ಮುಂಬೈ: ಹುಟ್ಟುಹಬ್ಬದ ಸಂಭ್ರಮದಲ್ಲಿರುವಾಗ ಒಂದು ಅಥವಾ ಎರಡು ಕೇಕ್ ಕತ್ತರಿಸುವುದು ಸರ್ವೆ ಸಾಮಾನ್ಯ. ಆದರೆ, ಇಲ್ಲೊಬ್ಬ ಭೂಪ ದಾಖಲೆಯ 550 ಕೇಕ್ ಕತ್ತರಿಸಿದ್ದಾನೆ. ಇದರ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗ್ತಿದೆ.
ಒಂದಲ್ಲ, ಎರಡಲ್ಲ ಬರೋಬ್ಬರಿ 550 ಕೇಕ್ ಕತ್ತರಿಸಿದ ಭೂಪ
ಸೂರ್ಯ ರಾತುರಿ ಎಂಬ ಯುವಕ 550 ಕೇಕ್ ಕತ್ತರಿಸಿದ್ದು, ಕೈಯಲ್ಲಿ ಎರಡು ಕೇಕ್ ಹಿಡಿದುಕೊಂಡು ಸುಮಾರು ಮೂರು ನಿಮಿಷಗಳ ಕಾಲ ಹುಟ್ಟುಹಬ್ಬದ ಕೇಕ್ ಕತ್ತರಿಸಿದ್ದಾನೆ. 550 ಕೇಕ್ಗಳನ್ನ ಒಟ್ಟು ಟೇಬಲ್ಗಳ ಮೇಲೆ ಇಡಲಾಗಿತ್ತು. ಈ ವೇಳೆ, ಅನೇಕ ಜನರು ಆತನ ಸುತ್ತಮುತ್ತಲೂ ನಿಂತಿದ್ದಾರೆ. ಈ ವೇಳೆ, ಕೋವಿಡ್ ಮಾರ್ಗಸೂಚಿ ಉಲ್ಲಂಘನೆ ಮಾಡಿದ್ದಕ್ಕಾಗಿ ಪ್ರಕರಣ ಸಹ ದಾಖಲಾಗಿದೆ.
ಇದನ್ನೂ ಓದಿರಿ: ಏಮ್ಸ್ ಆಸ್ಪತ್ರೆಗೆ ದಾಖಲಾದ ಮಾಜಿ ಪಿಎಂ ಮನಮೋಹನ್ ಸಿಂಗ್
ಇಷ್ಟೊಂದು ಕೇಕ್ ಕತ್ತರಿಸಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದಂತೆ ಸ್ಥಳೀಯರು ಪೊಲೀಸ್ ಠಾಣೆ ಹಾಗೂ ಮುಂಬೈ ಮುನ್ಸಿಪಲ್ ಕಾರ್ಪೋರೇಷನ್ನಲ್ಲಿ ದೂರು ದಾಖಲು ಮಾಡಿದ್ದಾರೆ.
