ಮುಂಬೈ: ದೇಶದ ಷೇರುಪೇಟೆಯಲ್ಲಿ ಗೂಳಿ ಓಟ ಮುಂದುವರೆದಿದ್ದು, ದಿನದ ಆರಂಭದಲ್ಲಿ ಮುಂಬೈ ಷೇರು ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್‌ 294 ಅಂಕಗಳ ಏರಿಕೆಯೊಂದಿಗೆ 57,625ರಲ್ಲಿ ವಹಿವಾಟು ನಡೆಸುತ್ತಿದೆ. ರಾಷ್ಟ್ರೀಯ ಷೇರು ಸಂವೇದಿ ಸೂಚ್ಯಂಕ ನಿಫ್ಟಿ ಕೂಡ 87 ಅಂಕಗಳ ಜಿಗಿತದೊಂದಿಗೆ 17,164ರಲ್ಲಿದೆ.
ಹೆಚ್‌ಯುಎಲ್‌, ಅಲ್ಟ್ರಾಟೆಕ್‌ ಸಿಮೆಂಟ್‌, ಡಿಆರ್‌ಎಲ್‌ ಮತ್ತು ಟೈಟಾನ್‌ ಷೇರುಗಳು ಏರಿಕೆಯೊಂದಿಗೆ ಒಳ್ಳೆಯ ಲಾಭ ಗಳಿಸಿದವು. ಬಜಾಜ್‌ ಆಟೋ, ಏಷಿಯನ್‌ ಪೇಂಟ್ಸ್‌, ಟೆಕ್‌ ಮಹಿಂದ್ರಾ ಹಾಗೂ ಇನ್ಫೋಸಿಸ್‌ ಷೇರುಗಳು ನಷ್ಟ ಅನುಭವಿಸಿವೆ.
ಜಾಗತಿ ಮಾರುಕಟ್ಟೆಯಲ್ಲಿ ಜಪಾನ್‌ನ ನಿಕ್ಕಿ 0.1, ಟಾಪಿಕ್ಸ್‌ ಇಂಡೆಕ್ಸ್‌ 0.3, ದಕ್ಷಿಣ ಕೊರಿಯಾದ ಕೊಸ್ಪಿ 0.65 ರಷ್ಟು ಕುಸಿತ ಕಂಡಿವೆ. ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಡಾಲರ್‌ ಎದುರು ರೂಪಾಯಿ ಮೌಲ್ಯ 6 ಪೈಸೆ ವೃದ್ಧಿಸಿಕೊಂಡಿದೆ.
