ಜಿಂದಾಲ್​​ಗೆ ಕ್ರಿಕೆಟಿಗ ಕೆಎಲ್ ರಾಹುಲ್ ಭೇಟಿ, ವಿಡಿಯೋ ವೈರಲ್...

ಜಿಂದಾಲ್ ಸಂಸ್ಥೆಯ ಪಿಆರ್​ಓ ಈಟಿವಿ ಭಾರತದ ಪ್ರತಿನಿಧಿಯೊಂದಿಗೆ ದೂರವಾಣಿ ಮೂಲಕ ಮಾತನಾಡಿ, ಕೆ.ಎಲ್. ರಾಹುಲ್ ಅವರು ಜಿಂದಾಲ್ ಕಂಪನಿಯ ಜಾಹೀರಾತಿಗಾಗಿ ಆಗಮಿಸಿದ್ದಾರೆ. ಇನ್ನು ಎರಡು ಮೂರು ದಿನಗಳು ಇಲ್ಲಿಯೇ ಇರುತ್ತಾರೆ ಎಂದು ಮಾಹಿತಿ ನೀಡಿದರು.

ಬಳ್ಳಾರಿ: ಜಿಲ್ಲೆಯ ಸಂಡೂರು ತಾಲೂಕಿನ ಜೆಎಸ್​​ಡಬ್ಲ್ಯೂಗೆ ಕ್ರಿಕೆಟಿಗ ಕೆ.ಎಲ್. ರಾಹುಲ್ ಭೇಟಿ ನೀಡಿದ್ದಾರೆ.

ಜಿಂದಾಲ್ ಸಂಸ್ಥೆಯ ಪಿಆರ್​ಓ ಈಟಿವಿ ಭಾರತದ ಪ್ರತಿನಿಧಿಯೊಂದಿಗೆ ದೂರವಾಣಿ ಮೂಲಕ ಮಾತನಾಡಿ, ಕೆ.ಎಲ್. ರಾಹುಲ್ ಅವರು ಜಿಂದಾಲ್ ಕಂಪನಿಯ ಜಾಹೀರಾತಿಗಾಗಿ ಆಗಮಿಸಿದ್ದಾರೆ. ಇನ್ನೂ ಎರಡು ಮೂರು ದಿನ ಇಲ್ಲಿಯೇ ಇರುತ್ತಾರೆ. ಅವರೊಂದಿಗೆ ಜಾಹೀರಾತು ಮಾಡುವ ಇಬ್ಬರು ತಾಂತ್ರಿಕ ಸಿಬ್ಬಂದಿ ಮತ್ತು ಇಬ್ಬರು ಸೆಕ್ಯೂರಿಟಿ ಗಾರ್ಡ್​ಗಳು ಮಾತ್ರ ಇದ್ದಾರೆ.

ಕೋವಿಡ್ ಮುಂಜಾಗ್ರತೆಯಿಂದ ಸಾಮಾಜಿಕ ಅಂತರ, ಮಾಸ್ಕ್ ಧರಿಸಿಕೊಂಡು ಇದ್ದಾರೆ. ಸಾರ್ವಜನಿಕರೊಂದಿಗೆ ಯಾವುದೇ ಪೋಟೊ ಸಹ ತೆಗೆಸಿಕೊಳ್ಳುತ್ತಿಲ್ಲ, ಯಾರೂ ಜಿಂದಾಲ್​ಗೆ ಬರಬೇಡಿ ಎನ್ನುವ ಮಾಹಿತಿ ಸಹ ತಿಳಿಸಿದ್ದಾರೆ ಎಂದರು‌.

ಕೆ.ಎಲ್. ರಾಹುಲ್ ಜಿಂದಾಲ್ ವೀಕ್ಷಣೆ ಮಾಡಿದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.