'ಸಂಕುಚಿತತೆ, ಪುರುಷತ್ವ ವಿಚಾರವನ್ನು ಕಾಂತಾರ ವೈಭವೀಕರಿಸಿದೆ': ಬಾಲಿವುಡ್‌ ನಿರ್ಮಾಪಕ

ಕಾಂತಾರ ಸಿನಿಮಾ ಬಗ್ಗೆ ಬಾಲಿವುಡ್ ಸಿನಿಮಾ ನಿರ್ಮಾಪಕ ಆನಂದ್ ಗಾಂಧಿ ಮಾತನಾಡಿದ್ದಾರೆ.

ಇಡೀ ಭಾರತೀಯ ಚಿತ್ರರಂಗದಲ್ಲೇ ಸದ್ದು ಮಾಡಿದ ಸ್ಯಾಂಡಲ್​ವುಡ್​ನ 'ಕಾಂತಾರ' ಸಿನಿಮಾ ಬಿಡುಗಡೆ ಕಂಡು 60 ದಿನ ಕಳೆದಿದ್ದು ಉತ್ತಮ ಪ್ರದರ್ಶನ ಕಾಣುತ್ತಿದೆ. ಸಿನಿಪ್ರಿಯರು ಮಾತ್ರವಲ್ಲ, ಭಾರತೀಯ ಸ್ಟಾರ್ ನಟ ನಟಿಯರು ಕಾಂತಾರವನ್ನು ಹಾಡಿ ಹೊಗಳಿದ್ದಾರೆ. ​​ಸದ್ಯ ಒಟಿಟಿಯಲ್ಲೂ ಚಿತ್ರ ಲಭ್ಯವಿದೆ.

ಕೆಲ ದಿನಗಳ ಹಿಂದೆ ಆ ದಿನಗಳು ಖ್ಯಾತಿಯ ನಟ ಚೇತನ್​ ಕಾಂತಾರ ಸಿನಿಮಾದಲ್ಲಿ ಬರುವ ಭೂತ ಕೋಲ ಆಚರಣೆಯ ಬಗ್ಗೆ ಧ್ವನಿ ಎತ್ತಿ ವಿವಾದಕ್ಕೀಡಾಗಿದ್ದರು. ಇವರ ವಿರುದ್ಧ ಸಾಕಷ್ಟು ಅಸಮಾಧಾನ ಕೇಳಿಬಂದವು. ಇದೀಗ ಈ ಸಿನಿಮಾ ಬಗ್ಗೆ ಬಾಲಿವುಡ್ ನಿರ್ಮಾಪಕ ಆನಂದ್ ಗಾಂಧಿ ಮಾತನಾಡಿದ್ದಾರೆ. ಅವರು ನಿರ್ಮಿಸಿರುವ ತುಂಬಾಡ್ ಚಿತ್ರವನ್ನು ಹೊಗಳಿರುವ ಅವರು, 'ಕಾಂತಾರ' ಚಿತ್ರವನ್ನು ತೆಗಳಿದ್ದಾರೆ.

• Kantara is nothing like Tumbbad. My idea behind Tumbbad was to use the horror as an allegory of toxic masculinity and parochialism.
  Kantara is a celebration of these.

  — Anand Gandhi (@Memewala) December 3, 2022 " class="align-text-top noRightClick twitterSection" data="

  Kantara is nothing like Tumbbad. My idea behind Tumbbad was to use the horror as an allegory of toxic masculinity and parochialism.
  Kantara is a celebration of these.

  — Anand Gandhi (@Memewala) December 3, 2022

  ">

  Kantara is nothing like Tumbbad. My idea behind Tumbbad was to use the horror as an allegory of toxic masculinity and parochialism.
  Kantara is a celebration of these.

  — Anand Gandhi (@Memewala) December 3, 2022

2018ರಲ್ಲಿ ತುಂಬಾಡ್ ಸಿನಿಮಾ ತೆರೆಗೆ ಬಂದು ಸೂಪರ್ ಹಿಟ್ ಆಯಿತು. ವಿಮರ್ಶಕರಿಂದ ಮೆಚ್ಚುಗೆ ಸಹ ಗಳಿಸಿತ್ತು. ಅನೇಕರು ಕಾಂತಾರವನ್ನು ತುಂಬಾಡ್ ಚಿತ್ರಕ್ಕೆ ಹೋಲಿಕೆ ಮಾಡಿದ್ದರು. 'ತುಂಬಾಡ್​'ನ ಕ್ರಿಯೇಟಿವ್​ ಪ್ರೊಡ್ಯೂಸರ್ ಆದ ಆನಂದ್ ಗಾಂಧಿ ಕಾಂತಾರ ಬಗ್ಗೆ ಹೇಳಿಕೆ ನೀಡಿದ್ದಾರೆ.

ಇದನ್ನೂ ಓದಿ: ಕಾಂತಾರಕ್ಕೆ 'ವರಾಹ ರೂಪಂ' ಸೇರ್ಪಡೆ.. ಹಾಡು ಕೇಳಿ ಆನಂದಿಸಿ

ಆನಂದ್ ಗಾಂಧಿ ಟ್ವೀಟ್: ಕಾಂತಾರ ಚಿತ್ರ ತುಂಬಾಡ್ ​ಸಿನಿಮಾದಂತೆ ಇಲ್ಲ. ಸಂಕುಚಿತತೆ ಹಾಗೂ ಪುರುಷತ್ವ ಸಂಕೇತವನ್ನು ಖಂಡಿಸುವ ರೀತಿಯಲ್ಲಿ ತುಂಬಾಡ್ ಸಿನಿಮಾ ಇತ್ತು. ಆದರೆ, ಕಾಂತಾರ ಚಿತ್ರ ಅವುಗಳನ್ನು ವೈಭವೀಕರಿಸುವಂತಿದೆ ಎಂದು ಟ್ವೀಟ್ ಮಾಡಿದ್ದಾರೆ. ಅವರ ಈ ಟ್ವೀಟ್​ಗೆ ಸಿನಿಪ್ರಿಯರು, ವಿಶೇಷವಾಗಿ ಕಾಂತಾರ ಚಿತ್ರದ ಅಭಿಮಾನಿಗಳು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.