ಪುದುಚೇರಿ: ಎಳನೀರು ವ್ಯಾಪಾರದಲ್ಲಿ ತೊಡಗಿದ್ದ ಮಹಿಳೆಯೊಬ್ಬರ ಮೊಬೈಲ್ ಎತ್ತಿಕೊಂಡು ಹೋದ ಕೋತಿಯೊಂದು ಕರೆ ಬಂದಾಗ ಅದನ್ನು ಸ್ವೀಕರಿಸಿ ಕಿವಿಗೆ ಇಟ್ಟುಕೊಳ್ಳುವ ಮೂಲಕ ಜನರನ್ನು ಅಚ್ಚರಿಗೊಳಿಸಿದೆ. ಪುದುಚೇರಿ ಮಾರುಕಟ್ಟೆಯಲ್ಲಿ ಇಂತಹ ಘಟನೆ ನಡೆದಿದ್ದು, ಈ ದೃಶ್ಯಗಳನ್ನು ಸ್ಥಳೀಯರು ತಮ್ಮ ಮೊಬೈಲ್ಗಳಲ್ಲಿ ಸೆರೆಹಿಡಿದಿದ್ದಾರೆ.
ಮಹಿಳೆಯೊಬ್ಬರು ಎಂದಿನಂತೆ ಎಳನೀರು ವ್ಯಾಪಾರದಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡಿದ್ದರು. ಎಳನೀರು ಖರೀದಿಸಲು ಹೆಚ್ಚಿನ ಗ್ರಾಹಕರು ಸೇರಿದ್ದರು. ಇದರಿಂದ ಆ ಮಹಿಳೆ ವ್ಯಾಪಾರದಲ್ಲಿ ಮಗ್ನರಾಗಿದ್ದರು. ಅಷ್ಟರಲ್ಲಿ ಅಲ್ಲಿಗೆ ಬಂದ ಕೋತಿಯೊಂದು ಆ ಮಹಿಳೆಯ ಮೊಬೈಲ್ ಎತ್ತಿಕೊಂಡಿದೆ. ಆದರೆ, ಅಂಗಡಿ ಮುಂದೆ ಗ್ರಾಹಕರ ಗದ್ದಲ ಉಂಟಾದ ಕಾರಣ ಮೊಬೈಲ್ ಸಮೇತವಾಗಿ ಕೋತಿ ಮರದ ತುದಿಗೆ ಹೋಗಿ ಕುಳಿತುಕೊಂಡಿದೆ.
ಆಗ ಮಹಿಳೆ ಹಾಗೂ ಅಲ್ಲಿ ನೆರೆದಿದ್ದ ಗ್ರಾಹಕರು ಸೇರಿ ಎಲ್ಲರೂ ಮೊಬೈಲ್ ಕೊಡುವಂತೆ ಕೋತಿಗೆ ಸನ್ನೆ ಮಾಡಿ ಕೇಳಿದ್ದಾರೆ. ಆದರೆ, ಅದು ಕೊಟ್ಟಿಲ್ಲ. ಇದೇ ವೇಳೆ ಮೊಬೈಲ್ಗೆ ಕರೆಯೊಂದು ಬಂದಿದೆ. ಆ ಕರೆಯನ್ನು ಸ್ವೀಕರಿಸಿರುವ ಕೋತಿ ತನ್ನ ಕಿವಿ ಮತ್ತು ಮುಖದ ಮುಂದೆ ಇಟ್ಟುಕೊಂಡು ಗಮನಿಸಲು ಯತ್ನಿಸಿದೆ. ಕೋತಿಯ ಈ ವರ್ತನೆಯಿಂದ ಅಲ್ಲಿ ಸೇರಿದ್ದ ಪ್ರತಿಯೊಬ್ಬರೂ ಆಶ್ಚರ್ಯದೊಂದಿಗೆ ದಿಗ್ಭ್ರಮೆಗೊಂಡಿದ್ದಾರೆ. ಇನ್ನೂ ವಿಚಿತ್ರವೆಂದರೆ ಸುಮಾರು ಒಂದು ಗಂಟೆಯ ಬಳಿಕ ಆ ಕೋತಿ ಯಾವ ಸ್ಥಳದಿಂದಲೇ ಮೊಬೈಲ್ ಎತ್ತಿಕೊಂಡು ಹೋಗಿತ್ತೋ, ಮತ್ತೆ ಅದೇ ಸ್ಥಳದಲ್ಲಿ ಬಿಟ್ಟು ಹೋಗಿದೆ.
ಇದನ್ನೂ ಓದಿ: ಒಟಿಟಿ, ವೆಬ್ ಚಾನೆಲ್ಗಳಿಗೂ ಸೆನ್ಸಾರ್ ಮಾಡಿ: ರಾಜ್ಯಸಭೆಯಲ್ಲಿ ಹೀಗೊಂದು ಚರ್ಚೆ
