ಆದಿತ್ಯ ಅನನ್ಯಾ ಡೇಟಿಂಗ್ ವದಂತಿಗೆ ತುಪ್ಪ ಸುರಿದ ಫೋಟೋಗಳು

ಅನನ್ಯಾ ಪಾಂಡೆ ಮತ್ತು ಆದಿತ್ಯ ರಾಯ್ ಕಪೂರ್ ಡೇಟಿಂಗ್​ ವಿಚಾರವಾಗಿ ಸದ್ದು ಮಾಡುತ್ತಿದ್ದಾರೆ.

ಬಾಲಿವುಡ್ ನಟರಾದ ಅನನ್ಯಾ ಪಾಂಡೆ ಮತ್ತು ಆದಿತ್ಯ ರಾಯ್ ಕಪೂರ್ ಡೇಟಿಂಗ್​ ವದಂತಿಗಳಿಂದ ಸುದ್ದಿಯಲ್ಲಿದ್ದಾರೆ. 2022 ರಲ್ಲಿ ಆದಿಪುರುಷ್​ ನಟಿ ಕೃತಿ ಸನೋನ್ ಅವರು ಅಯೋಜಿಸಿದ್ದ ದೀಪಾವಳಿ ಕಾರ್ಯಕ್ರಮದಲ್ಲಿ ಆದಿತ್ಯ ಮತ್ತು ಅನನ್ಯಾ ಒಟ್ಟಿಗೆ ಕಾಣಿಸಿಕೊಂಡ ಹಿನ್ನೆಲೆ ಅಂದಿನಿಂದ ಡೇಟಿಂಗ್ ವದಂತಿಗಳು ಪ್ರಾರಂಭವಾಗಿವೆ.

ಆದಿತ್ಯ ಅನನ್ಯಾ ಡೇಟಿಂಗ್ ವದಂತಿ: ದಿವಾಲಿ ಪಾರ್ಟಿ ಅಲ್ಲದೇ ಅವರು ವಿವಿಧ ಸಂದರ್ಭಗಳಲ್ಲಿ ಅನೇಕ ಬಾರಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಆಗಾಗ್ಗೆ ಪ್ರೇಮ ಪಕ್ಷಿಗಳಂತೆ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿದ್ದು, ವದಂತಿಗಳಿಗೆ ಎಣ್ಣೆ ತುಪ್ಪ ಸುರಿದಂತಿದೆ. ಈ ರೂಮರ್​ ಲವ್​ ಬರ್ಡ್ಸ್​ ಇತ್ತೀಚೆಗೆ ಸ್ಪೇನ್‌ನಲ್ಲಿ ನಡೆದ ಈವೆಂಟ್​ ಒಂದರಲ್ಲಿ ಭಾಗವಹಿಸಿ ಮತ್ತೆ ಸುದ್ದಿಯಾಗಿದ್ದಾರೆ. ಸೋಷಿಯಲ್​ ಮೀಡಿಯಾದಲ್ಲಿ ಇವರ ಫೋಟೋಗಳು ವೈರಲ್​ ಆಗಿವೆ.

ಸ್ಪೇನ್‌ ಈವೆಂಟ್ ಎಂಜಾಯ್​ ಮಾಡಿದ ಪ್ರೇಮ ಪಕ್ಷಿಗಳು: ಬಾಲಿವುಡ್​ನ ಹಲವು ಸಿನಿಮಾಗಳಲ್ಲಿ ಕೆಲಸ ಮಾಡಿರುವ ಅನನ್ಯಾ ಪಾಂಡೆ ಮತ್ತು ಆದಿತ್ಯ ರಾಯ್ ಕಪೂರ್ ಮ್ಯೂಸಿಕಲ್​ ಈವೆಂಟ್​ನ (Arctic Monkeys concert) ಫೋಟೋ ಮತ್ತು ವಿಡಿಯೋಗಳನ್ನು ಹಂಚಿಕೊಂಡಿದ್ದಾರೆ. ಸ್ಪೇನ್‌ನಲ್ಲಿ ಸಂಗೀತ ಸಮಾರಂಭವನ್ನು ಆನಂದಿಸುತ್ತಿರುವ ವಿಡಿಯೋವನ್ನು ಅನನ್ಯಾ ಪಾಂಡೆ ತಮ್ಮ ಇನ್​ಸ್ಟಾ ಸ್ಟೋರಿನಲ್ಲಿ ಹಂಚಿಕೊಂಡಿದ್ದಾರೆ. ಹಾರ್ಟ್ ಎಮೋಜಿಯೊಂದಿಗೆ ನನ್ನ ಮೆಚ್ಚಿನ ಹಾಡು ಎಂದು ಬರೆದುಕೊಂಡಿದ್ದಾರೆ. ಮತ್ತೊಂದೆಡೆ, ಆದಿತ್ಯ ಅವರು ಈವೆಂಟ್​ನ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಕೋಲ್ಡ್​ ಬ್ಲ್ಯೂ ಫೇಸ್ ಎಮೋಜಿ ಮತ್ತು ಮಂಕಿ ಎಮೋಜಿಯನ್ನು ಹಾಕಿಕೊಂಡಿದ್ದಾರೆ.

