ವಿಶಾಖಪಟ್ಟಣಂ (ಆಂಧ್ರಪ್ರದೇಶ): ಕೊಮ್ಮು ಕೋಣಂ (Black Marlin) ಮೀನೊಂದು ಮೀನುಗಾರನ ಹೊಟ್ಟೆಗೆ ಇರಿದ ಪರಿಣಾಮ ಸಾವನ್ನಪ್ಪಿರುವ ದಾರುಣ ಘಟನೆ ನಡೆದಿದೆ. ಮೃತರನ್ನು ವಿಶಾಖಪಟ್ಟಣದ ಪರವಾಡ ಮಂಡಲದ ಜಲರಿಪೇಟ ನಿವಾಸಿ ಎನ್ ಜೋಗಣ್ಣ ಎಂದು ಗುರುತಿಸಲಾಗಿದೆ.
ಬುಧವಾರ ವಿಶಾಖಪಟ್ಟಣಂನಿಂದ ಸುಮಾರು 90 ಕಿ.ಮೀ. ದೂರದ ಮುತ್ಯಾಲಮ್ಮಪಾಲೆಂ ಕರಾವಳಿಯ ಆಳ ಸಮುದ್ರದಲ್ಲಿ ಮೀನುಗಾರ ಮೀನುಗಾರಿಕೆಗೆ ತೆರಳಿದ್ದಾರೆ. ಮೀನುಗಾರ ಬಲೆಯಲ್ಲಿ ಸುಮಾರು 70-80 ಕೆಜಿ ತೂಕದ ಮಾರ್ಲಿನ್ ಫಿಶ್ ಸಿಲುಕೊಂಡಿದೆ.
ಮೀನುಗಳನ್ನು ದೋಣಿಗೆ ಎಳೆಯಲು ಸಾಧ್ಯವಾಗದ ಕಾರಣ ಜೋಗಣ್ಣ ತಕ್ಷಣವೇ ಜಲಚರವನ್ನು ಸಾಗಿಸಲು ಸಮುದ್ರಕ್ಕೆ ಹಾರಿದ್ದಾರೆ. ಮೀನುಗಳನ್ನು ದೋಣಿಗೆ ಸಾಗಿಸುವ ಬರದಲ್ಲಿ ಬ್ಲ್ಯಾಕ್ ಮಾರ್ಲಿನ್ ಫಿಶ್ ತನ್ನ ಚೂಪಾದ ಕೊಕ್ಕೆಯಿಂದ ಮೀನುಗಾರನ ಹೊಟ್ಟೆಗೆ ಚುಚ್ಚಿದೆ.
ಮೀನು ಚುಚ್ಚಿದ ರಭಸಕ್ಕೆ ಜೋಗಣ್ಣ ಸ್ಥಳದಲ್ಲೇ ಸಾವನ್ನಪ್ಪಿದ್ದಾನೆ. ಬಳಿಕ ಮೀನು ಸಮುದ್ರದೊಳಗೆ ಹೋಗಿದೆ. ಜೋಗಣ್ಣನ ಶವವನ್ನು ದಡಕ್ಕೆ ತರಲಾಯಿತು. ತದನಂತರ ಮರಣೋತ್ತರ ಪರೀಕ್ಷೆಗಾಗಿ ಜೋಗಣ್ಣನ ಮೃತದೇಹವನ್ನು ಆಸ್ಪತ್ರೆಗೆ ಕೊಂಡೊಯ್ಯಲಾಯಿತು. ಈ ಘಟನೆ ಕುರಿತು ಇನ್ನಷ್ಟು ಮಾಹಿತಿ ಲಭ್ಯವಾಗಬೇಕಿದೆ.
ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ
