ಪ್ರಯಾಗ್ ರಾಜ್ (ಉತ್ತರ ಪ್ರದೇಶ): ಇಂದಿನ ದಿನದಲ್ಲಿ ಇಂಗ್ಲಿಷ್ ಕಲಿಕೆ ಅಗತ್ಯತೆ ಹೆಚ್ಚಾಗಿದೆ. ಆದರೆ, ಬಹುತೇಕ ಸರ್ಕಾರಿ ಶಾಲೆಯ ಶಿಕ್ಷಕರು ಉತ್ತಮ ಇಂಗ್ಲಿಷ್ ಮಾತನಾಡುವ ಸಾಮರ್ಥ್ಯ ಹೊಂದಿಲ್ಲ. ಈ ಘಟನೆಗಳು ಅನೇಕ ಬಾರಿ ಬಹಿರಂಗಗೊಂಡಿದ್ದು ಇದೆ. ಇದು ಮಕ್ಕಳ ಕಲಿಕೆ ಮಟ್ಟದಲ್ಲಿ ಕೂಡ ಪ್ರಭಾವ ಬೀರುತ್ತದೆ. ಇದನ್ನು ಮನಗಂಡಿರುವ ಉತ್ತರ ಪ್ರದೇಶ ಸರ್ಕಾರದ ಶಿಕ್ಷಣ ಇಲಾಖೆ ಈ ನಿಟ್ಟಿನಲ್ಲಿ ಹೊಸ ಹೆಜ್ಜೆ ಇಟ್ಟಿದೆ. ಇದರ ಅನುಸಾರ ಉತ್ತರ ಪ್ರದೇಶದಲ್ಲಿನ 7 ಸಾವಿರ ಸರ್ಕಾರಿ ಮತ್ತು ಅನುದಾನಿನ ಮಾಧ್ಯಮಿಕ ಶಾಲೆಯ 8,500 ಇಂಗ್ಲಿಷ್ ಶಿಕ್ಷಕರಿಗೆ ಸ್ಪೋಕನ್ ಇಂಗ್ಲಿಷ್ ತರಬೇತಿ ನೀಡಲು ಮುಂದಾಗಿದೆ.
ಇಂಗ್ಲಿಷ್ ಶಿಕ್ಷಕರಾಗಿದ್ದರೂ ಅವರ ಇಂಗ್ಲಿಷ್ ಮಾತನಾಡುವ ಸಾಮರ್ಥ್ಯ ಕಡಿಮೆ ಇರುವುದು ತಿಳಿದು ಬಂದಿದೆ. ಈ ಹಿನ್ನೆಲೆ ಪ್ರಯಾಗ್ ರಾಜ್ನ ಇಂಗ್ಲಿಷ್ ಭಾಷಾ ತರಬೇತಿ ಸಂಸ್ಥೆ (ಇಎಲ್ಟಿಐ) ಮತ್ತು ರಾಜ್ಯದ ಶಿಕ್ಷಣ ಸಚಿವಾಲಯ ದೀಕ್ಷಾ ಪೋರ್ಟಲ್ನಿಂದ 132 ಮಾಡ್ಯುಲಾ ಕೋರ್ಸ್ಗಳ ಮೂಲಕ ಶಿಕ್ಷಕರಿಗೆ ಸ್ಪೋಕನ್ ಇಂಗ್ಲಿಷ್ (ಇಂಗ್ಲಿಷ್ ಮಾತನಾಡುವ) ತರಬೇತಿ ನೀಡಲು ಇಲಾಖೆ ನಿರ್ಧರಿಸಿದೆ.
ಶಾಲಾ ಶಿಕ್ಷಣ ಇಲಾಖೆಯ ಪ್ರಧಾನ ನಿರ್ದೇಶಕ ವಿಜಯ್ ಕಿರಣ್ ಆನಂದ್ ಈ ಸಂಬಂಧ ಆದೇಶವನ್ನು ಜಾರಿ ಮಾಡಿದ್ದಾರೆ. ಆದೇಶದಲ್ಲಿ ಎಲ್ಲಾ ಜಂಟಿ ನಿರ್ದೇಶಕರು ಮತ್ತು ಶಾಲೆಗಳ ಜಿಲ್ಲಾ ಇನ್ಸ್ಪೆಕ್ಟರ್ (ಡಿಐಒಎಸ್)ಗಳು ಜೂನ್ 15ರಿಂದ ಆರಂಭವಾಗಲಿರುವ ಈ ತರಬೇತಿ ಕಾರ್ಯಕ್ರಮದ ನಿರ್ವಹಣೆ ಮಾಡಬೇಕು ಎಂದು ಸೂಚಿಸಲಾಗಿದೆ.
