ಮುಂಬೈ: ಕ್ರೂಸ್ ಶಿಪ್ನಲ್ಲಿ ಡ್ರಗ್ಸ್ ಸಾಗಾಟ ಪ್ರಕರಣದಲ್ಲಿ ಬಾಲಿವುಡ್ ನಟ ಶಾರೂಕ್ ಖಾನ್ ಪುತ್ರ ಆರ್ಯನ್ ಖಾನ್ಗೆ ಜಾಮೀನು ಸಿಗದ ಕಾರಣದಿಂದಾಗಿ ತಾಯಿ ಗೌರಿ ಖಾನ್ ಕಣ್ಣೀರು ಹಾಕುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಆರ್ಯನ್ ಖಾನ್ ಅವರ ಜಾಮೀನು ಅರ್ಜಿಯ ಕುರಿತು ವಕೀಲರು ನ್ಯಾಯಾಲಯದಲ್ಲಿ ವಾದ ಮಂಡನೆ ಮಾಡುತ್ತಿರುವ ಸಮಯದಲ್ಲಿ ಹೊರಗೆ ಕಾರಿನಲ್ಲಿ ಕುಳಿತಿದ್ದ ಗೌರಿ ಖಾನ್ ಜಾಮೀನು ನಿರಾಕರಿಸಿ ತೀರ್ಪು ಬಂದ ಕೂಡಲೇ ಕಣ್ಣೀರು ಹಾಕಿದ್ದನ್ನು ಪಾಪರಾಜಿಯೊಬ್ಬರು ಫೋಟೋ ತೆಗೆದು ಫೇಸ್ಬುಕ್ನಲ್ಲಿ ಹಂಚಿಕೊಂಡಿದ್ದಾರೆ. ಇನ್ಸ್ಟಾಗ್ರಾಮ್ನಲ್ಲೂ ಕೆಲವರು ಹಂಚಿಕೊಂಡಿದ್ದಾರೆ.
ಗೌರಿ ಖಾನ್ ಅವರು ಅಳುವ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಸಂತೈಸಿದ್ದಾರೆ. ಶುಕ್ರವಾರ ಗೌರಿ ಖಾನ್ ಅವರ ಹುಟ್ಟುಹಬ್ಬವಾಗಿದ್ದು, ಇದೇ ವೇಳೆ ಆರ್ಯನ್ ಖಾನ್ ಜೈಲು ಸೇರಿರುವುದು ಕುಟುಂಬದ ಬೇಸರ ಹೆಚ್ಚಾಗಲು ಕಾರಣವಾಗಿದೆ.
ಇದನ್ನೂ ಓದಿ: ಯುವತಿ ವಿಚಾರಕ್ಕೆ ಯುವಕನ ಮರ್ಡರ್: 8 ತಾಸಲ್ಲೇ ಮೂವರನ್ನು ವಶಕ್ಕೆ ಪಡೆದ ಪೊಲೀಸರು