ಆದಿತ್ಯ ರಾಯ್ ಕಪೂರ್ ಇನ್​ಸ್ಟಾ ಸ್ಟೋರಿ

ಅನನ್ಯಾ ಪಾಂಡೆ ಸಿನಿಮಾ: ಈ ನಟರ ಕೆಲದ ವಿಚಾರ ಗಮನಿಸುವುದಾದರೆ, ರಾಜ್ ಶಾಂಡಿಲ್ಯ ಅವರ ಡ್ರೀಮ್ ಗರ್ಲ್ 2 ನಲ್ಲಿ ಅನನ್ಯಾ ಪಾಂಡೆ ಕಾಣಿಸಿಕೊಳ್ಳಲಿದ್ದಾರೆ. ಇದರಲ್ಲಿ ಆಯುಷ್ಮಾನ್ ಖುರಾನಾ ಜೊತೆಗೆ ನಟಿಸಲಿದ್ದಾರೆ. ಡ್ರೀಮ್ ಗರ್ಲ್ 2 ಆಗಸ್ಟ್ 25 ರಂದು ಬಿಡುಗಡೆಗೊಳ್ಳಲು ತಯಾರಿ ನಡೆಸುತ್ತಿದೆ. ಇದರ ಜೊತೆಗೆ, ಫರ್ಹಾನ್ ಅಖ್ತರ್ ಅವರ ಖೋ ಗಯೇ ಹಮ್ ಕಹಾ ಚಿತ್ರದಲ್ಲಿಯೂ ಕಾಣಿಸಿಕೊಳ್ಳಲಿದ್ದಾರೆ. ಸಿದ್ಧಾಂತ್ ಚತುರ್ವೇದಿ ಜೊತೆಗೆ ನಟಿಸಲಿದ್ದಾರೆ. ವಿಕ್ರಮಾದಿತ್ಯ ಮೋಟ್ವಾನೆ ಅವರ ಮುಂಬರುವ ಹೆಸರಿಡದ ಚಲನಚಿತ್ರದಲ್ಲಿಯೂ ಕಾಣಿಸಿಕೊಳ್ಳಲಿದ್ದಾರೆ. ಕಾಲ್ ಮಿ ಬೇ ಎಂಬ ವೆಬ್ ಸಿರೀಸ್ ಕೂಡ ಇವರ ಕೈಯಲ್ಲಿದೆ.

ಇದನ್ನೂ ಓದಿ: Thalapathy Vijay: ಅಭಿಮಾನಿಗಳಿಂದ ಕಣ್ತಪ್ಪಿಸಲು ಹೋಗಿ ಟ್ರಾಫಿಕ್​ ರೂಲ್ಸ್​ ಬ್ರೇಕ್.. ದಳಪತಿ ವಿಜಯ್​ಗೆ ಬಿತ್ತು ದಂಡ

ಆದಿತ್ಯ ರಾಯ್ ಕಪೂರ್ ಸಿನಿಮಾ: ನಟ ಆದಿತ್ಯ ರಾಯ್ ಕಪೂರ್ ನಟನೆಯ ದಿ ನೈಟ್ ಮ್ಯಾನೇಜರ್ ಭಾಗ 2 ಇತ್ತೀಚೆಗೆ ತೆರೆಕಂಡಿದೆ. ಅನುರಾಗ್ ಬಸು ಅವರ ಮೆಟ್ರೋ ಇನ್ ದಿನೋದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಜರಾ ಹಟ್ಕೆ ಜರಾ ಬಚ್ಕೆ ಸೂಪರ್​ ಹಿಟ್​ ಚಿತ್ರದ ನಾಯಕ ನಟಿ ಸಾರಾ ಅಲಿ ಖಾನ್ ಅವರೊಂದಿಗೆ ನಟಿಸಲಿದ್ದಾರೆ. ಈ ಚಿತ್ರವು 2024ರ ಮಾರ್ಚ್ 29 ರಂದು ಬಿಡುಗಡೆಯಾಗಲಿದೆ.

ಇದನ್ನೂ ಓದಿ: ಮೊದಲ ದಿನವೇ 'ಜವಾನ್​​' ವೀಕ್ಷಿಸುತ್ತೇನೆ: ಶಾರುಖ್​​ ಗುಣಗಾನ ಮಾಡಿದ ಸಲ್ಮಾನ್​ ಖಾನ್