ತರಬೇತಿ ಕಡ್ಡಾಯ: ಇಎಲ್ಟಿಐ ಪ್ರಾಂಶುಪಾಲ ಸ್ಕಂದ ಶುಕ್ಲಾ ತಿಳಿಸುವಂತೆ, ಪ್ರತಿ ಮಾಡ್ಯುಲಾ 10 ನಿಮಿಷ ಇದ್ದು, ಕಡೆಗೆ ಅಸೆಸ್ಮೆಂಟ್ ಪರೀಕ್ಷೆ ಹೊಂದಿರುತ್ತದೆ. ಈ ಅಸೆಸ್ಮೆಂಟ್ ಪರೀಕ್ಷೆಯನ್ನು ಯಶಸ್ವಿಯಾಗಿ ನಿರ್ವಹಿಸಿದವರಿಗೆ ಮಾಡ್ಯುಲಾ ಪೂರ್ಣಗೊಳಿಸಿದವರು ಸರ್ಟಿಫಿಕೆಟ್ ಪಡೆಯುವ ಮೂಲಕ ಮುಂದಿನ ಹಂತಕ್ಕೆ ಹೋಗಬಹುದು ಎಂದಿದ್ದಾರೆ.
ಇದರ ಜೊತೆಗೆ ಇಂಗ್ಲಿಷ್ ಮಾತನಾಡಲು ಉತ್ತೇಜಿಸಲು ಮತ್ತಷ್ಟು ಪ್ರಯೋಗಿಕ ಚಟುವಟಿಕೆಗಳು ಇವೆ. ಈ ಕೋರ್ಸ್ಗಳಲ್ಲಿ ಫೋನೊಟಿಕ್ಸ್, ಇಂಗ್ಲಿಷ್ ಬೇಸಿಕ್ ಗ್ರಾಮರ್, ಸಿಂಟೆಕ್ಸ್ ಮತ್ತು ಸಾಮಾನ್ಯ ತಪ್ಪುಗಳ ಕುರಿತ ಶಿಕ್ಷಣ ನೀಡಲಾಗುವುದು. ಈ ಕೋರ್ಸ್ಗಳನ್ನು ಬ್ರಿಟಿಷ್ ಪ್ರೊನೊಸಿಯೆಷನ್ ಆಧಾರದ ಮೇಲೆ ಸಾಮಾನ್ಯ ಭಾರತೀಯ ಇಂಗ್ಲಿಷ್ ಮೇಲೆ ಅಭಿವೃದ್ಧಿ ಪಡಿಸಲಾಗಿದೆ.
ಈ ಕೋರ್ಸ್ ಎಲ್ಲಾ ಇಂಗ್ಲಿಷ್ ಶಿಕ್ಷಕರಿಗೆ ಕಡ್ಡಾಯವಾಗಿದ್ದು, ಪೋರ್ಟಲ್ನಲ್ಲಿ ನಾಲ್ಕು ತಿಂಗಳ ಕಾಲ ಲಭ್ಯವಾಗಲಿದೆ. ಈ ಹಿನ್ನೆಲೆ ತರಬೇತುದಾರರು ತಮ್ಮ ಇಂಗ್ಲಿಷ್ ಮಾತನಾಡುವ ಭಾಷೆ ಕೌಶಲ್ಯ ಹೆಚ್ಚಿಸಿಕೊಳ್ಳಲು ಎಷ್ಟು ಬಾರಿಯಾದರೂ ಈ ಕೋರ್ಸ್ಗಳನ್ನು ಪಡೆಯಬಹುದಾಗಿದೆ ಎಂದು ಪ್ರಧಾನ ಕಾರ್ಯದರ್ಶಿಗಳು ಪತ್ರದಲ್ಲಿ ತಿಳಿಸಿದ್ದಾರೆ.
ಇನ್ನು, ಶಿಕ್ಷಕರ ಈ ತರಬೇತಿ ಕಾರ್ಯಕ್ರಮದ ಕುರಿತು ಸ್ಥಿತಿಗತಿ ಮತ್ತು ಪ್ರತಿಯೊಬ್ಬ ಶಿಕ್ಷಕರು ಈ ಕೋರ್ಸ್ ಪೂರ್ಣಗೊಳಿಸಿದ್ದಾರೆ ಎಂಬುದನ್ನು ತಿಳಿಯಲು ಸಂಬಂಧಿತ ಅಧಿಕಾರಿಗಳು ಫೀಲ್ಡ್ ಆಫೀಸರ್ಗಳಿಗೆ ವರದಿ ಸಲ್ಲಿಕೆ ಮಾಡಬೇಕು ಎಂದು ಪ್ರಧಾನ ಕಾರ್ಯದರ್ಶಿಗಳು ಸೂಚಿಸಿದ್ದಾರೆ.
ಇದನ್ನೂ ಓದಿ: ಸಿಎಂ ಯೋಗಿ ಟ್ವಿಟರ್ ಖಾತೆಗೆ 2.5 ಕೋಟಿ ಫಾಲೋವರ್ಸ್: ಈ ಸಾಧನೆ ಮಾಡಿದ ಮೊದಲ ಸಿಎಂ!
