ರಶ್ಮಿಕಾ, ಕತ್ರಿನಾ ಆಯ್ತು; ಇದೀಗ ಬಾಲಿವುಡ್​ ನಟಿ ಕಾಜೋಲ್​ ಡೀಪ್​ಫೇಕ್​ ವಿಡಿಯೋ ವೈರಲ್​

author img

By ETV Bharat Karnataka Desk

Published : Nov 17, 2023, 4:34 PM IST

After Rashmika Mandanna and Katrina Kaif, now a deepfake video of Kajol goes viral

Kajol deep fake video viral: ಬಾಲಿವುಡ್​ ನಟಿ ಕಾಜೋಲ್​ ಒಳಗೊಂಡ ಡೀಪ್​ಫೇಕ್​ ವಿಡಿಯೋ ಸೋಷಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗುತ್ತಿದೆ.

ರಶ್ಮಿಕಾ ಮಂದಣ್ಣ, ಕತ್ರಿನಾ ಕೈಫ್​ ನಂತರ ಇದೀಗ ಬಾಲಿವುಡ್​ ನಟಿ ಕಾಜೋಲ್​ ಅವರ ಡೀಪ್​ಫೇಕ್​ ವಿಡಿಯೋ ಸೋಷಿಯಲ್​ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದೆ. ಕ್ಯಾಮರಾ ಮುಂದೆ ಬಟ್ಟೆ ಬದಲಾಯಿಸುತ್ತಿರುವ ಮಹಿಳೆಯೊಬ್ಬರ ಮುಖಕ್ಕೆ ಕಾಜೋಲ್​ ಅವರ ಮುಖವನ್ನು ಎಡಿಟ್​ ಮಾಡಲಾಗಿದೆ. ವೈರಲ್​ ಆಗಿರುವ ವಿಡಿಯೋವನ್ನು ಫ್ಯಾಕ್ಟ್​ ಚೆಕ್​ ಮಾಡಿಸಿದ್ದು, ಅಸಲಿ ಮಹಿಳೆಯನ್ನು ಬ್ರಿಟಿಷ್​ ಸೋಷಿಯಲ್​ ಮೀಡಿಯಾ ಪ್ರಭಾವಿ ರೋಸಿ ಬ್ರೀನ್​​ ಎಂದು ಗುರುತಿಸಲಾಗಿದೆ.

ರೋಸಿ ಬ್ರೀನ್​ ಅವರು 2023ರ ಜೂನ್​ 5ರಂದು 'ಗೆಟ್​ ರೆಡಿ ವಿತ್​ ಮಿ' (GRWM) ಟ್ರೆಂಡ್​ನ ಭಾಗವಾಗಿ ಟಿಕ್​ ಟಾಕ್​ನಲ್ಲಿ ತಮ್ಮ ವಿಡಿಯೋವನ್ನು ಹಂಚಿಕೊಂಡಿದ್ದರು. ಸದ್ಯ ಅದೇ ವಿಡಿಯೋಗೆ ಆರ್ಟಿಫಿಶಿಯಲ್​ ಇಂಟಲಿಜೆನ್ಸ್​ (ಎಐ) ಬಳಸಿ, ರೋಸಿಯ ಮುಖಕ್ಕೆ ಕಾಜೋಲ್​ ಅವರ ಮುಖವನ್ನು ಎಡಿಟ್​ ಮಾಡಲಾಗಿದೆ. ಖ್ಯಾತ ಬಾಲಿವುಡ್ ನಟಿ ಕ್ಯಾಮರಾ ಮುಂದೆ ಬಟ್ಟೆ ಬದಲಾಯಿಸುತ್ತಿರುವಂತೆ ಬಿಂಬಿಸಲಾದ ಈ ವಿಡಿಯೋ ಸೋಷಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗುತ್ತಿದ್ದು, ಅವರ ಬಗ್ಗೆ ಅಭಿಮಾನಿಗಳಿಗೆ ತಪ್ಪು ಕಲ್ಪನೆ ಮೂಡುವಂತೆ ಮಾಡಿದೆ.

