ಪುಣೆ(ಮಹಾರಾಷ್ಟ್ರ): ಪುಣೆ ಅಹಮದ್ನಗರ ಹೆದ್ದಾರಿಯಲ್ಲಿ ಭೀಕರ ಅಪಘಾತ ಸಂಭವಿಸಿದೆ. ಘಟನೆಯಲ್ಲಿ ಐವರು ಸ್ಥಳದಲ್ಲೇ ಸಾವನಪ್ಪಿದ್ದು, ಓರ್ವ ವ್ಯಕ್ತಿ ಗಂಭೀರವಾಗಿ ಗಾಯಗೊಂಡಿದ್ದಾನೆ ಎಂದು ತಿಳಿದು ಬಂದಿದೆ.
ಮೃತರನ್ನು ಸಂಜಯ್ ಭೌಸಾಹೇಬ್ ಮ್ಹಾಸ್ಕೆ(53), ರಾಮ್ ಭೌಸಾಹೇಬ್ ಮ್ಹಾಸ್ಕೆ (45), ರಾಮ್ ರಾಜು ಮ್ಹಾಸ್ಕೆ (7), ಹರ್ಷದಾ ರಾಮ್ ಮ್ಹಾಸ್ಕೆ (4) ಹಾಗೂ ವಿಶಾಲ್ ಸಂಜಯ್ ಮ್ಹಾಸ್ಕೆ(16) ಎಂದು ಗುರುತಿಸಲಾಗಿದೆ. ಈ ಅಪಘಾತದಲ್ಲಿ ಸಾಧನಾ ರಾಮ್ ಮ್ಹಾಸ್ಕೆ ಎಂಬುವವರು ಗಂಭೀರವಾಗಿ ಗಾಯಗೊಂಡಿದ್ದಾರೆ.
ಮೂಲಗಳ ಪ್ರಕಾರ, ರಸ್ತೆ ಬಿಟ್ಟು ರಾಂಗ್ ರೂಟ್ನಲ್ಲಿ ಬಂದ ಲಾರಿ ಏಕಾಏಕಿ ರಸ್ತೆ ಮಧ್ಯೆ ಬಂದು ಕಾರಿಗೆ ಡಿಕ್ಕಿ ಹೊಡೆದಿದೆ ಎನ್ನಲಾಗ್ತಿದೆ. ರಂಜನಗಾಂವ್ ಎಂಐಡಿಸಿಯ ಎಲ್ಜಿ ಕಂಪನಿ ಎದುರು ಈ ಭೀಕರ ಅಪಘಾತ ಸಂಭವಿಸಿದೆ. ಮೃತರೆಲ್ಲರೂ ಪನ್ವೇಲ್‌ಗೆ ಹೊರಟಿದ್ದರು ಎಂದು ತಿಳಿದು ಬಂದಿದೆ.
ಇದನ್ನೂ ಓದಿ: ಮಹಾರಾಷ್ಟ್ರದಲ್ಲಿ ಭೀಕರ ರೈಲು ಅಪಘಾತ: 53 ಮಂದಿ ಗಾಯ
