ಮೊಗಾ (ಪಂಜಾಬ್): 2022ರಲ್ಲಿ ನಡೆಯಲಿರುವ ಪಂಜಾಬ್ ವಿಧಾನಸಭಾ ಚುನಾವಣೆಯಲ್ಲಿ (Punjab Assembly polls -2022) ತನ್ನ ಸಹೋದರಿ ಮಾಳವಿಕಾ (Malvika) ಸ್ಪರ್ಧಿಸುವುದಾಗಿ ನಟ ಸೋನು ಸೂದ್ (Sonu Sood) ತಿಳಿಸಿದ್ದಾರೆ. ಆದರೆ ಯಾವ ಪಕ್ಷದಿಂದ ಕಣಕ್ಕಿಳಿಯುತ್ತಾರೆ ಎಂಬ ಬಗ್ಗೆ ಮಾಹಿತಿ ನೀಡಿಲ್ಲ.
ಪಂಜಾಬ್ನ ಮೊಗಾ ಜಿಲ್ಲೆಯಲ್ಲಿ ಮಾಧ್ಯಮಗೋಷ್ಠಿ ನಡೆಸಿ ಮಾತನಾಡಿದ ಸೋನು ಸೂದ್, ತನ್ನ ಸಹೋದರಿ ಮಾಳವಿಕಾ ಪಂಜಾಬ್ ಜನರ ಸೇವೆ ಸಲ್ಲಿಸುತ್ತಾರೆ. ಪಂಜಾಬ್ ಜನತೆಯ ವಿಶ್ವಾಸ ಗಳಿಸಲು ಶಕ್ತಿಮೀರಿ ಪ್ರಯತ್ನಿಸಲಾಗುವುದು. ಚುನಾವಣೆ ವೇಳೆ ಜನತೆಗೆ ನೀಡಿದ ಭರವಸೆಗಳನ್ನು ಈಡೇರಿಸಲಾಗುವುದು. ಸೂಕ್ತ ಸಮಯದಲ್ಲಿ ಪಕ್ಷದ ಹೆಸರನ್ನು ಬಹಿರಂಗಪಡಿಸಲಾಗುವುದು ಎಂದು ತಿಳಿಸಿದರು.
ಇದನ್ನೂ ಓದಿ: Punjab Vidhansabha Election 2022 : ಮೊದಲ ಲಿಸ್ಟ್ ರಿಲೀಸ್ ಮಾಡಿದ ಆಮ್ ಆದ್ಮಿ
ಹಾಗೆಯೇ ತಾವು ರಾಜಕೀಯ ಸೇರುವ ವಿಚಾರವನ್ನು ತಳ್ಳಿಹಾಕಿದ ಸೂದ್, ಯಾವುದೇ ವ್ಯಕ್ತಿ ಜನರಿಗೆ ಸೇವೆ ಸಲ್ಲಿಸಲು ರಾಜಕೀಯಕ್ಕೆ ಸೇರಬೇಕೆಂದೇನಿಲ್ಲ. ಆದರೆ, ರಾಜಕೀಯಕ್ಕೆ ಸೇರುವುದರಿಂದ ನೀವು ಸೇವೆ ಸಲ್ಲಿಸುವ ವಲಯವನ್ನು ವಿಸ್ತರಿಸಬಹುದು, ಹೆಚ್ಚು ಜನರನ್ನು ತಲುಪಬಹುದು ಎಂದು ಅಭಿಪ್ರಾಯಪಟ್ಟರು.