ಇತ್ತೀಚೆಗೆ ವೈರಲ್​ ಆದ ರಶ್ಮಿಕಾ ಮಂದಣ್ಣ ಅವರ ಡೀಪ್​ಫೇಕ್ ವಿಡಿಯೋ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವಂತೆ ಬಾಲಿವುಡ್​ ಹಿರಿಯ ನಟ ಅಮಿತಾಭ್​ ಬಚ್ಚನ್​, ಕೀರ್ತಿ ಸುರೇಶ್​, ಮೃಣಾಲ್​ ಠಾಕೂರ್​, ಇಶಾನ್​ ಖಟ್ಟರ್​, ನಾಗ ಚೈತನ್ಯ ಸೇರಿದಂತೆ ಅನೇಕ ತಾರೆಯರು ಆಗ್ರಹಿಸಿದ್ದರು.​ ರಶ್ಮಿಕಾ ಅವರ ವದಂತಿ ಗೆಳೆಯ ವಿಜಯ್​ ದೇವರಕೊಂಡ ಕೂಡ ಈ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದರು. ಇದೀಗ ಕಾಜೋಲ್​ ಅವರ ವಿಡಿಯೋ ಕೂಡ ವೈರಲ್​ ಆಗುತ್ತಿದೆ.

ಇದನ್ನೂ ಓದಿ: ಡೀಪ್​​ಫೇಕ್ ಕಂಟೆಂಟ್​ ವಿರುದ್ಧ ಕ್ರಮ: ​ಸರ್ಕಾರಕ್ಕೆ ಕೃತಜ್ಞತೆ ಸಲ್ಲಿಸಿದ ರಶ್ಮಿಕಾ ಮಂದಣ್ಣ

ಈ ಮಧ್ಯೆ ಸುದ್ದಿ ಸಂಸ್ಥೆಯೊಂದು ವರದಿ ಮಾಡಿದಂತೆ ರಶ್ಮಿಕಾ ಮಂದಣ್ಣ ಅವರ ಡೀಪ್​ಫೇಕ್​ ವಿಡಿಯೋಗೆ ಸಂಬಂಧಿಸಿದಂತೆ ದೆಹಲಿ ಪೊಲೀಸರು ಬಿಹಾರದ 19 ವರ್ಷದ ಯುವಕನನ್ನು ವಿಚಾರಣೆ ನಡೆಸಿದ್ದಾರೆ. ಈತನೇ ವಿಡಿಯೋವನ್ನು ಸೋಷಿಯಲ್​ ಮೀಡಿಯಾದಲ್ಲಿ ಅಪ್​ಲೋಡ್​ ಮಾಡಿ ಶೇರ್​ ಮಾಡಿದ್ದಾನೆ ಎಂದು ಪೊಲೀಸರು ಶಂಕಿಸಿದ್ದಾರೆ.

ರಶ್ಮಿಕಾ ವೈರಲ್ ವಿಡಿಯೋದಲ್ಲೇನಿದೆ?: ಯುವತಿ ಒಬ್ಬರು ಲಿಫ್ಟ್​ನೊಳಗೆ ಬರುವ ದೃಶ್ಯ ಈ ವೈರಲ್​ ವಿಡಿಯೋದಲ್ಲಿದೆ. ಬ್ಲ್ಯಾಕ್​ ಹಾಟ್ ಡ್ರೆಸ್​ನಲ್ಲಿ ಆಕೆ ಕಾಣಿಸಿಕೊಂಡಿದ್ದಾರೆ. ಅಸಲಿಗೆ ಈ ವಿಡಿಯೋದಲ್ಲಿರುವವರು ಆಂಗ್ಲೋ ಇಂಡಿಯನ್​ ಯುವತಿ ಝರಾ ಪಟೇಲ್. ಕೃತಕ ಬುದ್ಧಿಮತ್ತೆ ಬಳಸಿ ರಶ್ಮಿಕಾ ಮಂದಣ್ಣರಂತೆ ಕಾಣುವಂತೆ ಮಾಡಿದ್ದರು. ಕಳೆದ ತಿಂಗಳು ವೈರಲ್​ ಹೊರಬಂತಾದರೂ ಇತ್ತೀಚೆಗೆ ಈ ಸುದ್ದಿ ಹೆಚ್ಚು ಮಹತ್ವ ಪಡೆದುಕೊಂಡಿತು. ರಶ್ಮಿಕಾ ಮಂದಣ್ಣ, ಯುವತಿ ಝರಾ ಪಟೇಲ್ ಸೇರಿದಂತೆ ಗಣ್ಯರು ಪ್ರತಿಕ್ರಿಯಿಸಿ ಸೂಕ್ತ ಕ್ರಮಕ್ಕೆ ಒತ್ತಾಯಿಸಿದ್ದರು.

ಇದನ್ನೂ ಓದಿ: ಡೀಪ್​ಫೇಕ್ ವಿವಾದ: ಸೋಷಿಯಲ್​ ಮೀಡಿಯಾ ಸಂಸ್ಥೆಗಳೊಂದಿಗೆ ಸಭೆ ನಡೆಸಲು ನಿರ್ಧರಿಸಿದ ಕೇಂದ್ರ ಸರ್ಕಾರ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.