ಪಾಟ್ನಾ: ಬಿಎಸ್ಎಫ್ನ ಮಾಜಿ ಯೋಧ ತೇಜ್ ಬಹದ್ದೂರ್ ಯಾದವ್ ಇದೀಗ ಪ್ರಧಾನಿ ನರೇಂದ್ರ ಮೋದಿ ವಿರುದ್ಧ ಕಣಕ್ಕಿಳಿಯಲು ಸಜ್ಜಾಗಿದ್ದಾರೆ. ಸೇನೆಯಲ್ಲಿ ಕಳಪೆ ಆಹಾರ ನೀಡಲಾಗುತ್ತಿದೆ ಅಂತಾ ವಿಡಿಯೋ ಮಾಡಿ ಫೇಸ್ಬುಕ್ನಲ್ಲಿ ಹರಿಬಿಟ್ಟಿದ್ದ ಮಾಜಿ ಯೋಧ ಇದೀಗ ನಮೋ ವಿರುದ್ಧ ಸ್ಪರ್ಧೆಗಿಳಿದಿದ್ದಾರೆ.
ಈಗಾಗಲೇ ಈ ಕ್ಷೇತ್ರಕ್ಕಾಗಿ ಸಮಾಜವಾದಿ ಪಕ್ಷ ಶಾಲಿನಿ ಯಾದವ್ ಹೆಸರು ಫೈನಲ್ ಮಾಡಿತ್ತು. ಅವರು ನಾಮಪತ್ರ ಸಲ್ಲಿಕೆ ಕೂಡ ಮಾಡಿದ್ದರು. ಆದರೆ, ಇದೀಗ ತನ್ನ ಅಭ್ಯರ್ಥಿ ಬದಲಾವಣೆ ಮಾಡಿರುವ ಪಕ್ಷ, ಮಾಜಿ ಯೋಧನಿಗೆ ಟಿಕೆಟ್ ನೀಡಿ, ಪ್ರಧಾನಿ ಮೋದಿ ಕಟ್ಟಿ ಹಾಕುವ ರಣತಂತ್ರಕ್ಕೆ ಮುಂದಾಗಿದೆ.
ಹರಿಯಾಣದ ನಿವಾಸಿ ತೇಜ್ ಬಹದ್ದೂರ್ ಯಾದವ್, 2017ರಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ಯೋಧರಿಗೆ ನೀಡುವ ಕಳಪೆ ಆಹಾರದ ಬಗ್ಗೆ ಮಾಹಿತಿ ನೀಡುತ್ತಿದ್ದಂತೆ ಅವರನ್ನ ಸೇನೆಯಿಂದ ವಜಾಗೊಳಿಸಲಾಗಿತ್ತು. ಅದಾದ ಬಳಿಕ ವಾರಣಾಸಿ ಕ್ಷೇತ್ರದಿಂದ ಸ್ಫರ್ಧೆ ಮಾಡುವ ಇಂಗಿತವನ್ನು ತೇಜ್ ಬಹುದ್ದೂರ್ ವ್ಯಕ್ತಪಡಿಸಿದ್ದರು.
ಈಗಾಗಲೇ ಈ ಕ್ಷೇತ್ರದಿಂದ 2014ರಲ್ಲಿ ಗೆಲುವು ದಾಖಲು ಮಾಡಿದ್ದ ಪ್ರಧಾನಿ ಮೋದಿ, ಏಪ್ರಿಲ್ 26ರಂದು ನಾಮಪತ್ರ ಸಲ್ಲಿಕೆ ಮಾಡಿದ್ದಾರೆ. ಇದೀಗ ತೇಜ್ ಬಹುದ್ದೂರ್ ಯಾದವ್ ಇವರ ವಿರುದ್ಧ ಸ್ಪರ್ಧೆ ಮಾಡಿದ್ದಾರೆ.
