ಬೈಕ್​, ಕಾರು, ಗೃಹ ಸಾಲಗಾರರಿಗೆ ನಾಳೆ ಸಿಗಲಿದೆ ಮತ್ತೊಂದು ಗುಡ್​ ನ್ಯೂಸ್​..!

ಭಾರತೀಯ ರಿಸರ್ವ್​ ಬ್ಯಾಂಕ್​ನ ವಿತ್ತೀಯ ನೀತಿ ಪರಾಮರ್ಶನ ಸಭೆ ಶುಕ್ರವಾರ ನಡೆಯಲಿದೆ. ಆರ್​ಬಿಐನ ಗವರ್ನರ್​ ಶಕ್ತಿಕಾಂತ್ ದಾಸ್​ ಅವರ ನೇತೃತ್ವದಲ್ಲಿ ನಡೆಯಲಿರುವ ಸಭೆಯಲ್ಲಿ ರೆಪೊ ದರದಲ್ಲಿ ಕಡಿತಗೊಳುವ ಸಾಧ್ಯತೆ ದಟ್ಟವಾಗಿದೆ. ಈಗಿನ ಶೇ ಶೇ 5.40ರವ ರೆಪೊ ದರದಲ್ಲಿ 25 ಬೇಸಿಸ್​ ಪಾಯಿಂಟ್​( ಮೂಲ ದರ) ಕಡಿತವಾಗುವುದೆಂದು ನಿರೀಕ್ಷಿಸಲಾಗಿದೆ. ಇದು ಕಾರ್ಯಸಾಧ್ಯವಾದರೇ ವಾಹನ, ಗೃಹ ಸಾಲದ ಮೇಲಿನ ಬಡ್ಡಿಯ ದರ ಇಳಿಕೆಯಾಗಲಿದೆ. ಜೊತೆಗೆ ಠೇವಣಿಗಳ ಬಡ್ಡಿದರ ಸಹ ತಗ್ಗಲಿದೆ.

ಮುಂಬೈ: ಆರೋಗ್ಯಕರವಾದ ಹಣಕಾಸು ಬೆಳವಣಿಗೆಯ ಮೇಲೆ ಬೀರುತ್ತಿರುವ ವ್ಯತಿರಿಕ್ತ ಪರಿಣಾಮಗಳನ್ನು ತಗ್ಗಿಸಲು, ಹಣದುಬ್ಬರದ ಏರಿಕೆ ಇಳಿಸಲು ಹಾಗೂ ಮಾರುಕಟ್ಟೆಯಲ್ಲಿ ಹಣದ ಹರಿವನ್ನು ಸರಾಗವಾಗಿಸಲು ಭಾರತೀಯ ರಿಸರ್ವ್ ಬ್ಯಾಂಕ್ ಈ ವರ್ಷದಲ್ಲಿ ಐದನೇ ಬಾರಿಗೆ ಬಡ್ಡಿ ದರವನ್ನು ಕಡಿತಗೊಳಿಸುವ ಸಾಧ್ಯತೆ ಇದೆ.

ಆರ್‌ಬಿಐ ತನ್ನ ಪ್ರಮುಖ ಸಾಲ ದರ ಅಥವಾ ರೆಪೊ ದರವನ್ನು 25 ಬೇಸಿಸ್ ಪಾಯಿಂಟ್​ಗಳಷ್ಟು ಕಡಿತಗೊಳಿಸಿ ಶೇ 5.15ಕ್ಕೆ ಇಳಿಸಲಿದೆ ಎಂದು ನಿರೀಕ್ಷಿಸಲಾಗುತ್ತಿದೆ. ಒಂದು ಕಡಿತ ಜಾರಿಯಾದರೇ ಈ ವರ್ಷದ ಇಲ್ಲಿಯವರೆಗೆ ಸಂಚಿತ ಕಡಿತ 135 ಬೇಸಿಸ್​ ಪಾಯಿಂಟ್​ಗಳು ಕಡಿತವಾದಂತೆ ಆಗಲಿದೆ. ಇದರಿಂದ ಬ್ಯಾಂಕ್​ಗಳು ಪಡೆಯುವ ಸಾಲದ ಮೇಲಿನ ಬಡ್ಡಿದರ ಇಳಿಕೆ ಆಗಲಿದ್ದು, ಠೇವಣಿಗಳ ಮೇಲಿನ ಬಡ್ಡಿ ಸಹ ಕ್ಷೀಣಿಸಲಿದೆ.

ಇಂದು ನಡೆಯಲಿರುವ ಆರ್​ಬಿಐನ ಗವರ್ನರ್​ ಶಕ್ತಿಕಾಂತ್ ದಾಸ್​ ಅವರ ನೇತೃತ್ವದಲ್ಲಿ ನಡೆಯಲಿರುವ ವಿತ್ತೀಯ ನೀತಿ ಪರಾಮರ್ಶನಾ ಸಭೆಯಲ್ಲಿ ಈ ಬಗ್ಗೆ ಅಂತಿಮ ನಿರ್ಧಾರ ತೆಗೆದುಕೊಳ್ಳಲಿದ್ದಾರೆ. ಕಳೆದ ಆಗಸ್ಟ್​ ತಿಂಗಳಲ್ಲಿ ನಡೆದಿದ್ದ ಸಭೆಯಲ್ಲೂ 35 ಬೇಸಿಸ್ ಪಾಯಿಂಟ್​ಗಳನ್ನು ಕಡಿತಗೊಳಿಸಿ ಶೇ 5.40ಕ್ಕೆ ಇಳಿಸಲಾಗಿತ್ತು.