆ. ಫುಲ್​ ಆ್ಯ ಕ್ಷನ್​ ಚಿತ್ರದಲ್ಲಿ ದೀಪಿಕಾ ವಿಭಿನ್ನ ಲುಕ್​ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇಟಲಿಯಲ್ಲಿ ಫೈಟರ್​ ಹಾಡಿನ ಚಿತ್ರೀಕರಣದಿಂದ ಫೋಟೋ ವೈರಲ್​ ಆಗಿದೆ.

ಮೋಷನ್​ ಪೋಸ್ಟರ್​ ಅನಾವರಣ: ಈ ವರ್ಷ ಸ್ವಾತಂತ್ರ್ಯೋತ್ಸವದಂದು 'ಫೈಟರ್'​ ಮೋಷನ್​ ಪೋಸ್ಟರ್​ ಅನ್ನು ಬಿಡುಗಡೆ ಮಾಡಲಾಗಿತ್ತು. ಸೋಷಿಯಲ್​ ಮೀಡಿಯಾದಲ್ಲಿ ಪೋಸ್ಟರ್​ ಹಂಚಿಕೊಂಡಿದ್ದ ಹೃತಿಕ್​ ರೋಷನ್​, "ಸ್ಪಿರಿಟ್​ ಆಫ್​ ಫೈಟರ್, ವಂದೇ ಮಾತರಂ, ಮುಂದಿನ ಗಣರಾಜ್ಯೋತ್ಸವ ಸಂದರ್ಭ ನಿಮ್ಮನ್ನು ಚಿತ್ರಮಂದಿರದಲ್ಲಿ ಭೇಟಿಯಾಗುತ್ತೇನೆ. 2024 ರ ಜನವರಿ 15 ರಂದು ವಿಶ್ವಾದ್ಯಂತ ಚಿತ್ರಮಂದಿರಗಳಲ್ಲಿ ಫೈಟರ್​ ಸಿನಿಮಾ ತೆರೆಕಾಣಲಿದೆ'' ಎಂದು ಬರೆದುಕೊಂಡಿದ್ದರು.

ಇದನ್ನೂ ಓದಿ: ಫೈಟರ್​ ಚಿತ್ರತಂಡ ಸೇರಲು ವಿದೇಶಕ್ಕೆ ತೆರಳಿದ ದೀಪಿಕಾ: ಹೃತಿಕ್​ ಜೊತೆ ಇದೇ ಮೊದಲ ಬಾರಿ ತೆರೆ ಹಂಚಿಕೆ

ಜನವರಿ 25 ರಂದು ರಿಲೀಸ್​: ಫೈಟರ್' ಸಿನಿಮಾ ಭಾರತದ ಮೊದಲ ವೈಮಾನಿಕ ಸಾಹಸಮಯ ಪ್ರೊಜೆಕ್ಟ್​ ಎಂದು ಹೇಳಲಾಗಿದ್ದು, ಬಾಲಿವುಡ್​ ಸ್ಟಾರ್ ಡೈರೆಕ್ಟರ್​ ಸಿದ್ಧಾರ್ಥ್ ಆನಂದ್​ ಆ್ಯಕ್ಷನ್​ ಕಟ್​ ಹೇಳುತ್ತಿದ್ದಾರೆ. ಸ್ಟೈಲಿಶ್​ ಐಕಾನ್​ ಹೃತಿಕ್​ ರೋಷನ್​ ಮತ್ತು ಪಠಾಣ್​ ಪ್ರತಿಭೆ ದೀಪಿಕಾ ಪಡುಕೋಣೆ ಪ್ರಮುಖ ಪಾತ್ರಗಳನ್ನು ಹಂಚಿಕೊಂಡಿದ್ದಾರೆ. 2024ರ ಜನವರಿ 25 ರಂದು ಸಿನಿಮಾ ಬಿಡುಗಡೆಗೊಳಿಸಲು ಚಿತ್ರತಂಡ ತಯಾರಿ ನಡೆಸಿದೆ. ಸದ್ಯ ಶೂಟಿಂಗ್​ ಭರದಿಂದ ಸಾಗುತ್ತಿದೆ.

ವಯಾಕಾಂ 18 ಸ್ಟುಡಿಯೋಸ್, ಮಾರ್​ಫ್ಲಿಕ್ಸ್ ಪಿಕ್ಚರ್ಸ್ 'ಫೈಟರ್​' ಚಿತ್ರ ನಿರ್ಮಾಣದ ಹೊಣೆ ಹೊತ್ತಿದೆ. ಫೈಟರ್ ಸಿನಿಮಾ ಭಾರತೀಯ ಶಸಸ್ತ್ರ ಪಡೆಗಳ ಶೌರ್ಯ, ತ್ಯಾಗ ಮತ್ತು ಧೇಶಭಕ್ತಿಗೆ ಸೂಚಿಸುವ ಗೌರವ ಎಂದು ಚಿತ್ರತಂಡ ಹೇಳಿಕೊಂಡಿದೆ. ಬ್ಯಾಂಗ್​ ಬ್ಯಾಂಗ್​ ಸಿನಿಮಾ ನಂತರ ಹೃತಿಕ್​ ರೋಷನ್​ ಮತ್ತು ಸಿದ್ಧಾರ್ಥ್ ಆನಂದ್​ ಕಾಂಬೋದಲ್ಲಿ ಬರುತ್ತಿರುವ ಎರಡನೇ ಚಿತ್ರ. ಈ ವರ್ಷಾರಂಭದಲ್ಲಿ ಧೂಳೆಬ್ಬಿಸಿದ್ದ ಪಠಾಣ್​ ನಂತರ ದೀಪಿಕಾ ಪಡುಕೋಣೆ ಮತ್ತು ಸಿದ್ಧಾರ್ಥ್ ಆನಂದ್​ ಕಾಂಬಿನೇಶನ್​ನಲ್ಲಿ ಬರುತ್ತಿರುವ 2ನೇ ಸಿನಿಮಾ ಇದಾಗಿದೆ.

ಇದನ್ನೂ ಓದಿ: 'ಜವಾನ್​​'ನಲ್ಲಿ ದೀಪಿಕಾ ಪಡುಕೋಣೆ ಪಾತ್ರಕ್ಕೆ ಹೆಚ್ಚು ಒತ್ತು; ಬಾಲಿವುಡ್‌ನಿಂದ ಮುನಿಸಿಕೊಂಡರೇ ನಯನತಾರಾ?