ETV Bharat / bharat

ಹೊಸ ಸಂಸತ್‌ ಭವನ ವಿವಿಧತೆಯಲ್ಲಿ ಏಕತೆಯನ್ನು ಪ್ರತಿಬಿಂಬಿಸಿದೆ: ಧಾರ್ಮಿಕ ಪ್ರತಿನಿಧಿಗಳು

author img

By

Published : May 28, 2023, 12:47 PM IST

ಇಂದು ನಡೆದ ನೂತನ ಸಂಸತ್ ಭವನ ಉದ್ಘಾಟನೆ ಸಮಾರಂಭದ ಅಂಗವಾಗಿ ಸರ್ವಧರ್ಮ ಪ್ರಾರ್ಥನಾ ಸಭೆ ಜರುಗಿತು.

multi faith prayer meeting held during the new parliament
multi faith prayer meeting held during the new parliament

ನವದೆಹಲಿ : ನೂತನ ಸಂಸತ್ ಭವನ ಉದ್ಘಾಟನೆಯ ಅಂಗವಾಗಿ ಪ್ರಧಾನಿ ನರೇಂದ್ರ ಮೋದಿ ಭಾನುವಾರ ಸಂಸತ್ ಭವನದ ಫಲಕವನ್ನು ಅನಾವರಣಗೊಳಿಸಿದರು. ಇದರ ನಂತರ ಹೊಸ ಸಂಸತ್ ಕಟ್ಟಡದಲ್ಲಿ ಸರ್ವ-ಧರ್ಮ ಪ್ರಾರ್ಥನೆಗಳು ನಡೆದವು. ಪ್ರಧಾನಿ ಮೋದಿ ಅವರ ನೇತೃತ್ವದಲ್ಲಿ ನಡೆದ ಉದ್ಘಾಟನಾ ಸಮಾರಂಭದಲ್ಲಿ ಲೋಕಸಭೆ ಸ್ಪೀಕರ್ ಓಂ ಬಿರ್ಲಾ, ಕೇಂದ್ರ ಸಚಿವರು ಮತ್ತು ವಿವಿಧ ರಾಜ್ಯಗಳ ಮುಖ್ಯಮಂತ್ರಿಗಳು ಭಾಗವಹಿಸಿದ್ದರು.

12 ವಿಭಿನ್ನ ಧರ್ಮಗಳ ಧರ್ಮಗುರುಗಳು ಸರ್ವಧರ್ಮ ಪ್ರಾರ್ಥನಾ ಸಭೆಯಲ್ಲಿ ಪಾಲ್ಗೊಂಡಿದ್ದರು. ಭಾನುವಾರ ಬೆಳಗ್ಗೆ 7.30ರ ಸುಮಾರಿಗೆ ಹೋಮ ಹವನಗಳು ನಡೆದ ನಂತರ ಸರ್ವಧರ್ಮ ಪ್ರಾರ್ಥನೆ ಜರುಗಿತು. ಕ್ರಿಶ್ಚಿಯನ್ ಪಾದ್ರಿ, ಇಮಾಮ್, ದೇವಾಲಯದ ಅರ್ಚಕರು, ಸಿಖ್ ಧರ್ಮಗುರುಗಳು, ಬೌದ್ಧ, ಜೈನ ಸನ್ಯಾಸಿಗಳು ಮತ್ತು ಇತರ ಧರ್ಮಗಳ ಪ್ರತಿನಿಧಿಗಳು ಹಾಜರಿದ್ದರು. ಎಲ್ಲ ಧರ್ಮದವರ ಪಾಲ್ಗೊಳ್ಳುವಿಕೆ ಮತ್ತು ಏಕತೆಯನ್ನು ಉತ್ತೇಜಿಸುವ ಉದ್ದೇಶದಿಂದ ಸರ್ವಧರ್ಮ ಪ್ರಾರ್ಥನೆಯನ್ನು ಏರ್ಪಡಿಸಲಾಗಿತ್ತು.

ಹನ್ನೆರಡು ಧಾರ್ಮಿಕ ಪ್ರತಿನಿಧಿಗಳು ತಮ್ಮ ತಮ್ಮ ಧಾರ್ಮಿಕ ಗ್ರಂಥಗಳಿಂದ ಪವಿತ್ರ ಸ್ತೋತ್ರಗಳನ್ನು ಪಠಿಸಿದರು. ವೇದ ವಿದ್ವಾಂಸರೊಬ್ಬರು ಸಂಸ್ಕೃತದಲ್ಲಿ ನಿರರ್ಗಳವಾಗಿ ಮಾತನಾಡುತ್ತಾ, ಭಗವದ್ಗೀತೆಯ ಶ್ಲೋಕಗಳನ್ನು ಪಠಿಸಿದರು. ಸಿಖ್ ಬೋಧಕರ ತಂಡವು ಸಾಂಪ್ರದಾಯಿಕ ಸಂಗೀತ ವಾದ್ಯಗಳೊಂದಿಗೆ ಸಾಬಾದ್‌ನ ಸುಮಧುರ ನಿರೂಪಣೆಯೊಂದಿಗೆ ಪ್ರೇಕ್ಷಕರನ್ನು ಮಂತ್ರಮುಗ್ಧಗೊಳಿಸಿತು.

