ನವದೆಹಲಿ: 75ನೇ ಸ್ವಾತಂತ್ರ್ಯ ದಿನಾಚರಣೆಗೆ ಕೆಲವೇ ದಿನಗಳು ಬಾಕಿ ಉಳಿದಿವೆ. ಈ ಹಿನ್ನೆಲೆಯಲ್ಲಿ ‘ಹರ್ ಘರ್ ತಿರಂಗ’ ಅಭಿಯಾನಕ್ಕೆ ಕೇಂದ್ರ ಸರ್ಕಾರ ಈಗಾಗಲೇ ಚಾಲನೆ ನೀಡಿದೆ. ಇದೀಗ ರಾಷ್ಟ್ರಧ್ವಜದ ಕುರಿತಾಗಿ ನಾಗರಿಕರಿಗೆ ಮಾರ್ಗಸೂಚಿ ಪ್ರಕಟಿಸಿದೆ. ಆಗಸ್ಟ್ 13 ಮತ್ತು 15 ರ ನಡುವೆ ತ್ರಿವರ್ಣ ಧ್ವಜವನ್ನು ಮನೆಗೆ ತಂದು ಧ್ವಜಾರೋಹಣದ ನಂತರ ಹೇಗೆ ಮಡಿಸಿಡಬೇಕು ಎಂಬುದನ್ನು ಕೇಂದ್ರ ಸಂಸ್ಕೃತಿ ಸಚಿವಾಲಯ ಈ ಕೆಳಗಿನಂತೆ ಹಂತ-ಹಂತವಾಗಿ ತಿಳಿಸಿದೆ.
- ಧ್ವಜವನ್ನು ಅಡ್ಡಲಾಗಿ ಇರಿಸಬೇಕು.
- ಮಧ್ಯದ ಬಿಳಿ ಪಟ್ಟಿಯ ಮೇಲೆ ಹಾಗೂ ಕೆಳಗೆ ಕೇಸರಿ ಮತ್ತು ಹಸಿರು ಪಟ್ಟಿಗಳು ಇರುವಂತೆ ಮಡಿಸಬೇಕು.
- ಕೇಸರಿ ಮತ್ತು ಹಸಿರು ಪಟ್ಟಿಗಳ ಭಾಗಗಳೊಂದಿಗೆ ಅಶೋಕ ಚಕ್ರ ಕಾಣುವ ರೀತಿಯಲ್ಲಿ ಬಿಳಿ ಪಟ್ಟಿಯನ್ನು ಮಡಿಸಬೇಕು.
- ಈ ಪ್ರಕ್ರಿಯೆಯು ಪೂರ್ಣಗೊಂಡ ನಂತರ, ಮಡಿಸಿದ ಧ್ವಜವನ್ನು ಶೇಖರಿಸಲು ಅಂಗೈ ಅಥವಾ ತೋಳುಗಳ ಮೇಲೆ ಒಯ್ಯಬೇಕು.
ಇದನ್ನೂ ಓದಿ: ಕೇಂದ್ರ ನಿರ್ಧಾರಕ್ಕೆ ಕಂಗಾಲಾದ ಅನ್ನದಾತ: ರಾಷ್ಟ್ರಧ್ವಜ ತಯಾರಿಕೆಗೆ ಇನ್ನೂ ಮುಂದೆ ಬೇಕಿಲ್ಲ ಹತ್ತಿ
