ಬೆಂಗಳೂರಲ್ಲಿ ಇಂದು ಒಂದೇ ದಿನ ಸಾವಿರ ಗಡಿ ದಾಟಿದ ಕೊರೊನಾ: 1,172 ಕೇಸ್​ ಪತ್ತೆ, 24 ಮಂದಿ ಬಲಿ

ಕೊರೊನಾ ಭೀಕರತೆಗೆ ರಾಜಧಾನಿ ತಲ್ಲಣಗೊಂಡಿದ್ದು, ಇಂದು ಮಹಾನಗರವನ್ನೇ ಬೆಚ್ಚಿಬೀಳಿಸುವಂತಿದೆ ಇಂದಿನ ಕೋವಿಡ್​ ಸೋಂಕಿತ ವರದಿ. ಒಂದೇ ದಿನ ಬರೋಬ್ಬರಿ 1,172 ಜನ ಸೋಂಕಿತರು ಪತ್ತೆಯಾಗುವ ಮೂಲಕ ಆತಂಕ ಸೃಷ್ಟಿಸಿದೆ.

ಬೆಂಗಳೂರು: ನಗರದಲ್ಲಿ ಇಂದು ಒಂದೇ ದಿನ 1,172 ಮಂದಿಯಲ್ಲಿ ಕೊರೊನಾ ಪಾಸಿಟಿವ್ ದೃಢಪಟ್ಟಿದೆ. ಸೋಂಕಿತರ ಸಂಖ್ಯೆ 8,345ಕ್ಕೆ ಏರಿಕೆಯಾಗಿದೆ.

ಅಲ್ಲದೆ ಇಂದು 195 ಮಂದಿ ಡಿಸ್ಚಾರ್ಜ್ ಆಗಿದ್ದು, ಒಟ್ಟು 965 ಮಂದಿ ಗುಣಮುಖರಾಗಿದ್ದಾರೆ. 7,250 ಸಕ್ರಿಯ ಪ್ರಕರಣಗಳಿದ್ದು, 129 ಮಂದಿ ಕೊರೊನಾಗೆ ಬಲಿಯಾಗಿದ್ದಾರೆ.

ಕೋವಿಡ್​​ಗೆ 24 ಮಂದಿ ಬಲಿ

ಅಪಾಯಕಾರಿ ಮಟ್ಟದಲ್ಲಿ ಹರಡುತ್ತಿರುವ ಕೊರೊನಾ ಜನರನ್ನು ಬಲಿ ತೆಗೆದುಕೊಳ್ಳುತ್ತಿದೆ. ಇಂದು 24 ಮಂದಿ ಮೃತಪಟ್ಟಿದ್ದಾರೆ. ಆದರೆ ಇದು ಇಂದು ಒಂದೇ ದಿನ ಮೃತಪಟ್ಟವರ ಮಾಹಿತಿ ಅಲ್ಲ. ಕಳೆದ ಜೂನ್ ಹಾಗೂ ಜುಲೈ ಆರಂಭದಿಂದ ಬಾಕಿ ಉಳಿದಿದ್ದ ಕೆಲವು ರಿಪೋರ್ಟ್ ಅಪ್​ಡೇಟ್​​ ವರದಿ ಎನ್ನಲಾಗಿದೆ.