  • #WATCH | The new Parliament House has been inaugurated today. I offered prayers according to Buddhist rituals. Everyone should work for the growth of the country unitedly and keep politics aside: Lama Chosphel Zotpa, President, Himalaya Buddhist Cultural Association pic.twitter.com/4AT3VrZHtk

    — ANI (@ANI) May 28, 2023 " class="align-text-top noRightClick twitterSection" data=" ">

ಜೈನ ಧರ್ಮದ ಎಲ್ಲ ಪಂಗಡಗಳ ಪರವಾಗಿ ಕೃತಜ್ಞತೆಯನ್ನು ವ್ಯಕ್ತಪಡಿಸಿದ ಜೈನ ಮುನಿಯೊಬ್ಬರು, "ರಾಜದಂಡವನ್ನು ಅದರ ಸೂಕ್ತ ಸ್ಥಳದಲ್ಲಿ ಸ್ಥಾಪಿಸಿದ ಮತ್ತು ಅದಕ್ಕೆ ಅರ್ಹವಾದ ಗೌರವವನ್ನು ನೀಡಿದ್ದಕ್ಕಾಗಿ ನಾನು ಪ್ರಧಾನಿ ನರೇಂದ್ರ ಮೋದಿಯವರಿಗೆ ಧನ್ಯವಾದ ಹೇಳಲು ಬಯಸುತ್ತೇನೆ" ಎಂದು ಹೇಳಿದರು.

  • "The new Parliament building represents change and it is a historic moment for us. Every Indian should stay united," says Jasbeer Kaur who took part in the multi-faith prayers at the inauguration of the new Parliament building pic.twitter.com/tumCHQWPED

    — ANI (@ANI) May 28, 2023 " class="align-text-top noRightClick twitterSection" data=" ">

ಸರ್ವ ಧರ್ಮದ ಸಮಾರಂಭದಲ್ಲಿ ಭಾಗವಹಿಸಿದ ಸಿಖ್ ಗುರು ಬಲ್ಬೀರ್ ಸಿಂಗ್ ಅವರು ಹೊಸ ಸಂಸತ್ತಿನ ಕಟ್ಟಡದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು, ರಾಷ್ಟ್ರದ ಪ್ರಗತಿಗೆ ಏಕತೆಯ ಮಹತ್ವವನ್ನು ಒತ್ತಿ ಹೇಳಿದರು. ಹೊಸ ಸಂಸತ್ತು ನಿರ್ಮಾಣವಾಗಿರುವುದು ಬಹಳ ಒಳ್ಳೆಯ ಸಂಗತಿ. ನಾನು ರಾಜಕೀಯದಿಂದ ದೂರವಿದ್ದೇನೆ, ಆದರೆ ದೇಶದ ಬೆಳವಣಿಗೆಗೆ ಎಲ್ಲರೂ ಒಗ್ಗಟ್ಟಿನಿಂದ ಕೆಲಸ ಮಾಡಬೇಕು ಎಂದು ನಾನು ನಂಬುತ್ತೇನೆ ಎಂದು ಅವರು ತಿಳಿಸಿದರು. ಸಂಸತ್ತಿನಲ್ಲಿ ಸೆಂಗೋಲ್ ತನ್ನ ಸರಿಯಾದ ಸ್ಥಾನವನ್ನು ಪಡೆಯುತ್ತಿದೆ ಎಂದು ತಿರುವಾಡುತುರೈ ಅಧೀನಮ್​ನ ಪ್ರಧಾನ ಮಠಾಧೀಶ ಅಂಬಲವಂ ದೇಶಿಕ ಪರಮಾಚಾರ್ಯರು ನುಡಿದರು.

