ನವದೆಹಲಿ: ಸರಕು ಮತ್ತು ಸೇವಾ ತೆರಿಗೆಯಿಂದ (GST) ಸಂಗ್ರಹವಾಗುವ ಒಟ್ಟು ಆದಾಯವು ಮಾರ್ಚ್ ತಿಂಗಳಲ್ಲಿ ಸಾರ್ವಕಾಲಿಕ ಗರಿಷ್ಠ ಮಟ್ಟವನ್ನು ತಲುಪಿದೆ. ಈ ಬಾರಿ 1,42,095 ಕೋಟಿ ರೂ. ಆದಾಯ ಸಂಗ್ರಹವಾಗಿದೆ. ಇದು ಹಿಂದಿನ ದಾಖಲೆ ಮುರಿದಿದ್ದು, ಜನವರಿ 2022ರಲ್ಲಿ 1,40,986 ಕೋಟಿ ರೂ. ಸಂಗ್ರಹವಾಗಿತ್ತು ಎಂದು ಕೇಂದ್ರ ಹಣಕಾಸು ಸಚಿವಾಲಯ ಶುಕ್ರವಾರ ತಿಳಿಸಿದೆ.
ಮಾರ್ಚ್ 2022 ರಲ್ಲಿ ಒಟ್ಟು GST ಆದಾಯವು 1,42,095 ಕೋಟಿ ರೂ. ಆಗಿದೆ. ಇದರಲ್ಲಿ ಕೇಂದ್ರದ ಜಿಎಸ್ಟಿ 25,830 ಕೋಟಿ ರೂ., ರಾಜ್ಯದ ಜಿಎಸ್ಟಿ 32,378 ಕೋಟಿ ರೂ., ಇಂಟಿಗ್ರೇಟೆಡ್ ಜಿಎಸ್ಟಿ 74,470 ಕೋಟಿ ರೂ. ಮತ್ತು ಸೆಸ್ 9,417 ಕೋಟಿ ರೂ. ಎಂದು ಹಣಕಾಸು ಸಚಿವಾಲಯ ತಿಳಿಸಿದೆ.
ಇದನ್ನೂ ಓದಿ: ರಷ್ಯಾ- ಉಕ್ರೇನ್ ಯುದ್ಧದಿಂದ ಸೆಮಿಕಂಡಕ್ಟರ್ ಉದ್ಯಮಕ್ಕೆ ಹೊಡೆತ: ಕೇಂದ್ರ ಸರ್ಕಾರ
ಸರ್ಕಾರವು ಸಿಜಿಎಸ್ಟಿಗೆ 29,816 ಕೋಟಿ ರೂ. ಮತ್ತು ಎಸ್ಸಿ- ಎಸ್ಟಿಗೆ 25,032 ಕೋಟಿ ರೂ.ನನ್ನು ಐಜಿಎಸ್ಟಿಯಿಂದ ನೀಡಿದೆ. ಜೊತೆಗೆ ಮಾರ್ಚ್ನಲ್ಲಿ ಕೇಂದ್ರಾಡಳಿತ ಪ್ರದೇಶಗಳಿಗೆ ಮತ್ತು ರಾಜ್ಯಗಳಿಗೆ 50:50 ಅನುಪಾತದಲ್ಲಿ ಕೇಂದ್ರವು ರೂ. 20,000 ಕೋಟಿ ಐಜಿಎಸ್ಟಿಯನ್ನು ಇತ್ಯರ್ಥಪಡಿಸಿದೆ. ಮಾರ್ಚ್ 2022 ರಲ್ಲಿ ಕೇಂದ್ರ ಮತ್ತು ರಾಜ್ಯಗಳ ಒಟ್ಟು ಆದಾಯದಲ್ಲಿ CGST ಗಾಗಿ 65,646 ಕೋಟಿ ರೂ. ಮತ್ತು SGST ಗಾಗಿ 67,410 ಕೋಟಿ ರೂ.ನನ್ನು ನೀಡಿದೆ. ಅಷ್ಟೇ ಅಲ್ಲದೆ ಕೇಂದ್ರವು ಇದೇ ತಿಂಗಳಲ್ಲಿ ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳಿಗೆ 18,252 ಕೋಟಿ ರೂಪಾಯಿಗಳ ಜಿಎಸ್ಟಿ ಪರಿಹಾರವನ್ನು ಬಿಡುಗಡೆ ಮಾಡಿದೆ.
ಮಾರ್ಚ್ 2022 ರ ಆದಾಯವು ಕಳೆದ ವರ್ಷದ ಇದೇ ತಿಂಗಳ ಜಿಎಸ್ಟಿ ಆದಾಯಕ್ಕಿಂತ 15 ಪ್ರತಿಶತ ಹೆಚ್ಚಾಗಿದೆ. ಮಾರ್ಚ್ 2020 ರಲ್ಲಿನ ಜಿಎಸ್ಟಿ ಆದಾಯಕ್ಕಿಂತ 46 ಪ್ರತಿಶತ ಹೆಚ್ಚಾಗಿದೆ. ಈ ತಿಂಗಳ ಅವಧಿಯಲ್ಲಿ, ಸರಕುಗಳ ಆಮದು ಆದಾಯವು ಶೇ.25 ರಷ್ಟು ಹೆಚ್ಚಾಗಿದೆ ಮತ್ತು ದೇಶೀಯ ವಹಿವಾಟುಗಳಿಂದ ಕಳೆದ ವರ್ಷದ ಇದೇ ತಿಂಗಳಿನಲ್ಲಿ ಈ ಮೂಲಗಳಿಂದ ಬಂದ ಆದಾಯಕ್ಕಿಂತ ಶೇ.11 ಪ್ರತಿಶತದಷ್ಟು ಅಧಿಕವಾಗಿದೆ.