  • #WATCH | We witnessed a historic moment when the 'Dharma Dand' was installed in the new Parliament today, says Jain priest Acharya Dr. Lokesh Muni who was part of a multi-faith prayer meeting held during the inauguration ceremony. pic.twitter.com/NBVC4FDoOL

    — ANI (@ANI) May 28, 2023 " class="align-text-top noRightClick twitterSection" data=" ">

ಸರ್ವ ಧರ್ಮ ಪ್ರಾರ್ಥನೆಯ ಮೊದಲು ಪ್ರಧಾನಿ ಮೋದಿ ಅವರು ಮಹಾತ್ಮ ಗಾಂಧಿ ಪ್ರತಿಮೆ ಬಳಿ ಪೂಜೆ ಮತ್ತು ಹವನದಲ್ಲಿ ಭಾಗವಹಿಸಿದರು. ಲೋಕಸಭೆಯ ಸ್ಪೀಕರ್ ಓಂ ಬಿರ್ಲಾ ಕೂಡ ಅವರೊಂದಿಗೆ ಹಾಜರಿದ್ದರು. ನಂತರ ಅವರು ತಮಿಳುನಾಡಿನ ಹಿಂದೂ ದಾರ್ಶನಿಕರ ಸಮ್ಮುಖದಲ್ಲಿ ಐತಿಹಾಸಿಕ 'ಸೆಂಗೊಲ್' ರಾಜದಂಡವನ್ನು ಕೆಳಮನೆಯಲ್ಲಿ ಸ್ಥಾಪಿಸಿದರು. 'ಸೆಂಗೊಲ್' ಅನ್ನು ಮೂಲತಃ ಭಾರತದ ಮೊದಲ ಪ್ರಧಾನ ಮಂತ್ರಿ ಜವಾಹರಲಾಲ್ ನೆಹರು ಅವರಿಗೆ ಬ್ರಿಟಿಷರು ನೀಡಿದ್ದರು. ಇದು ಬ್ರಿಟಿಷರಿಂದ ಭಾರತಕ್ಕೆ ಅಧಿಕಾರದ ವರ್ಗಾವಣೆಯನ್ನು ಸಂಕೇತಿಸುತ್ತದೆ. 'ಸೆಂಗೊಲ್' ಎಂಬ ಪದವು 'ಸೆಮ್ಮೈ' ಎಂಬ ತಮಿಳು ಪದದಿಂದ ಬಂದಿದೆ ಎಂದು ಹೇಳಲಾಗಿದೆ.

  • #WATCH | "It is a very good thing that the new Parliament has been built. I keep myself away from politics, the only thing I can say is that everyone should work unitedly for the growth of the country," says Sikh Guru Balbir Singh who took part in the multi-faith prayers at the… pic.twitter.com/QMKAASWWS8

    — ANI (@ANI) May 28, 2023 " class="align-text-top noRightClick twitterSection" data=" ">

ಇದನ್ನೂ ಓದಿ : ಕ್ವಿಕ್ ಕಾಮರ್ಸ್​ ವಿಸ್ತಾರ: ಡೆಲಿವರಿ ಬಾಯ್​ಗಳಿಗೆ ಹೆಚ್ಚುತ್ತಿರುವ ಬೇಡಿಕೆ

TAGGED:

multi faith prayer meeting heldetv bharat kannadaನೂತನ ಸಂಸತ್ ಭವನ ಉದ್ಘಾಟನೆ

Quick Links / Policies

Get Us On

ETV Bharat IOS AppETV Bharat Google App

Please write to us, for media partnership and Ad-sales inquiries. Email: adops@etvbharat.com

ಆಯ್ದ ಲೇಖನಗಳು

ಆಲ್ಕೋಹಾಲ್ ಸೇವನೆಯಿಂದ ಯಕೃತ್ತಿಗೆ ಎಷ್ಟು ಹಾನಿ? ತಜ್ಞರು ಹೇಳುವುದೇನು? - Alcohol Damage Liver

50 MP ಕ್ಯಾಮೆರಾದೊಂದಿಗೆ ಸ್ಯಾಮ್​ಸಂಗ್ Galaxy F 55 ಸ್ಮಾರ್ಟ್​ಫೋನ್ ಬಿಡುಗಡೆ: ಬೆಲೆ ಎಷ್ಟು ಗೊತ್ತಾ? - Samsung launches Galaxy F55

ಚಿಪ್ಸ್​, ಕೋಲ್ಡ್​ ಡ್ರಿಂಕ್ಸ್​ನಂತಹ ಆಹಾರ ಸೇವನೆಯಿಂದ ನೆನಪಿನ ಶಕ್ತಿ ಮೇಲೆ ಪರಿಣಾಮ; ಅಧ್ಯಯನದಲ್ಲಿ ಬಹಿರಂಗ - Ultra processed foods effect

ಪಪುವಾ ನ್ಯೂಗಿನಿ ಭೂಕುಸಿತ: ಕನಿಷ್ಠ 2,000 ಜನರು ಜೀವಂತ ಸಮಾಧಿ! - Papua New Guinea Landslide

ಟ್ರೆಂಡಿಂಗ್

(ಯಾವುದೇ ವಿಷಯದ ಮೇಲೆ ಕ್ಲಿಕ್ ಮಾಡಿ)
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.